मर्‌कुस् 12:31 - पश्‍चिम तामाङ

³¹ पर्‌मेस्‍वर्‌चे कुल्‍जेत्‍पे ल्‍हो-ल्‍हो ङ्‍हच्‍छ्‍यङ् अर्‌ती चु य्‍हीन्‍ब, ‘एइ खीम्‍चेत र्‌हङ्‍त र्‌हङ्‌लेनो म्‍होइगो।’ पर्‌मेस्‍वर्‌चे कुल्‍जेत्‍पे अर्‌तीमान्‍हङ्‌री चु ङ्‌हीम् ङ्‍हच्‍छ्‍यङ् अर्‌ती य्‍हीन्‍ब।”

मर्‌कुस् 12:31 ပူးပေါင်းရင်းမြစ်များ

मत्‍ती 22:39

ओसेम् चुइ लीक्‍यम्‍की अर्‌तीएनो चु र्‌हङ्‍बे ङ्‍हच्‍छ्‍यङ्‌नो य्‍हीन्‍ब- ‘एचे र्‌हङ्‌की खीम्‍चेत र्‌हङ्‍त र्‌हङ्‌लेनो म्‍होइगो।’

मत्‍ती 7:12

“ल्‍हो-ल्‍हो म्‍हीमाचे एङ्‌यीमाकी लागीरी ता स्‍य्‍हेङ्पीन्‍खइ म्‍हेन्‍ज्‍यी, होलेनो एङ्‌यीमाचेएनो ल्‍हो-ल्‍हो म्‍हीमात स्‍य्‍हेङो। तलेपङ्‍सम् चुनो पर्‌मेस्‍वर्‌की नीयम्तेङ् अगम्‍बक्‍तमाचे लोप्‍पे तम्‍मा य्‍हीन्‍ब।

मर्‌कुस् 12:32

हुजु धर्‌म-लोप्‍पोन्‍चे येसुत पङ्‍ज्‍यी, “लोप्‍पोन्, थेङ्‌चे ठीक्‍नो सुङ्‌ज्‍यी, परमप्रभु पर्‌मेस्‍वर् गीःकीनो मुब, थेङ् बीमम् ल्‍हो-ल्‍हो पर्‌मेस्‍वर् खलएनो अरे।

लुका 10:27

धर्‌म-लोप्‍पोन्‍चे पङ्‌ज्‍यी, “‘एचे परमप्रभु र्‌हङ्‌ल पर्‌मेस्‍वर्‌त र्‌हङ्‌की सेम् य्‍हङ्‌से, बुः य्‍हङ्‌से, बङ् य्‍हङ्‌से, म्‍हेन्लु य्‍हङ्‌से म्‍होइको।’ ओसेम् ‘र्‌हङ्‌की खीम्‍चेत र्‌हङ्‌त र्‌हङ्‌लेनो म्‍होइथोब।’”

गलाती 5:14

तलेपङ्‍सम् मोसाचे ब्रीबे जम्‍मनो नीयम्, “एचे र्‌हङ्‍की खीम्‍सेत र्‌हङ्‍त र्‌हङ्‌लेनो म्‍होइगो” पङ्‌बे अर्‌ती गीःरीनो पुरा तब।

१ युहन्‍ना 4:21

खल्‍चे पर्‌मेस्‍वर्‌त म्‍होइब थेचे ल्‍हो-ल्‍हो बीस्‍वासी र्‌होमातएनो म्‍होइथोब। चुनो ङ्‌य्‍हङ्‍मात ख्रीस्‍ट्‍चे कुल्‍जेत्‍पे अर्‌ती य्‍हीन्‍ब।