मर्‌कुस् 1:11 - पश्‍चिम तामाङ

¹¹ ओसेम् स्‍वर्‌ग ग्‍यम्‍से, “ए ङइ खोबे ज य्‍हीन्‍ब। ङ एतेङ् य्‍हक्‍को तङ्‍बल मुब” बी पङ्‌बे फ्रोइ थ्‍येःज्‍यी।

मर्‌कुस् 1:11 ပူးပေါင်းရင်းမြစ်များ

मत्‍ती 12:18

“च्‍यागो, ङचे दम्‍बे योक्‍पो चुनो य्‍हीन्‍ब, थेत ङ य्‍हक्‍को म्‍होइब, थेतेङ् ङ य्‍हक्‍को तङ्‍बल मुब। ङ ङइ आत्‍मा थेइ जोरी पीत्‍युस्‍ये मुब, ओसेम् थेचेनो जम्‍म जात्‍की म्‍हीमात न्‍यायकी प्रचार स्‍य्‍हेङ्‌स्‍ये मुब।

मत्‍ती 17:5

पत्रुसचे चोले तम् पङ्‍न पङ्‍ननो सर्‌बे मुक्‍प खज्‍यीम् थेङ्‌मात गप्‍ज्‍यी, ओसेम् हुजु मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, थेतेङ् ङ य्‍हक्‍को तङ्‍बल मुब, थेइ तम् ङ्‌येनो।”

मत्‍ती 3:17

ओसेम् स्‍वर्‌ग ग्‍यम्‍चे चोतेबे केत् थ्‍येःज्‍यी, “चु ङइ म्‍होइबे ज य्‍हीन्‍ब, ओसेम् ङ थेतेङ् य्‍हक्‍को तङ्‍बल मुब।”

मर्‌कुस् 1:10

येसु यीन्‍हङ्‍चे डोङ्‍खजेत्‍प साच्‍चेनो थेङ्‌चे स्‍वर्‌ग ठोङ्‍बलतेङ् पबीत्र आत्‍मात ढुकुर र्‌हङ्‌ले थेङ्‌की जोरी युटीबल स्‍हीःजेत्‍ज्‍यी।

मर्‌कुस् 9:7

हुजु बेलोरीनो मुक्‍प खज्‍यीम् थेङ्‌यीमात उप्‍ज्‍यी। ओसेम् मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, एङ्‍यीमाचे थेइ तम् ङ्‌येनो।”

लुका 3:22

ओसेम् स्‍वर्‌गचे पबीत्र आत्‍मा ढुकुरकी ल्‍हीरी येसुतेङ् स्‍य्‍हुबरी न्‍हेयुज्‍यी। ओसेम् स्‍वर्‌गचे पर्‌मेस्‍वर्‌की चोतेबे फ्रोइ युज्‍यी, “ए ङइ खोबे ज य्‍हीन्‍ब। ङ एतेङ् य्‍हक्‍को तङ्‌बल मुब।”

लुका 9:35

मुक्‍प्‍पन्‍हङ्‌चे चोले पङ्‌बे केत् थ्‍येःज्‍यी, “चु ङइ ज, थेत ङचे दम्‍बल य्‍हीन्‍ब। थेचे पङ्‌बे तम् एङ्‍यीमाचे ङ्‌येनो।”

युहन्‍ना 1:34

ङचे पबीत्र आत्‍मा थेङ्‌की जोरी ब्‍योन्‍युबल म्रङ्‌बल मुब, ओसेम् ङ पङ्‍ब थेङ्‍नो पर्‌मेस्‍वर्‌की ज य्‍हीन्‍ब।”

युहन्‍ना 3:16

तलेपङ्‍सम् पर्‌मेस्‍वर्‌चे जम्‍बुलीङ्‌की म्‍हीमात य्‍हक्‍को म्‍होइज्‍यीम् र्‌हङ्‌की गीःकीनो मुबे जत पीत्‍युजेत्‍ज्‍यी। खल्‍चे पर्‌मेस्‍वर्‌की जत बीस्‍वास् स्‍य्‍हेङ्‌ब थेङ्‍यीमा खलएनो नास् तस्‍ये अरे तर थेङ्‍यीमाचे खेमेएनो अबेबे जीवन् यङ्‍स्‍ये मुब।

युहन्‍ना 5:37

ओसेम् ङत पीत्‍युजेत्‍पे अप थेङ्‌चेनो ङइ बारेरी गवाही न्‍हङ्‌जेत्‍पल मुब। एङ्‍यीमाचे न्‍हा खेमेए थेङ्‌की केत् थ्‍येःबल मुब न्‍हा थेङ्‌की स्‍य्‍हल् म्रङ्‌बल मुब।

युहन्‍ना 6:69

थेङ्‍नो पर्‌मेस्‍वर्‌की पबीत्र म्‍ही य्‍हीन्‍ब बी स्‍येःज्‍यीम् ङ्‌यीमाचे थेङ्‌त बीस्‍वास् स्‍य्‍हेङ्‌बल मुब।”

कलस्‍सी 1:13

तलेपङ्‍सम् थेङ्‌चेनो ङ्‍य्‍हङ्‍मात म्‍हुन्‍दुङ्‍की य्‍हुल् ग्‍यम्‍से फेःपीन्‍जेत्‍ज्‍यी, ओसेम् र्‌हङ्‍की म्‍होइबे ज ख्रीस्‍ट्‍की य्‍हुल्‍री नोम्‍जेत्‍पल मुब।