मत्‍ती 27:38 - पश्‍चिम तामाङ

³⁸ येसुत क्रुस्‍री च्‍योबे बेलोरी थेङ्‍यीमाचे य्‍होमाएनो ङ्‍य्‍हीत थेङ्‌की केत्‍तेङ् ल्‍होम् पट्‍टीचे काकर् च्‍योलाज्‍यी।

मत्‍ती 27:38 ပူးပေါင်းရင်းမြစ်များ

मत्‍ती 27:37

थेङ्‌की क्रइ जोरी थेङ्‌की बीरुद्‍दरी “चु येसु, यहुदीमाकी ग्‍यल्‍बो य्‍हीन्‍ब” बी दोस् ङोन्‍बे तम् ब्रीज्‍यीम् थेन्‍ज्‍यी।

मत्‍ती 27:39

हुजु ग्‍यम्‍से तोर्-मोर् ब्रबे म्‍हीमाचे र्‌हङ्-र्‌हङ्‍की क्र य्‍होङ्‍ज्‍यीम् थेङ्‌त ङोःज्‍यी।

मत्‍ती 27:44

होलेनो थेङ्‍तेङ् बक्‍च्‍य क्रुस्‍री च्‍योलाबे य्‍होमाचेएनो थेङ्‌त ङोःज्‍यी।

मर्‌कुस् 15:27

थेङ्‍यीमाचे येसुत क्रुस्‍री च्‍योलाबे बेलोरी य्‍हो ङ्‍य्‍हीतेएनो गीःत थेङ्‌की केत्‍पट्‍टीचे गीःत ल्‍होम् पट्‍टीचे च्‍योलाज्‍यी।

लुका 22:37

तलेपङ्‍सम् ङ एङ्‌यीमात पङ्‌ब, धर्‌मइ छ्‍येःरी ‘थे अपराधीमातेङ् ज्‍याज्‍यी’ बी ब्रीबल ङ ग्‍यम्‍से पुरा तथोब। तलेपङ्‍सम् ङइ बारेरी ब्रीबल देमेन्‍नो पुरा तटीब मुब।”

युहन्‍ना 19:18

हुजु ग्‍लारी दोःब बीसेम् स्‍यीपइमाचे थेङ्‌त क्रुस्‍री खील् ठोक्‍ज्‍यीम् च्‍योलाज्‍यी, ओसेम् ल्‍हो-ल्‍होमाएनो ङ्‍य्‍हीत थेङ्‌की केत्‍तेङ् ल्‍होम् पट्‍टीचे च्‍योलाज्‍यी, थेङ्‍तमी ङ्‌य्‍हीकी गुङ्‍री च्‍योलाज्‍यी।