मत्‍ती 26:32 - पश्‍चिम तामाङ

³² “तर ङ स्‍यीब ग्‍यम्‍से सोब बीसेम् एङ्‍यीमा बीमम् ङोन्‍ग्‍यम् गालील्‍री ङ ङ्‍यीस्‍ये मुब।”

मत्‍ती 26:32 ပူးပေါင်းရင်းမြစ်များ

मत्‍ती 16:21

हुजु बेलो य्‍हङ्‌सेनो येसुचे थेङ्‌की डबमात सुङ्‌ज्‍यी, “ङ यरुसलेम्‍री ङ्‍यीथोब, ओसेम् अगुवामातेङ् ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍मा ग्‍यम्‍से दुख नाथोब, ओसेम् ङ स्‍यीस्‍ये मुब, तर सोम्‍रेत्कुनो स्‍यीब ग्‍यम्‍से सोस्‍ये मुब।”

मत्‍ती 20:19

थेत यहुदी अय्‍हीन्‍बे म्‍हीमाकी यारी सोप्‍तीस्‍ये मुब। थेङ्‍यीमाचे थेत पेत्‍नलस्‍ये मुब, कोर्‌रचे ग्‍यङ्‌स्‍ये मुब, ओसेम् क्रुस्‍री च्‍योज्‍यीम् सेत्‍स्‍ये मुब। तर सोम्‍रेत् कुनो थे सोज्‍यीम् रेःस्‍ये मुब।”

मत्‍ती 26:33

ओसेम् पत्रुसचे येसुत, “जम्‍माचेनो थेङ्‌त ख्‍लेथेन्‍लेनो ङचे थेङ्‌त ख्‍लेथेन्‍स्‍ये अरे” बी पङ्‍ज्‍यी।

मत्‍ती 28:10

हुजु लीप्‍चे येसुचे थेङ्‌यीमात सुङ्‌ज्‍यी, “थलोङो, एङ्‍यीमा ङ्‌यीज्‍यीम् ङइ डबमात गालील्‍री ङ्‍यीउ पङ्‍पीनो। थेङ्‍यीमाचे ङत हुजुरी म्रङ्‌स्‍ये मुब।”

मत्‍ती 28:16

हुजु लीप्‍चे चुख्रीत् डबमा येसुचे ङ्‍यीउ बी सुङ्‍बे गालील गङ्‍री ङ्‌यीबरी डोङ्‍ज्‍यी।

मर्‌कुस् 14:28

“तर ङ स्‍यीब ग्‍यम्‍से सोब बीसेम् गालीलरी एङ्‍यीमा बीम ङोन्‍ग्‍यम् ङ्‍यीस्‍ये मुब।”

मर्‌कुस् 16:7

एङ्‍यीमा य्‍हर्‌ज्‍यीम् डबमातेङ् पत्रुसत, ‘येसु एङ्‍यीमा बीम ङोन्‍नो गालील्‍री स्‍येजेत्‍पल मुब। थेङ्‌चे सुङ्‌ब र्‌हङ्‌ले एङ्‍यीमाचे थेङ्‌त हुजुरी म्रङ्‌स्‍ये मुब’ बी स्‍येत्‍पीनो।”

१ कोरीन्‍थी 15:6

हुजु लीप्‍चे थेङ् पाच सय बीमएनो य्‍हक्‍को बीस्‍वासीमाज तीख्‍यप्‍रीनो म्रङ्‍खजेत्‍ज्‍यी। थेङ्‍त म्रङ्‌बे म्‍हीमा य्‍हक्‍को र्‌हङ्‍ब दवम् सम्‍मनो मुब, तर गदेमी स्‍यीज्‍यीम् य्‍हर्‌ज्‍यी।