मर्‌कुस् 12:6 - पश्‍चिम तामाङ

⁶ न्‍याबोल देरेम् पीत्‍परी थेचे य्‍हक्‍कोनो म्‍होइबे ज गीःकीनो मुबल। ओसेम् ‘थेङ्‍यीमाचे ङइ जतम् स्‍हेस स्‍य्‍हेङ्‍ल’ म्‍हेन्‍ज्‍यीम् गोदोब्‍न्‍हङ् लीक्‍यम् न्‍याबोचे थेइ जत पीत्‍ज्‍यी।

मर्‌कुस् 12:6 ပူးပေါင်းရင်းမြစ်များ

मत्‍ती 1:23

“च्‍यागो, कङ्‍य अमकोलइ फोरी कोल खज्‍यीम् थेचे ज गी न्‍हस्‍ये मुब। ओसेम् म्‍हीमाचे थेङ्‌त इम्‍मानुएल पङ्‌स्‍ये मुब।” (इम्‍मानुएल पङ्‍बलमी, “पर्‌मेस्‍वर् ङ्‍य्‍हङ्तेङ्” य्‍हीन्‍ब।)

मत्‍ती 11:27

“ङइ अपचे जम्‍मा स्‍हेमा ङत सोप्‍तीजेत्‍पल मुब। अपचे बीम खल्‍चेएनो जत अस्‍ये, ओसेम् जचे बीम खल्‍चेएनो अपत अस्‍ये, तर जचे अपत स्‍येनलपीन्‍बे म्‍हीमाचे अपत स्‍येःब।

मत्‍ती 17:5

पत्रुसचे चोले तम् पङ्‍न पङ्‍ननो सर्‌बे मुक्‍प खज्‍यीम् थेङ्‌मात गप्‍ज्‍यी, ओसेम् हुजु मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, थेतेङ् ङ य्‍हक्‍को तङ्‍बल मुब, थेइ तम् ङ्‌येनो।”

मत्‍ती 26:63

तर येसु कुटीले स्‍य्‍हुजेत्‍ज्‍यी। ओसेम् देबेएनो गोदोब्‍न्‍हङ्‍की ङ्‍हच्‍छ्‍यङ् लम्‍बुचे थेङ्‌त पङ्‍ज्‍यी, “ङ एत पङ्‍ब, एचे सोम्‍बो पर्‌मेस्‍वर्‌की छेन्‍री ङ्‍यीमात स्‍येतो, ए मुक्‍ती न्‍हङ्‌बे ख्रीस्‍ट् पर्‌मेस्‍वर्‌की ज य्‍हीन्‍ब?”

मत्‍ती 3:17

ओसेम् स्‍वर्‌ग ग्‍यम्‍चे चोतेबे केत् थ्‍येःज्‍यी, “चु ङइ म्‍होइबे ज य्‍हीन्‍ब, ओसेम् ङ थेतेङ् य्‍हक्‍को तङ्‍बल मुब।”

मर्‌कुस् 1:11

ओसेम् स्‍वर्‌ग ग्‍यम्‍से, “ए ङइ खोबे ज य्‍हीन्‍ब। ङ एतेङ् य्‍हक्‍को तङ्‍बल मुब” बी पङ्‌बे फ्रोइ थ्‍येःज्‍यी।

मर्‌कुस् 12:5

म्रङ्‌की न्‍याबोचे देबेएनो ल्‍हो-ल्‍हो योक्‍पो गीःत पीत्‍ज्‍यी। तर हुजु योक्‍पोत थेङ्‍यीमाचे सेत्‍लाज्‍यी। होलेनो न्‍याबोचे ल्‍हो-ल्‍हो योक्‍पोमा पीत्‍स्‍यीनो टीज्‍यी। पीमा स्‍य्‍हेङ्‌बे म्‍हीमाचे कोइ योक्‍पोत सेत्‍लाज्‍यी कोइ योक्‍पोत तोज्‍यी।

मर्‌कुस् 12:7

“तर हुजु पीमा स्‍य्‍हेङ्‌बे म्‍हीमाचे र्‌हङ्‍न्‍हङ् चोले पङ्‍ज्‍यी, ‘क्‍युजुम् न्‍याबोइ ज य्‍हीन्‍ब। लो थेत सेत्‍लागे, ओसेम् थेइ हक् ङ्‍य्‍हङ्‍माचे यङ्‍स्‍ये मुब।’

मर्‌कुस् 9:7

हुजु बेलोरीनो मुक्‍प खज्‍यीम् थेङ्‌यीमात उप्‍ज्‍यी। ओसेम् मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, एङ्‍यीमाचे थेइ तम् ङ्‌येनो।”

लुका 3:22

ओसेम् स्‍वर्‌गचे पबीत्र आत्‍मा ढुकुरकी ल्‍हीरी येसुतेङ् स्‍य्‍हुबरी न्‍हेयुज्‍यी। ओसेम् स्‍वर्‌गचे पर्‌मेस्‍वर्‌की चोतेबे फ्रोइ युज्‍यी, “ए ङइ खोबे ज य्‍हीन्‍ब। ङ एतेङ् य्‍हक्‍को तङ्‌बल मुब।”

लुका 9:35

मुक्‍प्‍पन्‍हङ्‌चे चोले पङ्‌बे केत् थ्‍येःज्‍यी, “चु ङइ ज, थेत ङचे दम्‍बल य्‍हीन्‍ब। थेचे पङ्‌बे तम् एङ्‍यीमाचे ङ्‌येनो।”

युहन्‍ना 1:14

फ्रोइ म्‍ही तजेत्‍ज्‍यीम् ङ्‌य्‍हङ्‌माकी गुङ्‍री स्‍य्‍हुजेत्‍ज्‍यी। थेङ् अनुग्रहतेङ् देमेन्‍चे प्‍लीङ्‍जेत्‍पल मुबल। ङ्‍य्‍हङ्‍माचे थेङ्‌की महीमा म्रङ्‍ज्‍यी। हुजु महीमा अप ग्‍यम्‍से गीकीनो मुबे जत युबल मुबल।

युहन्‍ना 1:18

खल्‍चेएनो पर्‌मेस्‍वर्‌त खेमेएनो म्रङ्‌बल अरे। अपतेङ् बक्‍च्‍य मुबे गीकीनो ज र्‌हङ्‌नो पर्‌मेस्‍वर्‌चे अपत स्‍येन लजेत्‍पल मुब।

युहन्‍ना 1:34

ङचे पबीत्र आत्‍मा थेङ्‌की जोरी ब्‍योन्‍युबल म्रङ्‌बल मुब, ओसेम् ङ पङ्‍ब थेङ्‍नो पर्‌मेस्‍वर्‌की ज य्‍हीन्‍ब।”

युहन्‍ना 1:49

हुजुलीप्‍चे नथानेल्‍चे थेङ्‌त पङ्‍ज्‍यी, “लोप्‍पोन्, थेङ्‍मी पर्‌मेस्‍वर्‌की ज य्‍हीन्‍ब टीम्, थेङ् एस्रएलीमाकी ग्‍यल्‍बो य्‍हीन्‍ब टीम्!”

युहन्‍ना 3:35

अपचे जत म्‍होइजेत्‍प, ओसेम् जम्‍मनो तम्‍मा थेङ्‌की फ्‍यारी न्‍हङ्‌बल मुब।

युहन्‍ना 5:23

होत्‍तज्‍यीम् थेङ्‍यीमाचे अपत स्‍य्‍हेस स्‍य्‍हेङ्‌ब र्‌हङ्‌लेनो जतएनो स्‍य्‍हेस स्‍य्‍हेङ्‌खइ। ओसेम् जत स्‍य्‍हेस अस्‍य्‍हेङ्‌बलचे थेत पीत्‍युजेत्‍पे अपतएनो स्‍य्‍हेस अस्‍हेङ्।

हीब्रु 1:6

ओसेम् पर्‌मेस्‍वर्‌चे र्‌हङ्‍की गीकीनो जत जम्‍बुलीङ्‌री पीत्‍युजेत्‍पे बेलोरी चोले सुङ्‌जेत्‍ज्‍यी, “पर्‌मेस्‍वर्‌की जम्‍मनो स्‍वर्‌गदुत्‍माचे थेत तेन्‍खइ।”

१ युहन्‍ना 4:9

पर्‌मेस्‍वर्‌चे थेङ्‌की म्‍होइब ङ्‌य्‍हङ्‍मात चोले ङोन्‍जेत्‍ज्‍यी, की ङ्‍य्‍हङ्‍माचे जीवन् यङ्‍खइ पङ्‍ज्‍यीम् थेङ्‌की गीःकीनो मुबे जत जम्‍बुलीङ्‌री पीत्‍युजेत्‍ज्‍यी।

३ युहन्‍ना 1:1

ङचे देमेन्‍नो म्‍होइबे ङइ खोबे र्‌हो गायसत ङ एल्‍डर् ग्‍यम्‍से चु चीठी ब्रीटीब।