मत्‍ती 8:17 - पश्‍चिम तामाङ

¹⁷ चोले यसैया अगम्‍बक्‍तचे पङ्‍बे तम् टोप् तज्‍यी- “थेङ्‌चे ङ्‌य्‍हङ्‌माकी नबमा नोम्‍जेत्‍ज्‍यी, ओसेम् ङ्‌य्‍हङ्‌माकी रोगमात नाजेत्‍ज्‍यी।”

मत्‍ती 8:17 ပူးပေါင်းရင်းမြစ်များ

मत्‍ती 1:22

परमप्रभुचे अगम्‍बक्‍त ग्‍यम्‍से सुङ्‍बे तम्‍मा तबरी चु जम्‍मनो तबल य्‍हीन्‍ब,

मत्‍ती 2:15

ओसेम् हेरोद अस्‍यीगदे थेङ्‍यीमा मीस्र य्‍हुल्‍रीनो टीज्‍यी। परमप्रभुचे अगम्‍बक्‍त ग्‍यम्‍से सुङ्‌बे फ्रोइ चोले टोप तज्‍यी, “ङचे ङइ जत मीस्र य्‍हुल् ग्‍यम्‍से ङ्‌होत्‍ज्‍यी।”

मत्‍ती 2:23

ओसेम् थेङ्‍यीमा हुजुरी नासरत पङ्‍बे ज्‍यीद सहर्‌री टीज्‍यी। चोले अगम्‍बक्‍तमाचे, “थेङ्‌त नासरी पङ्‌स्‍ये मुब” पङ्‍बे तम् टोप तज्‍यी।

मर्‌कुस् 1:32

हुजु ङ्‍येसेरी दीनी गल्‍ब बीसेम् म्‍हीमाचे नबे म्‍हीमातेङ् म्‍हङ् स्‍यप्‍पे म्‍हीमा जम्‍मनो येसु मुबे ग्‍लारी बज्‍यी।

लुका 4:40

दीनी गल्‍ब बीसेम् म्‍हीमाचे य्‍हक्‍को खाल्‍की नबे म्‍हीमात येसुज बज्‍यी। थेचे हुजु नबे म्‍हीमाइ जोरी र्‌हङ्‌की फ्‍या थेन्‍ज्‍यीम् जम्‍मत फेन्‍न लजेत्‍ज्‍यी।

२ कोरीन्‍थी 12:10

होत्‍तज्‍यीम् ख्रीस्‍ट्‍की लागीरी ङ कम्‍जोर् तलेएनो, म्‍हीमाचे पेत्‍नललेनो, गारो बेलोमा खलेनो, म्‍हीमाचे ङत य्‍हक्‍को दुखमा पीन्‍लेनो ओसेम् लोङ्‍बे बेलोमा खलेनो ङ तङ्‍ब। तलेपङ्‍सम् ङ कम्‍जोर् तबे बेलोरी थेङ्‍चे न्‍हङ्‍जेत्‍पे सक्‍तीचे बङ्‍ज्‍येन् तब।

१ पत्रुस 2:24

ङ्‍य्‍हङ्‍माचे पाप स्‍य्‍हेङ्‌ब पीत्‍ज्‍यीम् धार्‌मीक् जीवन् सोखइ पङ्‍ज्‍यीम् ख्रीस्‍ट्‍चे ङ्‍य्‍हङ्‍माकी पाप थेङ्‌की ल्‍हीःरी नाजेत्‍ज्‍यीम् क्रुस्‍री च्‍योजेत्‍ज्‍यी। थेङ्‌की म्‍हगमा ग्‍यम्‍से एङ्‍यीमा फेन्‍बल मुब।