मर्‌कुस् 12:42 - पश्‍चिम तामाङ

⁴² ओसेम् र्‌हेम्‍बो स्‍यीबे प्रङ्‌न अमकोल गीःएनो खज्‍यीम् स्‍हङ्‌मोइ पइस ङ्‌ही युज्‍यी।

मर्‌कुस् 12:42 ပူးပေါင်းရင်းမြစ်များ

मत्‍ती 10:42

खल्‍चे ज्‍यीद बीम ज्‍यीदत ङइ डब पङ्‍ज्‍यीम् बोङ्‍ननङ् स्‍यीम् यी थुङ्‍पुङ्‍ल देमेन्‍नो थेचे बक्सीस् यङ्‍स्‍येनो मुब।”

मत्‍ती 5:26

देमेन्‍नो ङ एङ्‌यीमात पङ्‍ब, एचे गोदोब्‍न्‍हङ्‍री चेक् तबे पइसएनो अफागदेसम्‍म ए डोङ्‍म्‍यङ्‍स्‍ये अरे।

मर्‌कुस् 12:41

येसु पर्‌मेस्‍वर्‌की दीम्‍की भेटी युबे तङ्‍लोकी रेइरी स्‍य्‍हुज्‍यीम् म्‍हीमाचे टङ युबल स्‍हीजेत्‍ज्‍यी। बरु म्‍हीमाचे य्‍हक्‍को टङ युज्‍यी।

मर्‌कुस् 12:43

येसुचे र्‌हङ्‌की डबमात र्‌हुब्‍ले ङ्‌होत्‍ज्‍यीम् सुङ्‌जेत्‍ज्‍यी, “ङ एङ्‌यीमात देमेन्‍नो पङ्‍ब, चु र्‌हेम्‍बो स्‍यीबे अमकोलचे ल्‍हो-ल्‍होमाचे बीमम् य्‍हक्‍को भेटी युबल मुब।

लुका 12:59

ङ एत पङ्‌ब, एचे जरीवान फाथोबे जम्‍मनो टङ अफागदे हुजु ग्‍लाचे डोङ् म्‍यङ्‍स्‍ये अरे।”

लुका 21:2

ओसेम् थेङ्‌चे र्‌हेम्‍बो स्‍यीबे प्रङ्‌न अमकोल गीःचेएनो स्‍हङ्‌मोइ पइस ङ्‌य्‍ही युटीबल म्रङ्‌जेत्‍ज्‍यी।

२ कोरीन्‍थी 8:12

एङ्‌यीमाल पीन्‍बे सेम् य्‍हक्‍को मुसम् एङ्‌यीमातेङ् ता मुब, हुजु ग्‍यम्सेनो पीन्बे स्‍हेरी पर्‌मेस्‍वर् तङ्‌जेत्‍प, तर एङ्‌यीमातेङ् अरेबे स्‍हे पर्‌मेस्‍वर्‌चे म्‍हइअजेत्।

२ कोरीन्‍थी 8:2

ल्‍हो-ल्‍हो म्‍हीमाचे य्‍हक्‍को दुख पीन्‍लेएनो थेङ्‍यीमा य्‍हक्‍को तङ्‍बल मुब। ओसेम् थेङ्‍यीमा र्‌हङ् य्‍हक्‍को प्रङ्‍न मुलेएनो ल्‍हो-ल्‍होत सेम् य्‍हङ् लज्‍यीम् पीन्‍ब।