मत्‍ती 6:9 - पश्‍चिम तामाङ

⁹ एङ्‍यीमाचेम् चोले प्रार्‌थना स्‍य्‍हेङो- ‘स्‍वर्‌गरी स्‍य्‍हुजेत्‍पे ङ्‍यीमाकी पर्‌मेस्‍वर् अप, थेङ्‌की छेन् पबीत्र तखइ।

मत्‍ती 6:9 ပူးပေါင်းရင်းမြစ်များ

मत्‍ती 10:29

पइस गीरी कर् ङ्‍यम्‍ङ्‍य ङ्‍य्‍ही अग्‍युरो स्‍यीम्? होले ग्‍युर्‌लेनो कर् ङ्‍यम्‍ङ्‍य गीएनो एङ्‌यीमाइ अपचे थुः अलगदे सरी तइस्‍ये अरे।

मत्‍ती 23:9

एङ्‍यीमाचे चु जम्‍बुलीङ्‌री खल्‍तएनो ‘अप’ थपङो, तलेपङ्‍सम् एङ्‌यीमाल अप गीःकीनो स्‍वर्‌गरी मुब।

मत्‍ती 26:29

ङ एङ्‌यीमात पङ्‍ब, छार् अङ्‍गुर्‌की नीङ्‍गु एङ्‌यीमातेङ् बक्‍च्‍य ङइ अपइ य्‍हुल्‍री अथुङ्‌गदे ङ खेमेएनो अङ्‍गुर्‌की नीङ्‍गु थुङ्‌स्‍ये अरे।”

मत्‍ती 26:42

येसु देबेएनो चेक्‍प जाकी क्‍योर् स्‍येःज्‍यीम् चोले प्रार्‌थना स्‍य्‍हेङ्‍जेत्‍ज्‍यी, “ङइ अप, चु दुख ङचे अना गदे अतसम् थेङ्‌चे थुः लजेत्‍प र्‌हङ्‍बनो तखइ।”

मत्‍ती 5:16

चोलेनो एङ्‌यीमाकी य्‍हल् म्‍हीमाइ जोरी सर्‌पुङो। एङ्‍यीमाचे स्‍य्‍हेङ्‌बे ज्‍यबे लक् म्‍हीमाचे म्रङ्‌स्‍ये मुब, ओसेम् थेङ्‍यीमाचे स्‍वर्‌गरी मुबे एङ्‌यीमाकी अपत तोप्‍स्‍ये मुब।

मत्‍ती 5:48

होत्‍तज्‍यीम् स्‍वर्‌गरी स्‍हुबे एङ्‌यीमाकी अप जम्‍मनो तम्‍री ज्‍यब तब र्‌हङ्‌ले एङ्‌यीमाएनो जम्‍मनो तम्‍री ज्‍यब तउ।”

मत्‍ती 6:14

“एङ्‍यीमाचे एङ्‌यीमाकी बीरुद्‍दरी पाप स्‍य्‍हेङ्‍बलमात क्षमा पीन्‍ज्‍यी पङ्‌सम् स्‍वर्‌गरी स्‍य्‍हुबे पर्‌मेस्‍वर् अपचेएनो एङ्‌यीमात क्षमा न्‍हङ्‌स्‍ये मुब।

मत्‍ती 6:6

तर एचे प्रार्‌थना स्‍य्‍हेङ्‌बे बेलोरी र्‌हङ्‌की कोठ न्‍हङ् वङ्‌ज्‍यीम् म्रप् दुङो ओसेम् अम्रङ्‍नले स्‍य्‍हुबे पर्‌मेस्‍वर् अपत प्रार्‌थना स्‍य्‍हेङो। ओसेम् एचे र्‌होचे अम्रङ्‍नले स्‍य्‍हेङ्‌बे लक् स्‍हीबे अपचे एत बक्सीस् न्‍हङ्‌स्‍ये मुब।”

मत्‍ती 7:11

एङ्‍यीमा पापी तज्‍यीमएनो र्‌हङ्‌की ज-जमेमात ज्‍यबे स्‍य्‍हेमा पीन्‍ब स्‍येब पङ्‌सम् एङ्‌यीमाकी स्‍वर्‌गरी मुबे अपचे थेङ्‌त र्‌हीत्‍पलमात झेन् गत्‍ते य्‍हक्‍को न्‍हङ्‌जेत्स्‍ये मुब।

लुका 15:18

देरेम् ङइ अपज दोःय्‍हर्‌ज्‍यीम् पङ्‌ङ्‌यीब, अप, ङचे पर्‌मेस्‍वर्‌तेङ् एइ बीरुद्‍दरी पाप स्‍य्‍हेङ्‌बल मुब,

लुका 15:21

ओसेम् जचे थेत पङ्‌ज्‍यी, ‘अप, ङचे पर्‌मेस्‍वर्‌तेङ् एइ बीरुद्‍दरी पाप स्‍य्‍हेङ्‌बल मुब। ङ एइज पङ्‌बरी जेःबल अरे।’

लुका 2:14

“गोदोब्‍न्‍हङ्‍की जोरी स्‍वर्‌गरी स्‍य्‍हुबे पर्‌मेस्‍वर्‌त जयजयकार, ओसेम् जम्‍बुलीङ्‌री पर्‌मेस्‍वर्‌चे म्‍होइ्‌बे म्‍हीमात सान्‍ती तरीखइ।”

युहन्‍ना 20:17

येसुचे थेत सुङ्‌ज्‍यी, “ङत थछुउ, तलेपङ्‍सम् दवम् ङ अपज ङ्‌यीबल अरे। ए ङ्‌यीज्‍यीम् ङइ डबमात स्‍येत्‍पीनो, ‘ङ ङइ अपतेङ् एङ्‌यीमाकी अप ओसेम् ङइ पर्‌मेस्‍वर्‌तेङ् एङ्‌यीमाकी पर्‌मेस्‍वर्‌ज ङ्‍यीटीब।’”

रोमी 1:7

रोम्‍री मुबे एङ्‍यीमा जम्‍मनो पर्‌मेस्‍वर्‌चे म्‍होइजेत्‍ज्‍यीम् थेङ्‍की पबीत्र म्‍हीमा तबरी ङ्‌होत्‍जेत्‍पलमात चु चीठी ब्रीटीब। एङ्‍यीमा जम्‍मतनो ङ्‍य्‍हङ्‍की अप पर्‌मेस्‍वर्‌तेङ् प्रभु येसु ख्रीस्‍ट्‍चे अनुग्रहतेङ् सान्‍ती न्‍हङ्‍खइ।

रोमी 8:15

तलेपङ्‍सम् ङ्‍य्‍हङ्‍मात देबेनो बाना स्‍य्‍हेङ्‌ज्‍यीम् लोङ्‍बरी थेन्‍बे आत्‍मा अय्‍हीन् तर ङ्‍य्‍हङ्‍मात पर्‌मेस्‍वर्‌की ज जमे तन लबे आत्‍मा ङ्‍य्‍हङ्‍माचे यङ्‌बल मुब, होत्‍तज्‍यीम् ङ्‍य्‍हङ्‍माचे पर्‌मेस्‍वर्‌त “अब्‍बा, अप” पङ्‍ज्‍यीम् ङ्‍होत्‍प।

गलाती 1:1

ङ पावलत प्रेरीत तबरी न्‍ह म्‍हीचे पीत्‍पल य्‍हीन्‍ब न्‍ह म्‍हीमाइ अधीकार् ग्‍यम्‍से पीत्‍पल य्‍हीन्‍ब, तर येसु ख्रीस्‍ट्‌त स्‍यीब ग्‍यम्‍से सोनलजेत्‍पे पर्‌मेस्‍वर् अपतेङ् येसु ख्रीस्‍ट्‍चे ङत पीत्‍जेत्‍पल य्‍हीन्‍ब।

गलाती 4:6

ङ्‌य्‍हङ् पर्‌मेस्‍वर्‌की ज जमे य्‍हीन्‍बल तज्‍यीम् थेङ्‍चे र्‌हङ्‍की जइ आत्‍मा ङ्‍य्‍हङ्‍माकी सेम्‍री पीत्‍युजेत्‍ज्‍यी। हुजु आत्‍माचे लज्‍यीम् ङ्‍य्‍हङ्‍की सेम्‍चे, “ओ अब्‍ब, ओ अप” पङ्‍ब।

१ तीमोथी 6:16

थेङ्‍कीनो खेमेएनो अस्‍यी, ओसेम् थेङ् खलएनो दोअखम्‍बे य्‍हल्‍री स्‍य्‍हुजेत्‍प। थेङ्‍त खल्‍चेएनो खेमेएनो म्रङ्‌बल अरे ओसेम् न्‍ह म्रङ्‌ब खम्‍ब। ङ्‍हच्‍छ्‍यङ् सक्‍तीतेङ् स्‍य्‍हेस खेम पङ्‌लेनो थेङ्‍तनो तखइ। आमेन्।

१ पत्रुस 1:17

एङ्‍यीमाचे प्रार्‌थना स्‍य्‍हेङ्‌बे बेलोरी पर्‌मेस्‍वर्‌त अप बी पङ्‍ब। थेङ्‌चे खल्‍लएनो लीः अस्‍हीनले जम्‍मनो म्‍हीमात र्‌हङ् र्‌हङ्‍ले स्‍य्‍हेङ्‌बे लक् अनुसार् न्‍याय स्‍य्‍हेङ्‌जेत्‍प। होत्‍तज्‍यीम् जम्‍बुलीङ्‌री टीगदे एङ्‌यीमा पर्‌मेस्‍वर्‌तेङ् लोङ्‍ज्‍यीम् टीउ।

प्रकास 4:11

“ङ्‍यीमाकी प्रभुतेङ् पर्‌मेस्‍वर्, थेङ् महीमा, स्‍य्‍हेस, ओसेम् सक्‍ती ग्रहन् स्‍य्‍हेङ्‌बरी जेःबल मुब, तलेपङ्‍सम् जम्‍मनो स्‍हेःमा थेङ्‌चेनो स्‍य्‍हेङ्‌जेत्‍पल य्‍हीन्‍ब, ओसेम् थेङ्‍की थुः अनुसार् हुजुमा स्‍य्‍हेङ्‍जेत्‍ज्‍यी ओसेम् हुजुमाचे जीवन् यङ्‌ज्‍यी।”

प्रकास 5:12

थेङ्‍यीमा ङ्‍हच्‍छ्‌यङ् केत् तेत्‍ज्‍यीम् चोले कोटीबल मुबल, “म्‍हीमाचे सेत्‍पे थुमा सक्‍ती, सम्‍पत्‍ती, बुद्‍दी, बङ् स्‍हेस, महीमा, ओसेम् तोप्‍प यङ्‍बरी जेःबल मुब।”