मर्‌कुस् 1:7 - पश्‍चिम तामाङ

⁷ युहन्‍नाचे चोले प्रचार स्‍य्‍हेङ्‌ज्‍यी, “ङइ लीप्‍चे ङ बीम ङ्‍हच्‍छ्‌यङ् गी ब्‍योन्‍खटीब मुब। ङ थेङ्‌की पनेइ तन फ्रेन्‍बरीएनो जेःबल अरे।

मर्‌कुस् 1:7 ပူးပေါင်းရင်းမြစ်များ

मत्‍ती 3:11

“ङचेम् एङ्‍यीमाचे पस्‍चताप स्‍य्‍हेङ्‌बल ङोन्‍बे लागीरी यीचे बप्‍तीस्‍मा पीन्‍ब। तर ङ बीम ङ्‍हच्‍छ्‍यङ् गीः ब्‍योन्‍खय्‍हम्‍बल मुब, ङम् थेङ्‌की पनेइ नाबरीएनो जेबल अरे। थेङ्‌चे एङ्‌यीमात पबीत्र आत्‍मातेङ् मेग्‍यम्‍से बप्‍तीस्‍मा न्‍हङ्‌स्‍ये मुब।

मत्‍ती 3:14

तर युहन्‍नाचे थेङ्‌त र्‌होद्‍प म्‍हइज्‍यीम्, “थेङ्‍चेक ङत बप्‍तीस्‍मा न्‍हङ्‍थोबल मुबल, तले थेङ्‍क ङइज ब्‍योन्‍खबल?” बी पङ्‍ज्‍यी।

मर्‌कुस् 1:6

युहन्‍नाचे ऊँटकी पेइचे राबे येन् येन्‍ज्‍यीम् केप्‍परी डीइ पेटी खीःब मुबल। ओसेम् थेचे तीरीतेङ् र्‌हीइ सीङ्‍सुरकी खुदु चब मुबल।

मर्‌कुस् 1:8

ङचे एङ्‌यीमात कीचे बप्‍तीस्‍मा पीन्‍ब। तर थेङ्‍चेम् एङ्‌यीमात पबीत्र आत्‍माचे बप्‍तीस्‍मा न्‍हङ्‌स्‍ये मुब।”

लुका 3:16

ओसेम् युहन्‍नाचे थेङ्‌यीमात पङ्‌ज्‍यी, “ङचेम् एङ्‌यीमात कीचे बप्‍तीस्‍मा पीन्‍ब। ङ बीम ङ्‌हच्‍छ्‌यङ् गीः ब्‍योन्‍खटीब। ङ थेङ्‌की पनेइ तन फ्रेन्‍बरीएनो ज्‍योबल अरे। थेङ्‍चेम् एङ्‌यीमात पबीत्र आत्‍मातेङ् मेचे बप्‍तीस्‍मा न्‍हङ्‌जेत्स्‍ये मुब।

युहन्‍ना 1:27

ङइ लीप्‍चे ब्‍योन्‍खस्‍येल थेङ्‍नो य्‍हीन्‍ब, ओसेम् ङ थेङ्‌की पनेइ तन फ्रेन्‍बरीएनो जेःबल अरे।”

प्रेरीत् 13:25

युहन्‍नाचे र्‌हङ्‌की लक् ज्‍यीन्‍ब म्‍हइबे बेलोरी चोले पङ्‍ज्‍यी, ‘एङ्‍यीमाचे ङत खल य्‍हीन्‍ब म्‍हेन्‍ब? एङ्‍यीमाचे ब्रेन्‍ज्‍यीम् टीबे म्‍ही ङ अय्‍हीन्, तर थेङ् ङ बीम् लीप्‍चे ब्‍योन्‍खटीब मुब। ओसेम् ङ थेङ्‌की पनेइ तन प्‍लोक्‍परीएनो जेःबल अरे।’

प्रेरीत् 19:4

ओसेम् पावलचे पङ्‍ज्‍यी, “युहन्‍नाचे पीन्‍बे बप्‍तीस्‍मा पाप ग्‍यम्‍से पस्‍चताप स्‍य्‍हेङ्‌बे लागीरी य्‍हीन्‍ब। युहन्‍नाचे, ‘ङ बीम लीक्‍यम् ब्‍योन्‍खस्‍येकी म्‍हीत बीस्‍वास् स्‍य्‍हेङो’ बी म्‍हीमात पङ्‍ज्‍यी। हुजु म्‍ही येसुनो मुबल।”