मर्‌कुस् 10:15 - पश्‍चिम तामाङ

¹⁵ ङ एङ्‌यीमात देमेन्‍नो पङ्‍ब, खल्‍चे पर्‌मेस्‍वर्‌की य्‍हुल्‍त कोल गीःचे र्‌हङ्‌ले ग्रहन् अस्‍य्‍हेङ्‌ज्‍यी, थे हुजु न्‍हङ् वङ्‍स्‍ये अरे।”

मर्‌कुस् 10:15 ပူးပေါင်းရင်းမြစ်များ

मत्‍ती 18:3

ओसेम् थेङ्‌चे सुङ्‌ज्‍यी, “देमेन्‍नो ङ एङ्‌यीमात पङ्‍ब, एङ्‌यीमाकी सेम् पोज्‍यीम् चु कोलमा र्‌हङ्‌ब अतज्‍यी पङ्‌सम् एङ्‍यीमा खेमेनो पर्‌मेस्‍वर्‌की य्‍हुल्‍री वङ्‍म्‍यङ्‍स्‍ये अरे।

मत्‍ती 19:14

तर येसुचे, “कोलमात ङइज खबुङो, थेङ्‌यीमात थर्‌होदो। तलेपङ्‍सम् स्‍वर्‌गइ य्‍हुल् चु कोलमा र्‌हङ्‌बमाकी लागीरी य्‍हीन्‍ब” बी सुङ्‌ज्‍यी।

लुका 18:17

ङ एङ्‌यीमात देमेन्‍नो पङ्‌ब, खल्‍चे चु कोलमाचे र्‌हङ्‌ले पर्‌मेस्‍वर्‌की य्‍हुल्‍त बीस्‍वास् अस्‍य्‍हेङ्‌ज्‍यी थे खेमेएनो पर्‌मेस्‍वर्‌की य्‍हुल्‍री वङ्‌अखम्।”

१ कोरीन्‍थी 14:20

म्‍होइबे र्‌होमा, कोलमाचे म्‍हेन्‍ब र्‌हङ्‌ले म्‍हेन्‍ब पीत्‍थोब। एङ्‍यीमामी ताएनो दुस्‍ट लक्‍मा अस्‍य्‍हेङ्‌बे ज्‍यीद कोलमा र्‌हङ्‍ब तथोब, तर सेम्‍री म्‍हेन्‍बतेङ् बीचार् लबरीम् सेम् च्‍यीप्‍पे म्‍हीमा र्‌हङ्‍ब तथोब।

१ पत्रुस 2:2

छार् न्‍हबे कोलमाचे ङ्‍य्‍हे थुङ्‍ब म्‍हइब र्‌हङ्‌ले एङ्‍यीमाचे पर्‌मेस्‍वर्‌की देमेन्‍की फ्रोइत म्‍हयो। ओसेम् हुजु फ्रोइ यङ्‌ज्‍यीम् एङ्‍यीमा छर्‌स्‍ये मुब ओसेम् थर्‌स्‍ये मुब।