मर्‌कुस् 1:26 - पश्‍चिम तामाङ

²⁶ ओसेम् म्‍हङ्‍चे हुजु म्‍हीत तोर्‌म्‍य्‍ह-मोर्‌म्‍य्‍ह लज्‍यीम् केत् ङ्‌हच्‍छ्‌यङ् तेत्‍ज्‍यीम् क्रीङ्‌ज्‍यीम् डोङ्‍य्‍हर्‌ज्‍यी।

मर्‌कुस् 1:26 ပူးပေါင်းရင်းမြစ်များ

मर्‌कुस् 1:25

तर येसुचे हुजु म्‍हङ्‍त, “कुटी टीउ, चु म्‍ही ग्‍यम्‍से डोङ्‍ज्‍यीम् य्‍हरो!” बी कुल्‍जेत्‍ज्‍यी।

मर्‌कुस् 1:27

चु म्रङ्‌बे म्‍हीमा जम्‍मनो तेङेन् तज्‍यी। ओसेम् र्‌हङ-र्‌हङन्‍हङ् चोले पङ्‍ब थाल्‍दीज्‍यी, “चु त य्‍हीन्‍ब? थेङ्‌चेमी सक्‍ती मुबे छार् तम्‍क लोप्‍प टीम्, ओसेम् म्‍हङ्‍माचेएनो थेङ्‌चे कुल्‍बे तम्‍मा ङ्‍येन्‍ब टीम्।”

मर्‌कुस् 9:20

थेङ्‍यीमाचे हुजु ठीटत येसु मुबे ग्‍लारी बज्‍यी। येसुत म्रङ्‌ब साच्‍चेनो म्‍हङ्‍चे ठीटत तोर्‌म्‍य्‍ह-मोर्‌म्‍य्‍ह स्‍य्‍हेङ्‌ज्‍यी। ओसेम् ठीट सरी बोलोक्‍ज्‍यीम् सुङ्चे कोप्‍स्‍यो तेत्‍प तीप्‍ज्‍यी।

मर्‌कुस् 9:26

ओसेम् हुजु म्‍हङ् क्रीङ्‌ज्‍यीम् हुजु कोलत तोर्‌म्‍य्‍ह-मोर्‌म्‍य्‍ह स्‍य्‍हेङ्‌ज्‍यीम् डोङ्‍य्‍हर्‌ज्‍यी। ओसेम् हुजु कोल स्‍यीब र्‌हङ्‍ब तज्‍यीम् जम्‍मचेनो, “लौ कोलम् स्‍यीनेम्” बी पङ्‍ज्‍यी।

लुका 11:22

तर थे बीमम् बङ्‌ज्‍येन् म्‍ही खज्‍यीम् थेतेङ् छेत्‍सम् थेत डाज्‍यीम् थेइ जम्‍मनो हतीयार्‌मातेङ् स्‍हेमा ब्‍येन्‍ज्‍यीम् बोर्‌ब। ओसेम् र्‌हङ्‌की म्‍हीमात जुपीन्‍ब।

लुका 9:39

थेत म्‍हङ्‌चे चुङ्‌ब सात्‍चेनो क्रीङ्‌न लब। ओसेम् कङ्‌लङ् कुङ्‌लुङ् तज्‍यीम् थेइ सुङ्‌से कोप्‍स्‍यो डोङ्‌ब। खेम पङ्‌लेएनो थेत तोर् म्‍य्‍हा मोर् म्‍य्‍हा अस्‍य्‍हेङ्‌गदे म्‍हङ्‌चे पीत्‍नो अपीत्।

लुका 9:42

ओसेम् हुजु ठीट खन-खननो म्‍हङ्‌चे चुङ्‌ज्‍यीम् म्‍य्‍हाज्‍यी। तर येसुचे म्‍हङ्‌त ठीट ग्‍यम्‍चे डोङ्‌ज्‍यीम् य्‍हरो बी कुल्‍जेत्‍ज्‍यी। ओसेम् ठीट फेन्‍ज्‍यीम् थेइ अपत सोप्‍तीपीन्‍जेत्‍ज्‍यी।