मत्‍ती 27:51 - पश्‍चिम तामाङ

⁵¹ हुजु बेलोरीनो पर्‌मेस्‍वर्‌की दीम्‍न्‍हङ् च्‍योबे र्‌हीङ्‌बे येन् जोय्‍हङ्‍से दुङ् सम्‍मनो ङ्‍य्‍हीले डेःय्‍हर्‌ज्‍यी, ओसेम् सङ्‍गुल् य्‍हर्‌ज्‍यीम् ङ्‍हच्‍छ्‍यङ्-ङ्‍हच्‍छ्‍यङ् युङ्‌बमा थीज्‍यी।

मत्‍ती 27:51 ပူးပေါင်းရင်းမြစ်များ

मत्‍ती 27:54

येसुत रुङ्‍ज्‍यीम् टीबे कप्‍तान्‍तेङ् स्‍यीपइमाचे हुजुरी सङ्‍गुल् य्‍हर्‌बलतेङ् तबे जम्‍मनो तम्‍म म्रङ्‌ब बीसेम् य्‍हक्‍को लोङ्‌ज्‍यी। ओसेम् थेङ्‍यीमाचे पङ्‍ज्‍यी, “देमेन्‍नो चु म्‍ही पर्‌मेस्‍वर्‌की ज य्‍हीन्‍बल टीम्!”

मत्‍ती 28:2

हुजु बेलोरीनो ङ्‍हच्‍छ्‍यङ् सङ्‍गुल् य्‍हर्‌ज्‍यी, तलेपङ्‍सम् स्‍वर्‌ग ग्‍यम्‍से प्रभुइ स्‍वर्‌गदुत् गी युज्‍यीम् दुर्‌सइ म्रप्‍की युङ्‌ब दोलाज्‍यीम् हुजुइ जोरी टीज्‍यी।

मर्‌कुस् 15:38

हुजु बेलोरीनो पर्‌मेस्‍वर्‌की दीम्‍न्‍हङ् च्‍योबे र्‌हीङ्‌बे येन् जो य्‍हङ्‍से दुङ् सम्‍मनो ङ्‍य्‍हीले डेःय्‍हर्‌ज्‍यी।

लुका 23:45

दीनीइ य्‍हल् म्‍हज्‍यी। ओसेम् पर्‌मेस्‍वर्‌त तेन्‍बे दीम्‍न्‍हङ् च्‍योबे र्‌हीङ्‌बे येन् गुङ्‌री जो य्‍हङ्‌से दुङ् सम्‍मा डेःय्‍हर्‌ज्‍यीम् ङ्‌य्‍ही तज्‍यी।

लुका 23:47

चोतेब तब म्रङ्‌ज्‍यीम् सीपाहीमाकी कप्‍तान्‍चे पर्‌मेस्‍वर्‌त तोप्‍ज्‍यीम्, “चु म्‍ही देमेन्‍नो धर्‌मी मुबल टीम्” बी पङ्‌ज्‍यी।

हीब्रु 6:19

चु आस् ङ्‍य्‍हङ्‍माकी आत्‍माइ लागीरी दोङ्‍गत ब्रअपुङ्‍नले चुङ्‌बे कोङ्‌बे फइकी कोक्‍त र्‌हङ्‍ब मुब। चु आसचे ङ्‍य्‍हङ्‍मात पर्‌द न्‍हङ्‌की पबीत्र ग्‍लारी दोनलब।

हीब्रु 9:3

हुजु पर्‌दइ ग्‍यब्‍की कोठत गोदोब्‍न्‍हङ्‍की पबीत्र ग्‍ला पङ्‍ब मुबल।

प्रकास 11:13

हुजु बेलोरीनो जेप्‍प सङ्‍गुल् खज्‍यी, ओसेम् हुजु ङ्‍हच्‍छ्‌यङ् सहर्‌की बो च्‍यीरी बो गी फुप्‍य्‍हर्‌ज्‍यी। हुजु सङ्‍गुल्‍चे लज्‍यीम् हजार् ङ्‌यीस् म्‍हीमा स्‍यीज्‍यी, ओसेम् अस्‍यीबे म्‍हीमाचेमी य्‍हक्‍को लोङ्‍ज्‍यीम् स्‍वर्‌गरी स्‍य्‍हुजेत्‍टीबे पर्‌मेस्‍वर्‌त स्‍य्‍हेस लज्‍यी।

प्रकास 11:19

ओसेम् स्‍वर्‌गरी मुबे पर्‌मेस्‍वर्‌की पबीत्र दीम् ठोङ्‌ज्‍यी, ओसेम् हुजुरी थेङ्‍की करार्‌की डोम् म्रङ्‍ज्‍यी। हुजुलीप्‍चे तीप्‍लीक् फ्‍लीक्‍ज्‍यी, लाबलुङ् खब र्‌हङ्‍बे केत्‍मा ओसेम् मु गुरुङ्‍बल र्‌हङ्‍बे ङ्‍हच्‍छ्‍यङ् केत्‍मा थेःज्‍यी, सङ्‍गुल् य्‍हर्‌ज्‍यी ओसेम् जेप्‍प-जेप्‍प सेरमा युज्‍यी।