मत्‍ती 6:14 - पश्‍चिम तामाङ

¹⁴ “एङ्‍यीमाचे एङ्‌यीमाकी बीरुद्‍दरी पाप स्‍य्‍हेङ्‍बलमात क्षमा पीन्‍ज्‍यी पङ्‌सम् स्‍वर्‌गरी स्‍य्‍हुबे पर्‌मेस्‍वर् अपचेएनो एङ्‌यीमात क्षमा न्‍हङ्‌स्‍ये मुब।

मत्‍ती 6:14 ပူးပေါင်းရင်းမြစ်များ

मत्‍ती 5:7

क्रीपा स्‍य्‍हेङ्‌बलमा मोलम् यङ्‍बलमा य्‍हीन्‍ब, तलेपङ्‍सम् थेङ्‌यीमाचेएनो क्रीपा यङ्‍स्‍ये मुब।

मत्‍ती 6:12

ओसेम् ङ्‌यीमाचे स्‍य्‍हेङ्‌बे पापमात क्षमा स्‍य्‍हेङ्‌जेतो, खले ङ्‍यीमाचेएनो ङ्‌यीमाइ बीरुद्‍दरी पाप स्‍य्‍हेङ्‍बलमात क्षमा पीन्‍बल मुब।

मत्‍ती 7:2

तलेपङ्‍सम् एङ्‍यीमाचे र्‌होत खले दोस् ल्‍हइतीज्‍यी, होलेनो पर्‌मेस्‍वर्‌चे एङ्‌यीमात दोस् ल्‍हइतीजेत्‍स्‍ये मुब। एङ्‍यीमाचे ताचे दप्‍ज्‍यीम् र्‌होत पीन्‍ब, हुजुचेनो दप्‍ज्‍यीम् एङ्‍यीमाचे यङ्‌स्‍ये मुब।

मर्‌कुस् 11:25

एङ्‍यीमा प्रार्‌थना स्‍य्‍हेङ्‌बे बेलोरी खल्‍चे पङ्‌लेनो एङ्‌यीमाइ बीरुद्‍दरी पाप स्‍य्‍हेङ्‌बल मुसम् थेङ्‌यीमात क्षम पीनो। होलेनो स्‍वर्‌गइ अपचे एङ्‌यीमाइ पाप क्षम न्‍हङ्‌जेत्स्‍ये मुब।

लुका 6:37

“र्‌होत दोस् थलइदीउ ओसेम् पर्‌मेस्‍वर्‌चे एत दोस् लइदीस्‍ये अरे। र्‌होत न्‍याय थस्‍येङो ओसेम् पर्‌मेस्‍वर्‌चे एत न्‍याय स्‍य्‍हेङ्‌स्‍ये अरे। र्‌होत क्षम पीनो ओसेम् पर्‌मेस्‍वर्‌चे एत क्षम पीन्‍स्‍ये मुब।

एफीसी 4:32

बरु दय मुबे म्‍हीमा तज्‍यीम् गीःचे गीःत म्‍होइगो। पर्‌मेस्‍वर्‌चे ख्रीस्‍ट्‍री एङ्‍यीमात क्षम न्‍हङ्‍जेत्‍प र्‌हङ्‌ले एङ्‌यीमाचेएनो गीःचे गीःत क्षम पीनो।

कलस्‍सी 3:13

गीःचे गीःत नाको, खलइ बीरुद्‍दरी पङ्‌लेनो तए दोस् मुसम् गीःचे गीःत क्षमा पीनो। प्रभुचे खले एङ्‍यीमात क्षमा स्‍य्‍हेङ्‍जेत्‍ज्‍यी, होलेनो एङ्‌यीमाचेएनो गीःचे गीःत क्षमा स्‍य्‍हेङो।

याकुब 2:13

तलेपङ्‍सम् ल्‍हो-ल्‍होत कृपा अस्‍य्‍हेङ्‌बे म्‍हीमात पर्‌मेस्‍वर्‌चेएनो कृपा अलनले न्‍यय स्‍य्‍हेङ्‌जेत्‍प। तर कृपाचे न्‍ययत डाब।

१ युहन्‍ना 3:10

पर्‌मेस्‍वर्‌की ज जमे खल ओसेम् सैतान्‍की ज जमे खल बी चु ग्‍यम्सेनो स्‍येःब खल पङ्‌लेनो धर्‌मीक्‍तरी अब्रबलमा, र्‌हङ्‍की बीस्‍वासी र्‌होमात अम्‍होइबलमा पर्‌मेस्‍वर्‌की ज जमे अय्‍हीन्।