मत्‍ती 26:70 - पश्‍चिम तामाङ

⁷⁰ तर पत्रुसचे जम्‍मइ ङोन्‍ग्‍यम्, “एचे तइ तम् लटीबल ङचे तएनो अगो” बी पङ्‍ज्‍यी।

मत्‍ती 26:70 ပူးပေါင်းရင်းမြစ်များ

मत्‍ती 26:51

चु म्रङ्‌ज्‍यीम् येसुतेङ् बक्‍च्‍य मुबे डब गीःचे र्‌हङ्‌की तरवाल तेत्‍ज्‍यीम् गोदोब्‍न्‍हङ्‍की ङ्‍हच्‍छ्‍यङ् लम्‍बुइ बाना गीःकी न्‍हबीङ् थालाज्‍यी।

मत्‍ती 26:56

तर अगम्‍बक्‍तमाचे धर्‌म छ्‍येःरी ब्रीबे चु तम् टोप् तखइ बी चु जम्‍मनो तबल य्‍हीन्‍ब।” ओसेम् थेङ्‌की डबमाचे थेङ्‌त ख्‍लेथेन्‍ज्‍यीम् य्‍हर्‌ज्‍यी।

मत्‍ती 26:58

पत्रुस चेक्-चेक् खेत्‍नले येसुइ लीप्-लीप् ङ्‌यीज्‍यीम् गोदोब्‍न्‍हङ्‍की ङ्‍हच्‍छ्‍यङ् लम्‍बुइ दीम्‍की दोसम्‍म दोःज्‍यी। ओसेम् ज्‍युःरी तात तमु बी च्‍याबरी न्‍हङ्‌री वङ्‌ज्‍यीम् दीम् रुङ्‍बलमातेङ् बक्‍च्‍य टीज्‍यी।

मत्‍ती 26:69

होदे बेलोसम्‍म पत्रुस फीर्‌च्‍योर् दोरीनो टीटीबल मुबल। अमकोल योक्‍पो गी खज्‍यीम् थेत पङ्‍ज्‍यी, “एनो गालील्‍की येसुतेङ् बक्‍च्‍य मुबल अय्‍हीनो स्‍यीम्?”

मत्‍ती 26:71

ओसेम् पत्रुस दोइ म्रप्‍क्‍योर् ङ्‍यीज्‍यी, हुजुरी ल्‍हो-ल्‍हो अमकोल योक्‍पो गीःचे थेत म्रङ्‌ज्‍यीम् हुजुरी मुबे म्‍हीमात पङ्‍ज्‍यी, “चु म्‍हीएनो नासरत्‍की येसुतेङ् बक्‍च्‍य मुबल।”

लुका 22:57

तर पत्रुसचे अय्‍हीन् “अङ, ङचे थेत स्‍येःबल अरे!” बी पङ्‌ज्‍यी।

रोमी 11:20

चु देमेन् य्‍हीम्‍ब, थेङ्‌यीमाचे ख्रीस्‍ट्‍री बीस्‍वास् अस्‍य्‍हेङ्‌बल तज्‍यीम् हुजु य्‍हर्‌ङमा थालबल य्‍हीन्‍ब, ओसेम् एङ्‌यीमात कलमी खीबल मुब तलेपङ्‍सम् एङ्‌यीमाचे बीस्‍वास् स्‍य्‍हेङ्‌ब। होत्‍तज्‍यीम् चु तम्‍री एङ्‍यीमा घमन्‍ड थलउ बरु पर्‌मेस्‍वर्‌तेङ् लोङो।

१ कोरीन्‍थी 10:12

होत्‍तज्‍यीम् खल्‍चे पङ्‌लेनो बीस्‍वास्‍री कोङ्‍नले रप्‍पल मुब बी म्‍हेन्‍बे म्‍हीचे थे होसीयार् तखइ्, अय्‍हीन् पङ्‌सम् थे पाप्‍री दोस्‍ये मुब।

प्रकास 21:8

तर लोङ्‍बलमा, बीस्‍वास् अलबलमा, नेइबे लक् स्‍य्‍हेङ्‌बलमा, म्‍ही सेत्‍पलमा, बेस्‍य स्‍य्‍हेङ्‌बलमा, जादु ङोन्‍बलमा, ख्‍लत तेन्‍बलमातेङ् भ्‍यु पङ्‍बलमाकी ग्‍लामी लुम्‍टीबे मेतेङ् गन्‍धक्‍की ग्‍ये य्‍हीन्‍ब। हुजुरी दोःबमी दोस्रो स्‍यीब य्‍हीन्‍ब।”