मत्‍ती 7:28 - पश्‍चिम तामाङ

²⁸ येसुचे डबमात चोले लोप्‍जेत्‍पल थ्‍येःब बीसेम् य्‍हक्‍को म्‍हीमा तेङेन् तज्‍यी।

मत्‍ती 7:28 ပူးပေါင်းရင်းမြစ်များ

मत्‍ती 11:1

येसुचे र्‌हङ्‌की चुङ्‌ङ्‌य्‍ही डबमात चु तम्‍मा लोप्‍जेत्‍प बीसेम् हुजु ग्‍लाकी रेइ-रेइकी ज्‍यीद सहर्‌मारी म्‍हीमात लोप्‍पतेङ् प्रचार स्‍य्‍हेङ्‌बरी स्‍येजेत्‍ज्‍यी।

मत्‍ती 19:1

येसुचे चु तम् सुङ्‌जेत्‍प बीसेम् थेङ् गालील पीत्‍थेन्‍ज्‍यीम् यर्‌दन ग्‍येन्‍दीइ क्‍योम्‍सङ् यहुदीया प्रदेस्‍क्‍योर् स्‍येजेत्‍ज्‍यी।

मत्‍ती 22:33

थेङ्‌चे चोले लोप्‍पल थ्‍येःब बीसेम् य्‍हक्‍को म्‍हीमा अचम्‍मा तज्‍यी।

मत्‍ती 26:1

येसुचे चु जम्‍मनो तम्‍मा लोप्‍जेत्‍प बीसेम् र्‌हङ्‌की डबमात सुङ्‌ज्‍यी,

मत्‍ती 7:27

ओसेम् नम् युज्‍यीम् भल् युज्‍यी, ओसेम् लाबलुङ् खज्‍यीम् हुजु दीम्‍त प्रुङ्‍ज्‍यी। ओसेम् हुजु दीम् फुप्‍ज्‍यीम् नास् तज्‍यी।”

मत्‍ती 7:29

तलेपङ्‍सम् थेङ्‌चे धर्‌म लोप्‍पोन्‍माचे र्‌हङ्‌ले अय्‍हीन्, तर अधीकार् लज्‍यीम् लोप्‍जेत्‍प मुबल।

मर्‌कुस् 1:22

येसुचे लोप्‍पल म्रङज्‍यीम् म्‍हीमा जम्‍मनो तेङेन् तज्‍यी। तलेपङ्‍सम् थेङ्‌चे धर्‌म लोप्‍पोन्‍माचे र्‌हङ्‌ले अयीन, तर अधीकार् लज्‍यीम् लोप्‍जेत्‍ज्‍यी।

मर्‌कुस् 11:18

चु तम् ङ्‍हच्‍छ्‍यङ् लम्‍बुमातेङ् धर्‌म लोप्‍पोन्‍माचे थ्‍येःज्‍यी। ओसेम् थेङ्‍यीमाचे येसुत खले सेत्‍प पङ्‍ज्‍यीम् ज्‍यप्‍ज्‍यीम् च्‍याब तीप्‍ज्‍यी। तर थेङ्‌यीमा येसुतेङ् लोङ्‍बल मुबल। तलेपङ्‍सम् जम्‍म म्‍हीमा थेङ्‌चे लोप्‍जेत्‍पे फ्रोइरी तेङेन् तबल मुबल।

मर्‌कुस् 6:2

दुःब न्‍हबे दीन्‍री थेङ्‌चे यहुदीमा र्‌हुब् तबे दीम्‍री लोप्‍प तीप्‍जेत्‍ज्‍यी। थेङ्‌की फ्रोइ ङ्‍येन्‍बे म्‍हीमा तेङेन् तज्‍यीम् चोले पङ्‌ज्‍यी, “चु म्‍हीचे चोतेबे तम् खन ग्‍यम्‍से यङ्‌ज्‍यी? चुजे चु खतेबे लो यङ्‌बल? थेचे खले चोतेबे तेङेन्‍की लक्‍मा स्‍य्‍हेङ्‌ब खम्‍ब?

लुका 19:48

तर थेङ्‍यीमाचे थेङ्‌त सेत्‍परी मौक अयङ्। तलेपङ्‍सम् जम्‍मा म्‍हीमा थेङ्‌की फ्रोइत सेम् य्‍हङ्‌सेनो ङ्‌येन्‍टीब मुबल।

लुका 2:47

ओसेम् येसुचे तम् गोज्‍यीम् जोहाप् पीन्‍ब म्रङ्‌ज्‍यीम् जम्‍मनो थोम्‍ज्‍यी।

लुका 4:22

जम्‍म म्‍हीमाचे येसुत तोप्‍ज्‍यी। येसुचे सुङ्‌बे ज्‍यबे तम् थ्‍येःज्‍यीम् थेङ्‌यीमा जम्‍मनो थोम्‍ज्‍यी। “चु योसेफकी ज अयीनो स्‍यीम्?” बी थेङ्‍यीमाचे पङ्‌ज्‍यी।

लुका 4:32

येसुचे लोप्‍जेत्‍प थ्‍येःज्‍यीम् थेङ्‌यीमा थोम्‍ज्‍यी। तलेपङ्‍सम् थेङ्‌चे अधीकार् लज्‍यीम् लोप्‍जेत्‍ज्‍यी।

लुका 7:1

म्‍हीमात लोप्‍प बुत्‍ज्‍यीम् येसु कफर्‌नहुम्‍क्‍योर् स्‍येःज्‍यी।

युहन्‍ना 7:15

थेङ्‌चे लोप्‍जेत्‍पल थ्‍येःब बीसेम् यहुदी अगुवामा अचम्‍म तज्‍यीम्, “चु म्‍हीचे धर्‌म लोप्‍पोन् ग्‍यम्‍से खेमेएनो धर्‌म छ्‍येः अलोप्‍मेएनो खले चोत्‍तेले तम् स्‍येज्‍यी?” बी ङ्‌योत्‍ज्‍यी।

युहन्‍ना 7:46

स्‍यीपाइमाचे जोहाप् पीन्‍ज्‍यी, “ङ्‌यीमाचे खेमेएनो चु म्‍हीचे पङ्‍ब र्‌हङ्‍बे तम् खल्‍चेएनो पङ्‍बल थ्‍येःबल अरे!”