मत्‍ती 27:56 - पश्‍चिम तामाङ

⁵⁶ थेङ्‍यीमान्‍हङ्‍री मरीयम मग्‍दलीनी, ओसेम् याकुबतेङ् योसेफकी अम मरीयम, ओसेम् जब्‍दीयाकी ज ङ्‌य्‍हीकी अम मुबल।

मत्‍ती 27:56 ပူးပေါင်းရင်းမြစ်များ

मत्‍ती 13:55

थे हुजु स्‍यीङ्‍कर्‌मीकी ज अय्‍हीनो स्‍यीम्? थेइ अमएनो मरीयम् अय्‍हीनो स्‍यीम्? याकुब, योसेफ, सीमोनतेङ् यहुदा थेइ अलेमा अय्‍हीनो स्‍यीम्?

मत्‍ती 27:61

मरीयम् मग्‍दलीनीतेङ् गीःब मरीयममी दुर्‌सइ ङोन्‍ग्‍यम्‍नो टीटीब मुबल।

मत्‍ती 28:1

दुःब न्‍हबे दीन्‍की न्‍हम्‍स्‍य्‍होर्‌हङ् अइतबार स्‍य्‍होरी मी छीरीरीले म्रङ्‌मम् मरीयम् मग्‍दलीनीतेङ् गीःब मरीयम् येसुत थेन्‍बे दुर्‌स च्‍याबरी ङ्‍यीज्‍यी।

मर्‌कुस् 15:47

मरीयम मग्‍दलीनी ओसेम् योसेफकी अम मरीयमचे येसुत थेन्‍बे दुर्‌स च्‍याथेन्‍बल मुबल।

मर्‌कुस् 16:9

[येसु अइतबार स्‍य्‍हो म्‍हुन्‍चेनो स्‍यीब ग्‍यम्‍से सोब बीसेम् गोदोब्‍न्‍हङ् ङोन्‍ग्‍यम् मरीयम मग्‍दलीनीज म्रङ्‌ज्‍यी, येसुचे हुजु मरीयमकी ल्‍ही ग्‍यम्‍से म्‍हङ् ङ्‍यीस्त तेत्‍लाजेत्‍पल मुबल।

लुका 24:10

हुजु अमकोलमामी मरीयम्, मग्‍दलीनी ओसेम् याकुबकी अम मरीयम् ओसेम् योअन्‍नातेङ् ल्‍हो-ल्‍हो अमकोलमाएनो मुबल। थेङ्‌यीमचेनो चु तम्‍मा प्रेरीतमात स्‍येत्‍पल मुबल।

लुका 8:2

थेङ्‌तेङ् बक्‍च्‍य रोगमातेङ् म्‍हङ् स्‍यप्‍प ग्‍यम्‍से फेन्‍बे डेत्-डेत् अमकोलमाएनो मुबल। हुजुमा न्‍हङ्‌री म्‍हङ् ङ्‌यीस् स्‍यप्‍प ग्‍यम्‍से फेन्‍बे मरीयम मग्‍दलीनीएनो मुबल।

युहन्‍ना 19:25

ओसेम् थेङ्‌त च्‍योबे क्रुस्‍की रेइरी थेङ्‌की अम, थेङ्‌की अमइ अङ, क्‍लोपास्‍की म्रीङ् मरीयम्, ओसेम् मरीयम् मग्‍दलीनी रप्‍टीबल मुबल।

युहन्‍ना 20:1

अइतबार स्‍य्‍हो म्‍हुन्‍चे मीः अम्रङ्‌ननो मरीयम् मग्‍दलीनी दुर्‌सरी ङ्‌यीमम् दुर्‌सइ सुङ्‍री थेन्‍बे युङ्‌ब दोःलाबल म्रङ्‍ज्‍यी।

युहन्‍ना 20:18

ओसेम् मरीयम् मग्‍दलीनी डबमाज ङ्‌यीज्‍यीम्, “ङचे प्रभुत म्रङ्‍ज्‍यी!” बी पङ्‍ज्‍यी। ओसेम् थेङ्‌चे सुङ्‍बे जम्‍मनो तम्‍मा थेङ्‌यीमात स्‍येत्‍पीन्‍ज्‍यी।