मत्‍ती 9:17 - पश्‍चिम तामाङ

¹⁷ “ओसेम् खल्‍चेएनो बोक्‍ट डीइ गल्‍दरी छार् अङ्‍गुर्‌की नीङ्‍गु अयु, युज्‍यी पङ्‌सम् हुजु गल्‍द थीज्‍यीम् नीङ्‍गु य्‍हर्‌ब। तर छार् नीङ्‍गु छार् डीइ गल्‍दरीनो युब ओसेम् ङ्‌य्‍हीनो न्‍होङ्‍स्‍ये अरे।”

मत्‍ती 9:17 ပူးပေါင်းရင်းမြစ်များ

मत्‍ती 9:16

“खल्‍चेएनो बोक्‍ट येन्‍री छार् येन्‍खेन्‍चे अख्‍य। तलेपङ्‍सम् छार् येन्‍खेन् रुप्‍ज्‍यीम् बोक्‍ट येन्‍त झेन् डेःलाब, ओसेम् येन् झेन् य्‍हक्‍को डेःब।

मत्‍ती 9:18

येसुचे चोले सुङ्टीबे बेलोरी यहुदी सासक् गीः हुजुरी खज्‍यी। ओसेम् थेङ्‌त पुइ जुःज्‍यीम् पङ्‍ज्‍यी, “ङल जमे देरेकीनो स्‍यीज्‍यी, तर थेङ् ब्‍योन्‍खज्‍यीम् थेइ जोरी थेङ्‌की फ्‍या थेन्‍पीन्‍जेत्‍सम् थे सोस्‍ये मुब।”

मर्‌कुस् 2:22

“ओसेम् खल्‍चेएनो छार् अङ्‍गुर्‌की नीङ्‍गु दुक्‍प डीइ गल्‍दरी अयु, युज्‍यी पङ्‌सम् हुजु अङ्‍गुर्‌की छार् नीङ्‍गुचे डीइ गल्‍द थीलाब, ओसेम् अङ्‍गुर्‌की नीङ्‍गुतेङ् डीइ गल्‍दएनो नास् तब। तर अङ्‍गुर्‌की छार् नीङ्‍गुम् छार् डीइ गल्‍दरीनो युब।”

लुका 5:37

“खल्‍चेएनो छार् अङ्‌गुर्‌की नीङ्‍गु बोक्‍ट डीइ गल्‍दरी अयु। युलेएनो छार् अङ्‌गुर्‌की नीङ्‌गुचे डीइ् गल्‍द थीज्‍यीम् नीङ्‍गु य्‍हर्‌ब। ओसेम् डीइ् गल्‍देएनो न्‍होङ्‌ब।

लुका 5:38

छार् अङ्‌गुर्‌की नीङ्‍गुमी छार् डीइ गल्‍दरीनो युथेन्‍थोब।