मत्‍ती 7:7 - पश्‍चिम तामाङ

⁷ “र्‌हीतो एङ्‌यीमात न्‍हङ्‌स्‍ये मुब, म्‍हयो एङ्‍यीमाचे यङ्‍स्‍ये मुब, ओसेम् डोङ्-डोङ् लउ एङ्‌यीमाकी लागीरी म्रप् ठोङ्‍जेत्‍स्‍ये मुब।

मत्‍ती 7:7 ပူးပေါင်းရင်းမြစ်များ

मत्‍ती 18:19

ओसेम् ङ एङ्‌यीमात देबेएनो पङ्‍ब, चु जम्‍बुलीङ्‌री एङ्‍यीमान्‍हङ्‌री ङ्‍य्‍हीलनो सेम् गी तज्‍यीम् ता पङ्‌लेनो र्‌हीत्‍ज्‍यी पङ्‌सम् ङइ स्‍वर्‌गइ अपचे एङ्‌यीमाकी लागीरी हुजु न्‍हङ्‌जेत्स्‍ये मुब।

मत्‍ती 21:22

एङ्‍यीमाचे बीस्‍वास् लज्‍यी पङ्‌सम् प्रार्‌थनारी ता र्‌हीत्‍ज्‍यी हुजु एङ्‍यीमाचे यङ्‍स्‍ये मुब।”

मत्‍ती 6:33

तर ङोन्‍ग्‍यम् थेङ्‌की य्‍हुल्‍तेङ् धार्‌मीक्‍ता म्‍हयो, ओसेम् चु जम्‍मा स्‍य्‍हेमा एङ्‌यीमात न्‍हङ्‌जेत्स्‍ये मुब।

मत्‍ती 7:11

एङ्‍यीमा पापी तज्‍यीमएनो र्‌हङ्‌की ज-जमेमात ज्‍यबे स्‍य्‍हेमा पीन्‍ब स्‍येब पङ्‌सम् एङ्‌यीमाकी स्‍वर्‌गरी मुबे अपचे थेङ्‌त र्‌हीत्‍पलमात झेन् गत्‍ते य्‍हक्‍को न्‍हङ्‌जेत्स्‍ये मुब।

मत्‍ती 7:8

तलेपङ्‍सम् खल्‍चे र्‌हीत्‍ज्‍यी, थेत न्‍हङ्‌स्‍ये मुब, खल्‍चे म्‍हइज्‍यी, थेचे यङ्‍स्‍ये मुब, ओसेम् खल्‍चे डोङ्-डोङ् लज्‍यी, थेइ लागीरी म्रप् ठोङ्‍जेत्‍स्‍ये मुब।

मर्‌कुस् 11:24

होत्‍तज्‍यीम् ङ एङ्‌यीमात पङ्‍ब, एङ्‍यीमाचे प्रार्‌थनारी त र्‌हीत्‍ज्‍यी हुजु यङ्‍ज्‍यीन्‍बल मुब बी बीस्‍वास् लउ। ओसेम् हुजु एङ्‍यीमाचे यङ्‍स्‍ये मुब।

लुका 13:25

दीम्‍की न्‍यबो रेःज्‍यीम् म्रप् दुङ्‌स्‍ये मुब। ओसेम् एङ्‌यीमा दोरी रप्‍ज्‍यीम् म्रप्‍री डोङ्-डोङ् लज्‍यीम्, ‘प्रभु, ङ्‌यीमाइ लागीरी म्रप् ठोङ्‍जेतो!’ बी पङ्‌स्‍ये मुब। तर थेङ्‌चे सुङ्‍स्‍ये मुब, ‘एङ्‌यीमा खनसे खबल? ङचे एङ्‌यीमात स्‍येबल अरे।’

लुका 18:1

हुजु लीप्‍चे येसुचे थेङ्‌की डबमात खेमेनो अपीत्‍नले प्रार्‌थना स्‍य्‍हेङ्‌थोब बी अर्‌थ गीः सुङ्‌ज्‍यी।

युहन्‍ना 15:16

एङ्‍यीमाचे ङत दम्‍बल अय्‍हीन्, ङचे एङ्‌यीमात दम्‍ज्‍यी, ओसेम् एङ्‍यीमाचे ङ्‌यीज्‍यीम् खेम पङ्‌लेनो तस्‍यीनो टीबे रोरो रोःन लउ पङ्‍ज्‍यीम् ङचे एङ्‌यीमात पीत्‍टीब मुब। ओसेम् एङ्‍यीमाचे ङइ मीन्‍री ता र्‌हीत्‍ज्‍यी हुजु अपचे न्‍हङ्‌जेत्स्‍ये मुब।

युहन्‍ना 15:7

एङ्‍यीमा ङतेङ् तज्‍यी पङ्‌सम्, ओसेम् ङचे पङ्‍बे तम्‍मा एङ्‌यीमातेङ् तज्‍यी पङ्‌सम् एङ्‍यीमाचे सेम्‍चे म्‍हेन्‍बल र्‌हीतो, ओसेम् हुजु एङ्‌यीमाकी लागीरी स्‍य्‍हेङ्‍पीन्‍स्‍ये मुब।

युहन्‍ना 4:10

येसुचे अमकोलत जोहाप् न्‍हङ्‌ज्‍यी, “एचे पर्‌मेस्‍वर्‌की बरदान्‍तेङ् एत यी र्‌हीत्‍पे म्‍हीत स्‍येबल य्‍हीन्‍सम् एचेक थेत र्‌हीत्‍स्‍ये मुबल, ओसेम् थेचे एत सोम्‍बो यी पीन्‍स्‍ये मुबल।”

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

रोमी 3:11

पर्‌मेस्‍वर्‌की बारेरी गोबे म्‍ही खलएनो अरे, पर्‌मेस्‍वर्‌त म्‍हइबे म्‍ही खलएनो अरे।

हीब्रु 11:6

बीस्‍वास् अस्‍य्‍हेङ्‍नले खल्‍चेएनो पर्‌मेस्‍वर्‌त तङ्‍नलब अखम्। तलेपङ्‍सम् पर्‌मेस्‍वर्‌ज खबलमा खल्‍चे पङ्‌लेनो पर्‌मेस्‍वर् मुब ओसेम् थेङ्‍त म्‍हइबलमात थेङ्‍चे बक्सीस् न्‍हङ्‍जेत्‍प पङ्‍ज्‍यीम् बीस्‍वास् स्‍य्‍हेङ्‌नोथोःब।

याकुब 5:15

बीस्‍वास् लज्‍यीम् स्‍य्‍हेङ्‌बे प्रार्‌थनचे नबे म्‍ही फेन्‍स्‍ये मुब, ओसेम् प्रभुचे फेन्‍न लजेत्‍स्‍ये मुब। थेचे पाप स्‍य्‍हेङ्‍बल मुसम् क्षमा यङ्‍स्‍ये मुब।

१ युहन्‍ना 3:22

ओसेम् ङ्‍य्‍हङ्‍चे ता र्‌हीत्‍ज्‍यी हुजु यङ्‍ब, तलेपङ्‍सम् ङ्‍य्‍हङ्‍मा थेङ्‌चे कुल्‍जेत्‍पे अर्‌तीमा ङ्‌येन्‍ज्‍यीम् ब्रब, ओसेम् थेङ् तङ्‍बे लक् स्‍य्‍हेङ्‌ब।