मत्ती 5:16 - पश्चिम तामाङ16 चोलेनो एङ्यीमाकी य्हल् म्हीमाइ जोरी सर्पुङो। एङ्यीमाचे स्य्हेङ्बे ज्यबे लक् म्हीमाचे म्रङ्स्ये मुब, ओसेम् थेङ्यीमाचे स्वर्गरी मुबे एङ्यीमाकी अपत तोप्स्ये मुब। အခန်းကိုကြည့်ပါ။ |
मत्ती 5:16
42 ပူးပေါင်းရင်းမြစ်များ
एङ्यीमाचे स्य्हेङ्बे हुजु ज्यबे लक् ग्यम्से एङ्यीमा खतेबे म्हीमा बी ल्हो-ल्होमात ङोन्ब। एङ्यीमाचे ख्रीस्ट्की ज्यबे सम्तर् बीस्वास् लज्यीम् हुजु अनुसार् ब्रबे तम्, ओसेम् एङ्यीमातेङ् मुबे स्हे सेम् य्हङ् लज्यीम् थेङ्यीमा ओसेम् जम्मतनो जुपीन्बल म्रङ्ज्यीम् थेङ्यीमाचे पर्मेस्वर्त तोप्प।
ओसेम् ख्रीस्ट्त बीस्वास् अस्य्हेङ्बे म्हीमाकी गुङ्री एङ्यीमाकी ब्यबहार्मा ज्यब तखइ। तलेपङ्सम् थेङ्यीमाचे एङ्यीमात अज्यबे तम्तेङ् लक् स्य्हेङ्बलमा पङ्ज्यीम् एङ्यीमाकी बीरुद्दरी तम् पङ्बतेङ् हुजु बेलोरी थेङ्यीमाचे एङ्यीमाकी ज्यबे लक्मा म्रङ्खइ, ओसेम् पर्मेस्वर् न्याय स्य्हेङ्बरी ब्योन्युबे बेलोरी थेङ्यीमाचे थेङ्त तोप्खइ।
तर एङ्यीमाचे होले स्येत्पे बेलोरी नम्र तज्यीम् स्य्हेस लज्यीम् स्येतो। ओसेम् एङ्यीमाचे ख्रीस्ट्की लीप्चे ब्रज्यीम् ज्यबे ब्यहोर् स्य्हेङ्बल म्रङ्ज्यीम् एङ्यीमाकी बीरोद् लबलमातेङ् एङ्यीमात नीन्द स्य्हेङ्बलमा थेङ्यीमा र्हङ्नो पेत्खइ पङ्ज्यीम् एङ्यीमाइ बीबेक्त चोखो थेनो।
प्रचार स्य्हेङ्बे बर्दान् यङ्बलचे पर्मेस्वर्की फ्रोइ प्रचार स्य्हेङ्थो:ब, सेव स्य्हेङ्ब पङ्बलचे पर्मेस्वर्चे न्हङ्जेत्पे सक्ती ग्यम्से स्य्हेङ्थो:ब। होलेनो जम्म तम्री येसु ख्रीस्ट् ग्यम्से पर्मेस्वरलनो तोप्प तखइ। ओसेम् थेङ्तनो खेम पङ्लेनो महीमातेङ् सक्ती तखइ! आमेन्।
ကြော်ငြာတွေ