मत्‍ती 7:20 - पश्‍चिम तामाङ

²⁰ होलेनो भ्‍यु पङ्‍बे अगम्‍बक्‍तमात थेङ्‌यीमाकी लक् ग्‍यम्सेनो एङ्‍यीमाचे स्‍येस्‍ये मुब।

मत्‍ती 7:20 ပူးပေါင်းရင်းမြစ်များ

मत्‍ती 12:33

“ज्‍यबे दोङ्‌बोरी ज्‍यबे रोःरो रोःब, ओसेम् अज्‍यबे दोङ्‌बोरी अज्‍यबे रोःरो रोःब। तलेपङ्‍सम् दोङ्‍बो खतेब बी रोःरो ग्‍यम्सेनो स्‍येःब।

मत्‍ती 7:16

एङ्‍यीमाचे थेङ्‍यीमाकी लक् ग्‍यम्सेनो थेङ्‌यीमात स्‍येस्‍ये मुब। म्‍हङ् पुजुइ दोङ्‌बोचे अम्‍बरु रोब? ओसेम् पानइ दोङ्‌बोचे स्‍याउ रोब स्‍यीम्?

लुका 6:44

खतेबे दोङ्‌बो पङ्‌लेनो हुजुरी रोःबे रोःरो चेनो स्‍येःब। म्‍हङ् पुजुइ दोङ्‌बोरी अम्‍बएनो अरो, स्‍याउएनो अरो।

प्रेरीत् 5:38

होत्‍तज्‍यीम् चु तम्‍की बारेरी ङ एङ्‌यीमात पङ्‍ब, एङ्‍यीमाचे चु म्‍हीमात तेएनो अलनले पीत्‍लागो। थेङ्‍यीमाचे स्‍य्‍हेङ्‌बे चु लक्‍मातेङ् योजनामा म्‍हीमा ग्‍यम्‍से य्‍हीन्‍ज्‍यी पङ्‌सम् थेङ्‍यीमा र्‌हङ्‌नो म्‍हज्‍यीम् य्‍हर्‌स्‍ये मुब।

याकुब 3:12

ङइ बीस्‍वासी र्‌होमा, अन्‍जीर्‌की दोङ्‌बोरी जैतुन्‍की रोरो रो:ब खम्‍बो वुइ अङ्‍गुर्‌की दोङ्‌बोरी अन्‍जीर्‌की रोरो रो:ब खम्‍बो स्‍यीम्? चद प्राबे यी प्‍योःबे म्रुरी रोङ्‌बे यी प्‍योःब अखम्।