मत्‍ती 6:20 - पश्‍चिम तामाङ

²⁰ तर र्‌हङ्‌की लागीरी स्‍वर्‌गरी सम्‍पतीमा र्‌हुब् लउ। हुजुरी बुलुङ्तेङ् चेःजे अच, ओसेम् य्‍होचेएनो वङ्‌ज्‍यीम् य्‍हो अल।

मत्‍ती 6:20 ပူးပေါင်းရင်းမြစ်များ

मत्‍ती 19:21

येसुचे थेत सुङ्‌ज्‍यी, “ए देमेन्‍नो पर्‌मेस्‍वर्‌की ङ्‍होन्‍सङ् ज्‍यब तइ म्‍हेन्‍सम् ङ्‌यीज्‍यीम् एतेङ् मुबे जम्‍मनो स्‍य्‍हेमा चुङ्‌ज्‍यीम् प्रङ्‌नमात पीनो, ओसेम् एचे स्‍वर्‌गरी सम्‍पतीमा यङ्‍स्‍ये मुब। हुजु लीप्‍चे खज्‍यीम् ङइ लीक्‍यम् ब्रउ।”

मत्‍ती 6:19

“र्‌हङ्‌की लागीरी जम्‍बुलीङ्‌री सम्‍पती र्‌हुब्‍ज्‍यीम् थेन्‍बे सेम् थलउ। चु जम्‍बुलीङ्‌री सोःबे सम्‍पतीमा बुलुङ्तेङ् चेःजे चब, ओसेम् य्‍होमा वङ्‌ज्‍यीम् य्‍होलब।

मर्‌कुस् 10:21

येसुचे थेत म्‍होइज्‍यीम् स्‍हीजेत्‍ज्‍यी ओसेम् सुङ्‌ज्‍यी, “एचे दवम् लक् गीः स्‍य्‍हेङ्‌थोस्‍ये मुब। ङ्‍यीउ ओसेम् एइ मुब थम्‍चे स्‍हेमा चुङ्‌ज्‍यीम् प्रङ्‌नमात पीनो, एचे स्‍वर्‌गरी सम्‍पती यङ्‍स्‍ये मुब। हुजु लीप्‍चे खज्‍यीम् ङइ लीप्‍चे ब्रउ।”

लुका 12:33

एङ्‌यीमातेङ् मुबे स्‍हेःमा चुङ्‌ज्‍यीम् खबे टङ प्रङ्‌नमात पीनो ओसेम् र्‌हङ्‌की लागीरी खेमेनो अडेःबे सुर्‌केनी डुब्‍ज्‍यीम् खेमेनो अन्‍होङ्‍बे टङ स्‍वर्‌गरी र्‌हुब लो। हुजुरी य्‍होएनो अख, बुलुङ्‌चेएनो अच।

लुका 18:22

येसुचे थेइ तम् थेःज्‍यीम्, “एचे दवम् लक् गीः स्‍य्‍हेङ्‌थोस्‍ये मुब। एतेङ् मुबे जम्‍मा स्‍हेमा चुङ्‌ज्‍यीम् प्रङ्‌नमात पीनो। एचे स्‍वर्‌गरी स्‍हेमा यङ्‌स्‍ये मुब। ओसेम् खज्‍यीम् ङइ लीप्‍चे ब्रउ” बी सुङ्‌ज्‍यी।

१ तीमोथी 6:17

चु जम्‍बुलीङ्‌री बरु तबलमात र्‌हङ्‌चे र्‌हङ्‍त ङ्‍हच्‍छ्‍यङ् थम्‍हेनो पङो। न्‍होङ्‍ज्‍यीम् य्‍हर्‌बे सम्‍पतीरी अय्‍हीन् तर ङ्‌य्‍हङ्‌माकी सुखइ लागीरी जम्‍मनो स्‍हेःमा ल्‍हाब सम्‍मनो न्‍हङ्‌बे पर्‌मेस्‍वर्‌री भरोसा थेनो बी पङो।

१ तीमोथी 6:19

चोले थेङ्‍यीमाचे खस्‍येकी बेलोइ जीवन्‍की जग तबे लागीरी स्‍हेःमा सोखइ, ओसेम् चु जीवन्‍त चुङ्‍रीखइ, हुजुनो देमेन्‍की जीवन य्‍हीन्‍ब।

हीब्रु 10:34

जेल्‍री च्‍युप्‍पलमात एङ्‍यीमाचे र्‌हो लज्‍यी। र्‌हङ्‍तेङ् मुबे सम्‍पत्‍ती ब्‍येन्‍मेएनो एङ्‍यीमाचे तङ्‌ज्‍यीम् नाज्‍यी, तलेपङ्‍सम् खेम पङ्‌लेनो तस्‍यीनो टीबे झेन् य्‍हक्‍को ङ्‍हच्‍छ्‌यङ् सम्‍पत्‍ती र्‌हङ्‍तेङ् मुब पङ्‌बे तम् एङ्‌यीमाचे स्‍येःब मुबल।

हीब्रु 11:26

मीस्र य्‍हुल्‍की य्‍हक्‍को धन् सम्‍पत्‍ती बीमम् ख्रीस्‍ट्‍की लागीरी नीन्‍द नापनो ज्‍यब म्‍हेन्‍ज्‍यी, तलेपङ्‍सम् थेचे पर्‌मेस्‍वर्‌चे न्‍हङ्‍जेत्‍स्‍येकी ङ्‍हच्‍छ्‍यङ् बक्सीस् च्‍याटीब मुबल।

याकुब 2:5

ङइ म्‍होइबे र्‌होमा, ङ्‌येनो, पर्‌मेस्‍वर्‌चे जम्‍बुलीङ्‌की प्रङ्‌नमात बीस्‍वास्‍री बरु तन लज्‍यीम् थेङ्‌की य्‍हुल्‍री हक् न्‍हङ्‍बरी दम्‍जेत्‍पल अय्‍हीनो स्‍यीम्? चु य्‍हुल् थेङ्‍त म्‍होइबलमात न्‍हङ्‍बरी पर्‌मेस्‍वर्‌चे बाचा स्‍हेङ्‍जेत्‍पल अय्‍हीनो स्‍यीम्?

१ पत्रुस 1:4

ओसेम् पर्‌मेस्‍वर् अपचे स्‍वर्‌गरी एङ्‌यीमाकी लागीरी खेमेएनो नास् अतबे, न्‍होङ्‍ज्‍यीम् अय्‍हर्‌बे ओसेम् म्‍हज्‍यीम् अय्‍हर्‌बे मोलम्‍मा टोप्‍ले थेन्‍जेत्‍पल मुब।

१ पत्रुस 5:4

ओसेम् एङ्‍यीमाचे गोदोब्‍न्‍हङ् ङ्‍हच्‍छ्‍यङ् गोर्‌तेन् र्‌हङ्‍बे येसु ख्रीस्‍ट् ब्‍योन्‍युजेत्‍पतेङ् खेमेएनो सर्‌ब अम्‍हबे महीमाकी क्रेःकी यङ्‍स्‍ये मुब।

प्रकास 2:9

एचे नाबे दुखमा ङचे स्‍येःब, ओसेम् ए प्रङ्‍न मुब पङ्‍बे तम्‍एनो ङचे स्‍येःब, तर एमी पर्‌मेस्‍वर्‌की ङोन्‍री बरु मुब! यहुदी अय्‍हीन्‍लेएनो र्‌हङ् यहुदी य्‍हीन्‍ब पङ्‍बलमाचे एइ बीरुद्‍दरी स्‍य्‍हेङ्‌बे नीन्‍द ङचे स्‍येःब, थेङ्‍यीमामी सैतान्‍की तम् ङ्‌येन्‍बे समुह य्‍हीन्‍ब।