मर्‌कुस् 1:27 - पश्‍चिम तामाङ

²⁷ चु म्रङ्‌बे म्‍हीमा जम्‍मनो तेङेन् तज्‍यी। ओसेम् र्‌हङ-र्‌हङन्‍हङ् चोले पङ्‍ब थाल्‍दीज्‍यी, “चु त य्‍हीन्‍ब? थेङ्‌चेमी सक्‍ती मुबे छार् तम्‍क लोप्‍प टीम्, ओसेम् म्‍हङ्‍माचेएनो थेङ्‌चे कुल्‍बे तम्‍मा ङ्‍येन्‍ब टीम्।”

मर्‌कुस् 1:27 ပူးပေါင်းရင်းမြစ်များ

मत्‍ती 15:31

लेम्‍बमाचे तम् पङ्‍बल, खोरामा ब्रबल, या-कङ् अचल्‍तीबलमाल चल्‍तीबल ओसेम् कनमाचे मी म्रङ्‌बल म्‍हीमा म्रङ्‌ब बीसेम् जम्‍मनो तेङेन् तज्‍यी। ओसेम् थेङ्‍यीमाचे इस्राएलकी पर्‌मेस्‍वर्‌त तोप्‍ज्‍यी।

मत्‍ती 8:9

तलेपङ्‍सम् ङ हाकीम्‍माकी दुङ्‌री मुब, ओसेम् ङइ दुङ्‌रीएनो स्‍यीपइमा मुब। ङचे गीत ‘य्‍हरो’ पङ्‍ब थे य्‍हर्‌ब, ओसेम् गीत ‘खोउ’ पङ्‍ब थे खब, ओसेम् ङइ योक्‍पोत ‘चु स्‍य्‍हेङो’ पङ्‍ब थेचे हुजु स्‍य्‍हेङ्‌ब।”

मत्‍ती 9:33

येसुचे हुजु म्‍हङ् तेत्‍लाजेत्‍प बीसेम् हुजु लेम्‍ब म्‍ही तम् पङ्‍ब तीप्‍ज्‍यी। ओसेम् म्‍हीमा तेङेन् तज्‍यीम् पङ्‍ज्‍यी, “चोतेब इस्राएलरी खेमेनो तबल अरेबल!”

मर्‌कुस् 1:26

ओसेम् म्‍हङ्‍चे हुजु म्‍हीत तोर्‌म्‍य्‍ह-मोर्‌म्‍य्‍ह लज्‍यीम् केत् ङ्‌हच्‍छ्‌यङ् तेत्‍ज्‍यीम् क्रीङ्‌ज्‍यीम् डोङ्‍य्‍हर्‌ज्‍यी।

मर्‌कुस् 1:28

ओसेम् य्‍हम्‍बगीरीनो येसुचे स्‍य्‍हेङजेत्‍पे लक्‍की बारेरी गालील प्रदेस्‍की खन बीबीनो थ्‍येःज्‍यी।

मर्‌कुस् 10:24

थेङ्‌की डबमा चु थ्‍येःज्‍यीम् तेङेन् तज्‍यी। तर येसुचे थेङ्‌यीमात देबेएनो सुङ्‌ज्‍यी, “अज्‍यो-अलेमा, पर्‌मेस्‍वर्‌की य्‍हुल्‍री वङ्‌बरी य्‍हक्‍को गारो मुब।

मर्‌कुस् 10:32

येसुतेङ् थेङ्‌की डबमा यरुसलेम्‍री य्‍हर्‌टीबे बेलोरी येसु ङोन्-ङोन् स्‍येजेत्‍टीब मुबल। डबमा छक्‍क तबल मुबल। ओसेम् ल्‍हो-ल्‍हो थेङ्‌की लीप्‍चे ब्रबे म्‍हीमा लोङ्‍बल मुबल। थेङ्‌चे देबेएनो र्‌हङ्‌की चुङ् ङ्‌ही डबमात तीच्‍छङ् नोम्‍ज्‍यीम् थेङ्‌की जोरी तयम्‍टीबे तम्‍मा स्‍येत्‍ज्‍यी।

मर्‌कुस् 16:5

थेङ्‍यीमा दुर्‌सन्‍हङ्‍री वङ्‌ज्‍यीम् च्‍यामम् तर्-तर्‌पे येन् येन्‍बे ब्‍योन् म्‍ही गीःत दुर्‌सइ केत्‍पट्‍टीचे टीटीबल म्रङ्‌ज्‍यी। चु म्रङ्‌ज्‍यीम् थेङ्‍यीमा लोङ्‌ज्‍यी।

मर्‌कुस् 16:6

तर हुजु ब्‍योन् म्‍हीचे पङ्‍ज्‍यी, “थलोङो, एङ्‍यीमा क्रुस्‍री च्‍योलाबे नासरत्‍की येसुत म्‍हइटीब मुब। थेङ् चुरी अरे, थेङ् स्‍यीब ग्‍यम्‍से सोज्‍यीन्‍बल मुब! च्‍यागो, थेङ्‌त थेन्‍बे ग्‍ला चुनो य्‍हीन्‍ब।

मर्‌कुस् 7:37

चु तम् थ्‍येःबमा जम्‍मनो तेङेन् तज्‍यीम्, “थेङ्‌चे स्‍य्‍हेङ्‌जेत्‍पे लक्‍मा जम्‍मनो ज्‍यबल मुब। थेङ्‌चे न्‍हादीङ्‍मातएनो थ्‍येःन लजेत्‍पल मुब। ओसेम् लेम्‍बमात तम् पङ्‍ब खम्‍नलजेत्‍प” बी पङ्‍ज्‍यी।

लुका 4:36

ओसेम् जम्‍मनो थोम्‍ज्‍यीम् थेमा न्‍हङ् चोले पङ्‌ज्‍यी, “चु म्‍हीइ बोलीरी खतेबे अधीकारतेङ् सक्‍ती मुबटीम्। थेङ्‌चे हप्‍कइ्‌तीब साच्‍चेनो म्‍हङ्‌मा डोङ्‌ज्‍यीम् य्‍हर्‌बटीम् स्‍यीम्!”

लुका 9:1

येसुचे थेङ्‌की चुङ्‌ङ्‌यी डबमात बक्‍च्‍य ङ्‌होत्‍ज्‍यीम् थेङ्‌यीमात जम्‍मा म्‍हङ्‌मा लब्‍लाबतेङ् रोगमा फेन्‍न लबे सक्‍तीतेङ् अधीकार् न्‍हङ्‌जेत्‍ज्‍यी।

प्रेरीत् 17:19

हुजु लीप्‍चे थेङ्‍यीमाचे पावलत अरीयोपागस् पङ्‍बे ङ्‍हच्‍छ्‍यङ् सभारी बोर्‌ज्‍यीम् पङ्‍ज्‍यी, “र्‌हङ्‌चे लोप्‍पे चु छार् तम् खतेब य्‍हीन्‍ब, ङ्‍यीमाचेनो गोब खम्‍बो स्‍यीम्?