मत्‍ती 5:10 - पश्‍चिम तामाङ

¹⁰ धार्‌मीक्‍ताकी लागीरी दुख नाबलमा मोलम् यङ्‍बलमा य्‍हीन्‍ब, तलेपङ्‌सम् स्‍वर्‌गइ य्‍हुल् थेङ्‍यीमाल य्‍हीन्‍ब।

मत्‍ती 5:10 ပူးပေါင်းရင်းမြစ်များ

मत्‍ती 10:23

म्‍हीमाचे एङ्‌यीमात नम्‍स गीरी दुख पीन्‍ज्‍यी पङ्‌सम् ल्‍हो-ल्‍हो नम्‍सरी छ्‍योङ्‍य्‍हरो। ङ एङ्‌यीमात देमेन्‍नो पङ्‍ब, म्‍हीइ ज दोःज्‍यीम् युब बीम ङोन्‍ग्‍यम् एङ्‍यीमाचे इस्राएलकी जम्‍मनो नम्‍समारी ङ्‍यीज्‍यीन्‍बल तस्‍ये अरे।

मत्‍ती 19:14

तर येसुचे, “कोलमात ङइज खबुङो, थेङ्‌यीमात थर्‌होदो। तलेपङ्‍सम् स्‍वर्‌गइ य्‍हुल् चु कोलमा र्‌हङ्‌बमाकी लागीरी य्‍हीन्‍ब” बी सुङ्‌ज्‍यी।

मत्‍ती 25:34

हुजुलीप्‍चे ग्‍यल्‍बोचे र्‌हङ्‌की केत्‍पट्‍टीचे मुबलमात पङ्‌स्‍ये मुब, ‘ङइ अप ग्‍यम्‍से मोलम् यङ्‍बलमा खोउ! जम्‍बुलीङ् ठुङब य्‍हङ्‌सेनो एङ्‌यीमाकी लागीरी टोप् लज्‍यीम् थेन्‍बे य्‍हुल्‍री यङ्‌बे हक् कीनो।

मत्‍ती 5:3

“आत्‍मारी प्रङ्‍न म्‍हेन्‍बलम् मोलम् यङ्‍बलमा य्‍हीन्‍ब, तलेपङ्‍सम् स्‍वर्‌गइ य्‍हुल् थेङ्‍यीमाल य्‍हीन्‍ब।

मर्‌कुस् 10:14

चु म्रङ्‌ज्‍यीम् येसुत बोमो रप्‍ज्‍यी, ओसेम् थेङ्‌यीमात सुङ्‌ज्‍यी, “कोलमात ङइज खबुङो। थेङ्‌यीमात थर्‌होदो, तलेपङ्‍सम् पर्‌मेस्‍वर्‌की य्‍हुल् चु कोलमा र्‌हङ्‍बलनो य्‍हीन्‍ब।

मर्‌कुस् 10:30

थेचे जम्‍बलीङ्‍री मुबे बेलोरीनो सय गुन य्‍हक्‍को दीम्‍मा, अज्‍यो-अलेमा, अन-अङमा, अप-अममा, कोलमातेङ् म्रङ्‍मा ओसेम् म्‍हीमाचे पीन्‍बे दुखएनो नाथोस्‍ये मुब। ओसेम् लीक्‍यम्‍की बेलोरीएनो खेमेएनो अबेबे जीवन यङ्‍स्‍ये मुब।

लुका 21:12

“तर चुमा तब बीमम् ङोन्‍ग्‍यम् एङ्‌यीमात ङइ तम् ङ्‌येन्‍बल पङ्‌ज्‍यीम् म्‍हीमाचे चुङ्‌ज्‍यीम् दुख पीन्‍स्‍ये मुब। एङ्‌यीमात यहुदीमा र्‌हुप् तबे दीम्‍मारी सोप्‍तीज्‍यीम् जेल्‍री च्‍युप्‍स्‍ये मुब। ओसेम् एङ्‌यीमात ग्‍यल्‍बोमातेङ् सासक्‍माकी ङोन्‍ग्‍यम् रप्‍पुङ्‌स्‍ये मुब।

लुका 22:29

ङइ अपचे ङत सासन् स्‍य्‍हेङ्‌बे अधीकार् न्‍हङ्‌जेत्‍प र्‌हङ्‌लेनो ङचेएनो एङ्‌यीमात सासन् स्‍य्‍हेङ्‌बे अधीकार् पीन्‍स्‍ये मुब।

लुका 6:20

हुजु लीप्‍चे येसुचे थेङ्‌की डबमात स्‍हीजेत्‍ज्‍यीम् चोले सुङ्‌ज्‍यी, “ओ प्रङ्‌न तबलमा, एङ्‌यीमात पर्‌मेस्‍वर्‌चे मोलम् न्‍हङ्‌बल मुब! तलेपङ्‍सम् पर्‌मेस्‍वर्‌की य्‍हुल् एङ्‌यीमाल य्‍हीन्‍ब।

लुका 6:22

“म्‍हीइ जत बीस्‍वास् स्‍य्‍हेङ्‌बल पङ्‌ज्‍यीम् म्‍हीमाचे एङ्‌यीमात अखोस्‍ये, ख्‍लास्‍ये, ओसेम् खीसइतीस्‍ये मुब। ओसेम् थेङ्‍यीमाचे एङ्‌यीमात अज्‍यब स्‍य्‍हेङ्‌बे म्‍हीमा पङ्‌लेनो पर्‌मेस्‍वर्‌चेमी एङ्‌यीमात मोलम् न्‍हङ्‌स्‍ये मुब।

युहन्‍ना 15:20

ङचे एङ्‌यीमात, ‘योक्‍पो न्‍याबो बीम ङ्‍हच्‍छ्‍यङ् अत’ बी पङ्‍बे तम् व्‍हल् लउ। म्‍हीमाचे ङत दुख पीन्‍ज्‍यी पङ्‌सम् एङ्‍यीमातएनो पीन्‍स्‍ये मुब। ओसेम् थेङ्‍यीमाचे ङइ तम्‍मा ङ्‍येन्‍ज्‍यी पङ्‌सम् एङ्‌यीमाकी तमएनो ङ्‍येन्‍स्‍ये मुब।

प्रेरीत् 5:40

ओसेम् सभाकी म्‍हीमाचे गमलीएलकी तम् ङ्‍येन्‍ज्‍यी। ओसेम् थेङ्‍यीमाचे प्रेरीतमात न्‍हङ्‌री ङ्‌होत्‍ज्‍यीम् कोर्‌रचे ग्‍यङ्‌पुङ्‌ज्‍यी। ओसेम् “एङ्‍यीमाचे देरे य्‍हङ्‍से येसुइ मीन्‍री खेमेएनो थलोपो” पङ्‍ज्‍यीम् प्रेरीतमात पीत्‍लाज्‍यी।

प्रेरीत् 8:1

स्‍तीफनस्‍त सेत्‍पे म्‍हीमातेङ् साऊलएनो डीःबल मुबल। हुजु दीन् य्‍हङ्‍से यरुसलेमकी मन्‍डलीत बीरोद् लज्‍यीम् य्‍हक्‍को दुख पीन्‍ब तीप्‍ज्‍यी। होत्‍तज्‍यीम् प्रेरीतमा अय्‍हर्, तर ल्‍हो-ल्‍हो जम्‍मनो बीस्‍वासीमा छर्‌छुर् तज्‍यीम् यहुदीयातेङ् सामारीया प्रदेस्‍क्‍योर् य्‍हर्‌ज्‍यी।

२ कोरीन्‍थी 4:17

तलेपङ्‍सम् ङ्‌यीमाचे देरे य्‍हम्‍की लागीरी नाबे दुखमी लीक्‍यम् यङ्‍स्येकी ङ्‍य्‍हक्‍को ङ्‍हच्‍छ्‍यङ्तेङ् खेमेएनो अबेबे महीमत व्‍हल् लज्‍यीम्‍मी देमेन्‍नो तेएनो अय्‍हीन्।

फीलीप्‍पी 1:28

एङ्‍यीमा र्‌हङ्‍की सत्‍तुर्‌मा ग्‍यम्‍से थलोङो। एङ्‍यीमाचे खेम पङ्‌लेनो आर् लउ, चु ग्‍यम्सेनो एङ्‌यीमाकी बीरोधीमा ब्रेःस्‍ये मुब, ओसेम् एङ्‌यीमा थर्‌स्‍ये मुब पङ्‍ज्‍यीम् ङोन्‍ब। पर्‌मेस्‍वर्‌चेनो चु जम्‍मनो तनलजेत्‍स्‍ये मुब।

२ तीमोथी 2:12

ङ्‍य्‍हङ्‍माचे दुख नास्‍यीनो टीज्‍यी पङ्‌सम् ङ्‍य्‍हङ्‍माचेएनो थेङ्‍तेङ् बक्‍च्‍य सासन् स्‍य्‍हेङ्‍स्‍ये मुब, ङ्‍य्‍हङ्‍माचे थेङ्‍त इन्‍कार् स्‍य्‍हेङ्‌ज्‍यी पङ्‌सम् थेङ्‍चेएनो ङ्‌य्‍हङ्‌मात इन्‍कार् स्‍य्‍हेङ्‍स्‍ये मुब।

२ तीमोथी 3:11

एन्‍टीओखीया, आइकोनीयन्‍तेङ् लुस्‍त्रा पङ्‍बे सहर्‌मारी ङत म्‍हीमाचे पीन्‍बे दुखमा एचे स्‍येःबल मुब। तर प्रभुचे ङत हुजुमा जम्‍मा ग्‍यम्‍से थर्‌न लजेत्‍ज्‍यी।

याकुब 1:12

ओसेम् दुखमा खबे बेलोरी आर्‌ले नाज्‍यीम् टीबे म्‍हीमा पर्‌मेस्‍वर् ग्‍यम्‍से मोलम् यङ्‍बे म्‍हीमा य्‍हीन्‍ब। ओसेम् चोतेबे जाच्‍री डाबतेङ् पर्‌मेस्‍वर्‌चे थेङ्‍त म्‍होइबलमाकी लागीरी न्‍हङ्‍ब पङ्‍ज्‍यीम् बाचा स्‍य्‍हेङ्‍जेत्‍पे जीवन्‍की क्रेःकी थेङ्‍यीमाचे यङ्‍स्‍ये मुब।

याकुब 5:11

एङ्‍यीमाचे स्‍ये:ब दुख यङ्‍बे बेलोरी धैर्‌य लबलमात पर्‌मेस्‍वर्‌चे तङ्‍नलबे म्‍हीमा बी ङ्‌यीमाचे पङ्‍ब। अयुबचे दुख यङ्‍बे बेलोरी धैर्‌य लबल ओसेम् ज्‍यु:री प्रभुचे दय लजेत्‍पल एङ्‍यीमाचे थे:बल मुब। ङ्‍य्‍हङ्‍की प्रभु दयातेङ् क्रीपाचे प्‍लीङ्‍जेत्‍पल मुब।

१ युहन्‍ना 3:12

ङ्‍य्‍हङ्‍मा कयीन् र्‌हङ्‍ब तब अत। कयीन् दुस्‍टइ अधीन्‍री मुबल, ओसेम् थेचे र्‌हङ्‍की अलेत सेत्‍ज्‍यी। तले थेचे र्‌हङ्‍की अले सेत्‍ज्‍यी? तलेपङ्‍सम् थेचे स्‍य्‍हेङ्‌बे लक् दुस्‍ट मुबल, ओसेम् थेइ अलेचे स्‍य्‍हेङ्‌बे लक्‍मी धार्‌मीक् मुबल।

प्रकास 2:10

एत खय्‍हम्‍बे दुखमातेङ् थलोङो। एइ बीस्‍वास्‍त जाच्‍तीबरी सैतान्‍चे एङ्‍यीमान्‍हङ्‍री डेत्‍डेत्‍त जेल्‍री युस्‍ये मुब, ओसेम् एङ्‍यीमाचे च्‍यीरेत् सम्‍म दुख नाथोःस्‍ये मुब। ए स्‍यीथोःलेनो ङत बीस्‍वास् स्‍य्‍हेङ्‍ब थपीतो, ओसेम् ङचे एत खेमेएनो अबेबे जीवन्‍की इनाम् पीन्‍स्‍ये मुब।