मत्‍ती 5:4 - पश्‍चिम तामाङ

⁴ दुखरी मुबलमा मोलम् यङ्‍बलमा य्‍हीन्‍ब, तलेपङ्‌सम् थेङ्‍यीमाचे सुख यङ्‍स्‍ये मुब!

मत्‍ती 5:4 ပူးပေါင်းရင်းမြစ်များ

लुका 16:25

तर अब्रहामचे थेत पङ्‌ज्‍यी, ‘ङइ ज, व्‍हल् लो स्‍यीम्, एचे जम्‍बुलीङ्‌री मुबे बेलोरी ज्‍यबतेङ् रोङ्‌बे स्‍हेमा यङज्‍यी, लाजरस्‍चेमी अज्‍यबकीनो यङ्‌ज्‍यी। तर देरेम् थे चुरी सुखरी देनले टीटीब मुब। ओसेम् एमी य्‍हक्‍को दुख नाटीब।

लुका 6:21

ओ ख्रेम्‍बलमा, एङ्‌यीमात पर्‌मेस्‍वर्‌चे मोलम् न्‍हङ्‌स्‍ये मुब! तलेपङ्‍सम् एङ्‌यीमात पर्‌मेस्‍वर्‌चे म्रेन्‍न लजेत्‍स्‍ये मुब। ओसेम् क्राबे म्‍हीमा, एङ्‌यीमात पर्‌मेस्‍वर्‌चे मोलम् न्‍हङ्‌स्‍ये मुब! तलेपङ्‍सम् एङ्‌यीमात पर्‌मेस्‍वर्‌चे ङ्‌येत्‍न लजेत्‍स्‍ये मुब!

लुका 6:25

धीक्‍कार म्रेन्‍बलमा, तलेपङ्‍सम् एङ्‌यीमा ख्रेन्‍स्‍ये मुब! धीक्‍कार ङ्‌येत्‍पलमा, तलेपङ्‍सम् एङ्‍यीमाचे दुख यङ्‌ज्‍यीम् क्राथोस्‍ये मुब!

लुका 7:38

थे येसुइ ग्‍यप्‍से खज्‍यीम् थेङ्‌की स्‍य्‍हब्‍की रेइरी रप्‍ज्‍यी। ओसेम् क्राज्‍यीम् मीख्‍लीचे येसुइ स्‍य्‍हब् बप्‍ज्‍यीम् र्‌हङ्‌की क्र बाचे फ्‍यापीन्‍ज्‍यी। ओसेम् येसुइ स्‍य्‍हब्‍री च्‍योक्‍ज्‍यीम् ङोर्‌थङ् खबे छ्‌युकु फोर्‌पीन्‍ज्‍यी।

लुका 7:50

ओसेम् येसुचे अमकोलत सुङ्‌ज्‍यी, “एइ बीस्‍वासचे एत थर्‌न लबल मुब, सान्‍तीले य्‍हरो।”

याकुब 1:12

ओसेम् दुखमा खबे बेलोरी आर्‌ले नाज्‍यीम् टीबे म्‍हीमा पर्‌मेस्‍वर् ग्‍यम्‍से मोलम् यङ्‍बे म्‍हीमा य्‍हीन्‍ब। ओसेम् चोतेबे जाच्‍री डाबतेङ् पर्‌मेस्‍वर्‌चे थेङ्‍त म्‍होइबलमाकी लागीरी न्‍हङ्‍ब पङ्‍ज्‍यीम् बाचा स्‍य्‍हेङ्‍जेत्‍पे जीवन्‍की क्रेःकी थेङ्‍यीमाचे यङ्‍स्‍ये मुब।

प्रकास 21:4

थेङ्‍चे थेङ्‍यीमाकी जम्‍मनो मीःकी मीख्‍ली फ्‍यापीन्‍जेत्‍स्‍ये मुब, ओसेम् देरे य्‍हङ्‍स्‍ये खलएनो स्‍यीस्‍ये अरे, ओसेम् खल्‍चेएनो दुख म्‍हन्‍दीस्‍ये अरे, खलएनो क्रास्‍ये अरे, तइ नब छ्‍योइबएनो तस्‍ये अरे। तलेपङ्‍सम् ङोन्‍ग्‍यम्‍की स्‍हेःमा म्‍हज्‍यीम् य्‍हर्‌ज्‍यीन्‍बल मुब।”