मत्‍ती 26:21 - पश्‍चिम तामाङ

²¹ थेङ्‍मा सोल्‍टीबे बेलोरी येसुचे, “ङ एङ्‌यीमात देमेन्‍नो पङ्‍ब, एङ्‍यीमा न्‍हङ्‌रीनो गीःचे ङत चुङ्‍पीन्‍स्‍ये मुब” बी सुङ्‌ज्‍यी।

मत्‍ती 26:21 ပူးပေါင်းရင်းမြစ်များ

मत्‍ती 26:2

“एङ्‍यीमाचे स्‍येबःलनो मुब, देरेम् ङ्‍य्‍हीरेत् लीप्‍चे नीस्‍तार् पर्‌ब खस्‍ये मुब, ओसेम् म्‍हीइ ज क्रुस्‍री च्‍योबरी सोप्‍तीस्‍ये मुब।”

मत्‍ती 26:22

चु थ्‍येःब बीसेम् थेङ्‍यीमा छेर्‌बे लीः थोज्‍यीम् जम्‍मचेनो काकर्‌ले थेङ्‌त, “प्रभु, हुजु ङनो य्‍हीन्‍ब?” बी ङ्‌योत्‍ज्‍यी।

युहन्‍ना 13:18

“ङचे चु एङ्‍यीमा जम्‍मइ लागीरी पङ्‍बल अय्‍हीन्, ङचे दम्‍बलमात ङचे स्‍येःब। तर धर्‌म छ्‍येःरी, ‘ङतेङ् बक्‍च्‍य चब चबे म्‍हीचे ङइ बीरोद् लज्‍यी’ बी ब्रीबे फ्रोइ टोप् तथोब।

युहन्‍ना 13:21

येसुचे चोले सुङ्‍जेत्‍प बीसेम् थेङ्‌की थुःरी य्‍हक्‍कोनो दुख तजेत्‍ज्‍यी, ओसेम् थेङ्‌चे डबमात सुङ्‌ज्‍यी, “ङ एङ्‌यीमात देमेन्‍नो पङ्‍ब, एङ्‍यीमान्‍हङ्‌री गीःचे ङत चुङ्‍न लपीन्‍स्‍ये मुब।”

युहन्‍ना 13:22

येसुचे चु फ्रोइ खलइ बारेरी सुङ्‌बल बी अगोज्‍यीम् डबमा गीःचे गीःकी लीरी च्‍याज्‍यी।

हीब्रु 4:13

पर्‌मेस्‍वर्‌चे स्‍य्‍हेङ्‌जेत्‍पलमान्‍हङ्‍री तएनो थेङ् ग्‍यम्‍से छुम्‍बल अरे। थेङ्‌की ङोन्‍री जम्‍मनो स्‍हेःमा प्रस्‍टतेङ् छर्‌लङ्‍ग मुब। थेङ्‍तनो ङ्‍य्‍हङ्‍माचे र्‌हङ्‌चे स्‍य्‍हेङ्‌बे लक्‍माकी हीसाब पीन्‍थोब।

प्रकास 2:23

थेइ तम् ङ्‌येन्‍ज्‍यीम् ब्रबलमात ङचे सेत्‍स्‍ये मुब, ओसेम् जम्‍मइ सेम्तेङ् लोत जाच्‍तीबल ङनो य्‍हीन्‍ब बी जम्‍मनो मन्‍डलीमाचे स्‍येःस्‍ये मुब। ओसेम् ङ एङ्‍यीमा जम्‍मतनो एङ्‌यीमाकी लक् अनुसार् पीन्‍स्‍ये मुब।