21 तलेपङ्सम् खन एइ सम्पती तब, हुजुरी एइ सेम्एनो तब।
ओ पुख्रीइ कोलमा! एङ्यीमा दुस्ट तज्यीमएनो ज्यबे तम् खले पङ्ब खम्ब? तलेपङ्सम् सेम्री ता मुज्यी हुजुनो सुङ्चे थोल्ब।
“एइ मीः ल्हीकी बत्ती य्हीन्ब। एइ मीः ज्यब मुसम्, एइ ल्ही ल्हुङ्बनो य्हल् तस्ये मुब।
तलेपङ्सम् खन एङ्यीमाकी सम्पती मुज्यी, एङ्यीमाकी सेमेएनो हुजुरी तस्ये मुब।”
एल चु लक्री तइ बोएनो अरे। तलेपङ्सम् पर्मेस्वर्की ङोन्ग्यम् एइ सेम् ज्यब अरेबल टीम्।
ङ्यीमाचे मीःचे म्रङ्बे स्हेमा अय्हीन् तर मीःचे अम्रङ्बे स्हेमारी सेम् पीन्ब। तलेपङ्सम् मीःचे म्रङ्बे स्हेमा य्हम्की लागीरी तब, तर मीःचे अम्रङ्बे स्हेमामी जुक्नो तब।
ङ पावल, र्हङ्की याचेनो चु तम् ब्रीज्यीम् पङ्ब, हुजु छ्य ङचेनो फास्ये मुब। एचे ख्रीस्ट्री यङ्बे छार् जीवनएनो ङ ग्यम्सेनो यङ्बल पङ्बे तम् ङचे एत पङ्टी अथो।
पर्मेस्वर् ङ्य्हङ्माकी अप ओसेम् प्रभु येसु ख्रीस्ट्चे एङ्यीमात अनुग्रहतेङ् सान्ती न्हङ्जेत्खइ।
बीस्वासी र्होमा, होसीयार् तउ एङ्यीमान्हङ्री खलएनो दुस्टतेङ् बीस्वास् अलबे सेम् थोःज्यीम् सोम्बो पर्मेस्वर् ग्यम्से थारीङ् अय्हर्खइ।
