मत्‍ती 27:52 - पश्‍चिम तामाङ

⁵² ओसेम् दुर्‌समा ठोङ्‍य्‍हर्‌ज्‍यी, ओसेम् पर्‌मेस्‍वर्‌की स्‍यीज्‍यीन्‍बे य्‍हक्‍को म्‍हीमाकी ल्‍हीमा सोम्‍बो तज्‍यीम् रेःज्‍यी।

मत्‍ती 27:52 ပူးပေါင်းရင်းမြစ်များ

युहन्‍ना 11:11

हुजु लीप्‍चे येसुचे थेङ्‌यीमात सुङ्‌ज्‍यी, “ङ्‍य्‍हङ्‍की र्‌हो लाजरस म्‍हेर्‌बल मुब, तर ङ ङ्‌यीज्‍यीम् थेत छ्‍यीङ्‍स्‍ये मुब।”

प्रेरीत् 7:60

ओसेम् थेचे पुइ जुःज्‍यीम् केत् ङ्‍हच्‍छ्‍यङ् तेत्‍ज्‍यीम् पङ्‍ज्‍यी, “प्रभु, चु पापकी दोस् थेङ्‌यीमात अतखइ!” चोते पङ्‍ज्‍यीम् थेइ बुः य्‍हर्‌ज्‍यी।

१ कोरीन्‍थी 11:30

होत्‍तज्‍यीम् एङ्‍यीमान्‍हङ्‍री य्‍हक्‍को म्‍हीमा कम्‍जोर्‌तेङ् नबल मुब, ओसेम् गदे म्‍हीमामी स्‍यीज्‍यीन्‍बल मुब।

१ कोरीन्‍थी 15:20

तर ख्रीस्‍ट्‍मी देमेन्‍नो स्‍यीब ग्‍यम्‍से सोजेत्‍पल मुब। स्‍यीब ग्‍यम्‍से सोजेत्‍स्‍येलमा न्‍हङ्‍री ख्रीस्‍ट् जम्‍मन्‍हङ्‍री ङोन्‍ग्‍यम् सोजेत्‍ज्‍यी।

१ कोरीन्‍थी 15:51

ङ्‌येनो, ङ एङ्‍यीमाचे अस्‍येबतेङ् अगोबे तम् गीः पङ्‍ब, ङ्‍य्‍हङ्‍मा जम्‍मनो स्‍यीस्‍ये अरे, तर ज्‍युःकी तुरहीकी केत् थेःब साच्‍चेनो, मीःथप् गीःरीनो ङ्‍य्‍हङ्‍मा जम्‍मल ल्‍हीः पोस्‍ये मुब। तलेपङ्‍सम्, तुरहीइ केत् थेःस्‍ये मुब, ओसेम् स्‍यीबलमा खेमेएनो अस्‍यीबे जीवन कीन्‍ज्‍यीम् सोस्‍ये मुब।

१ थेस्‍लोनीकी 4:14

तलेपङ्‍सम् ङ्‍य्‍हङ्‍माचे येसु स्‍यीजेत्‍ज्‍यीम् सोजेत्‍ज्‍यी बी बीस्‍वास् स्‍य्‍हेङ्‌ब। होलेनो येसुत बीस्‍वास् लज्‍यीम् स्‍यीबलमात पर्‌मेस्‍वर्‌चेनो येसुतेङ् तबरी नोम्‍जेत्‍स्‍ये मुब।

१ थेस्‍लोनीकी 5:10

ङ्‍य्‍हङ्‍मा स्‍यीलएनो सोलएनो थेङ् दोःज्‍यीम् ब्‍योन्‍युबे बेलोरी थेङ्‍तेङ् बक्‍च्‍य सोबरी प्रभु येसु ङ्‍य्‍हङ्‍माइ लागीरी स्‍यीजेत्‍ज्‍यी।