मत्‍ती 5:6 - पश्‍चिम तामाङ

⁶ धार्‌मीक्‍ताकी लागीरी ख्रेन्‍बतेङ् फीःबलमा मोलम् यङ्‍बलमा य्‍हीन्‍ब, तलेपङ्‍सम् थेङ्‍यीमाकी ख्रेन्‍ब फीःब सेत्‍स्‍ये मुब।

मत्‍ती 5:6 ပူးပေါင်းရင်းမြစ်များ

लुका 1:53

थेङ्‌चे ख्रेन्‍बलमात रोङ्‌ब-रोङ्‌बे चबे स्‍य्‍हेमा न्‍हङ्‌ज्‍यीम् म्रेन्‍नलजेत्‍पल मुब, ओसेम् बरुमात या थेन्-थेन् पीत्‍जेत्‍पल मुब।

लुका 6:21

ओ ख्रेम्‍बलमा, एङ्‌यीमात पर्‌मेस्‍वर्‌चे मोलम् न्‍हङ्‌स्‍ये मुब! तलेपङ्‍सम् एङ्‌यीमात पर्‌मेस्‍वर्‌चे म्रेन्‍न लजेत्‍स्‍ये मुब। ओसेम् क्राबे म्‍हीमा, एङ्‌यीमात पर्‌मेस्‍वर्‌चे मोलम् न्‍हङ्‌स्‍ये मुब! तलेपङ्‍सम् एङ्‌यीमात पर्‌मेस्‍वर्‌चे ङ्‌येत्‍न लजेत्‍स्‍ये मुब!

लुका 6:25

धीक्‍कार म्रेन्‍बलमा, तलेपङ्‍सम् एङ्‌यीमा ख्रेन्‍स्‍ये मुब! धीक्‍कार ङ्‌येत्‍पलमा, तलेपङ्‍सम् एङ्‍यीमाचे दुख यङ्‌ज्‍यीम् क्राथोस्‍ये मुब!

युहन्‍ना 4:14

तर ङचे पीन्‍स्‍येकी यी थुङ्‍बलमा खेमेएनो दोज्‍यीम् फीःस्‍ये अरे। ङचे खल्‍त यी पीन्‍ब हुजु यी प्‍योःस्‍यीनो टीबे म्रुः तस्‍ये मुब, ओसेम् थेत खेमेएनो अबेबे जीवन पीन्‍स्‍ये मुब।”

युहन्‍ना 6:27

क्रम्‍ज्‍यीम् य्‍हर्‌बे चबइ लागीरी लक् थस्‍य्‍हेङो, तर खेमेएनो अबेबे जीवनसम्‍म टीबे चबइ लागीरी लक् स्‍य्‍हेङो। हुजु एङ्‌यीमात म्‍हीइ जचे पीन्‍स्‍ये मुब, तलेपङ्‍सम् पर्‌मेस्‍वर् अपचेनो थेत हुजु लक् स्‍य्‍हेङ्‌बे हक् न्‍हङ्‌बल मुब।”

युहन्‍ना 7:37

पर्‌बइ ज्‍युःकी ङ्‍हच्‍छ्‍यङ् दीन्‍री येसुचे रप्‍जेत्‍ज्‍यीम् केत् ङ्‍हच्‍छ्‍यङ्‍ले सुङ्‌जेत्‍ज्‍यी, “एङ्‍यीमान्‍हङ्‍री खल पङ्‌लेनो फीःबल मुसम् ङइज खज्‍यीम् थुङो।

प्रकास 7:16

थेङ्‍यीमा खेमेएनो ख्रेन्‍बतेङ् फीस्‍ये अरे। ओसेम् दीनीतेङ् खतेबे लेप्‍चेएनो थेङ्‌यीमात क्रोस्‍ये अरे।