मर्‌कुस् 10:40 - पश्‍चिम तामाङ

⁴⁰ तर ङइ केत् पट्‌टीतेङ् ल्‍होम् पट्‍टीचे टीबुङ्‍बे अधीकार् ङइ यारी अरे। हुजु ग्‍ला पर्‌मेस्‍वर्‌चे खल्‍त पीन्‍ब पङ्‍ज्‍यीम् स्‍य्‍हेङ्‌जेत्‍ज्‍यी थेतनो न्‍हङ्‌स्‍ये मुब।”

मर्‌कुस् 10:40 ပူးပေါင်းရင်းမြစ်များ

मत्‍ती 13:11

थेङ्‌चे डबमात सुङ्‌ज्‍यी, “स्‍वर्‌ग य्‍हुल्‍की न्‍हङ्‌की तम्‍मा स्‍येःबे ज्ञान एङ्‌यीमात पीन्‍बल मुब, तर ल्‍हो-ल्‍होमात पीन्‍बल अरे।

मत्‍ती 20:23

ओसेम् येसुचे थेङ्‌यीमात सुङ्‌ज्‍यी, “ङइ खोरे ग्‍यम्‍से एङ्‌यीमाचेएनो थुङ्‌स्‍ये मुब। तर एङ्‌यीमात ङइ केत् पट्‌टीतेङ् ल्‍होम् पट्‍टीचे टीबुङ्‌बे अधीकार् ङतेङ् अरे। ङइ अपचे खल्‍त दम्‍जेत्‍ज्‍यी हुजुतनो पीन्‍बरी थेङ्‌चे टोप् लजेत्‍पल मुब।”

मत्‍ती 25:34

हुजुलीप्‍चे ग्‍यल्‍बोचे र्‌हङ्‌की केत्‍पट्‍टीचे मुबलमात पङ्‌स्‍ये मुब, ‘ङइ अप ग्‍यम्‍से मोलम् यङ्‍बलमा खोउ! जम्‍बुलीङ् ठुङब य्‍हङ्‌सेनो एङ्‌यीमाकी लागीरी टोप् लज्‍यीम् थेन्‍बे य्‍हुल्‍री यङ्‌बे हक् कीनो।

युहन्‍ना 17:2

तलेपङ्‍सम् थेङ्‌चे न्‍हङ्‍जेत्‍पे जम्‍म म्‍हीमात थेचे खेमेएनो अबेबे जीवन पीन्‍खइ पङ्‍ज्‍यीम् थेङ्‌चे जम्‍मनो म्‍हीमाकी जोरी थेत हक् न्‍हङ्‌बल मुब।

युहन्‍ना 17:24

“अप, थेङ्‌चे ङत न्‍हङ्‍जेत्‍पलमा ङ खनरी तज्‍यी हुजुरी ङतेङ् तखइ पङ्‍बे सेम् ङल मुब। ओसेम् जम्‍बुलीङ्‍ ठुङ्‍ब बीम ङोन्‍ग्‍यम् य्‍हङ्‌सेनो ङत म्‍होइजेत्‍ज्‍यीम् थेङ्‌चे न्‍हङ्‍जेत्‍पे महीमा थेङ्‍यीमाचे म्रङ्‌ब खम्‍खइ।

प्रेरीत् 1:7

येसुचे थेङ्‌यीमात सुङ्‌ज्‍यी, “पर्‌मेस्‍वर् अपचेनो र्‌हङ्‌की अधीकार् ग्‍यम्‍चेनो बेलो तेत् लजेत्‍पल मुब। हुजु बेलो खेम तस्‍ये बी स्‍येःब म्‍हइब एङ्‌यीमाकी लक् अय्‍हीन्।

हीब्रु 11:16

तर थेङ्‍यीमाचेम् चु बीमएनो ज्‍यबे स्‍वर्‌गइ य्‍हुल्‍त म्‍हइबल मुबल। होत्‍तज्‍यीम् पर्‌मेस्‍वर्‌चे थेङ्‍यीमाकी पर्‌मेस्‍वर् य्‍हीन्‍ब बी सुङ्‍बरी थेङ् पेत्‍अजेत्, तलेपङ्‌सम् थेङ्‍चे थेङ्‌यीमाकी लागीरी सहर् गीः टोप् लपीन्‍जेत्‍पल मुब।