मत्‍ती 26:12 - पश्‍चिम तामाङ

¹² चु अमकोलचे ङोर्‌थङ् खबे छ्‌युकु ङइ ल्‍हीरी तेपीन्‍ज्‍यीम् ङइ ल्‍हीत बुप्‍परी टोप् लबल मुब।

मत्‍ती 26:12 ပူးပေါင်းရင်းမြစ်များ

मर्‌कुस् 14:8

चु अमकोलचे त स्‍य्‍हेङ्‌ब खम्‍ज्‍यी, हुजु स्‍य्‍हेङ्‌ज्‍यी। थेचे ङोर्‌थङ् खबे य्‍हक्‍को फाबे छ्‌युकु फोर्‌ज्‍यीम् ङइ ल्‍हीत दुर्‌सरी थेन्‍बे लागीरी ङोन्‍ग्‍यम्‍नो तयार् स्‍य्‍हेङ्‌बल मुब।

मर्‌कुस् 16:1

दुःब न्‍हबे दीन् ज्‍यीन्‍ब बीसेम् हुजु दीन्‍कुनो मरीयम मग्‍दलीनीतेङ् याकुबकी अम मरीयम ओसेम् सलोमीचे येसुइ ल्‍हीरी फोर्‌बरी ङोर्‌थङ् खबे म्‍हङ्‍गो छ्‌युकु ग्‍लुज्‍यी।

लुका 23:56

हुजु लीप्‍चे अमकोलमा दीम्‍री दोःय्‍हर्‌ज्‍यीम् येसुइ ल्‍हीरी फोर्‌पीन्‍बरी य्‍हक्‍को ङोर्‌थङ् खबे छ्‌युकुतेङ् ल्‍हप्‍ती तयार् स्‍य्‍हेङ्‌ज्‍यी। ओसेम् मोसाचे ब्रीबे पर्‌मेस्‍वर्‌की नीयम् र्‌हङ्‌लेनो दुःब न्‍हबे दीन्‍री दुःब न्‍हज्‍यी।

युहन्‍ना 12:7

ओसेम् येसुचे सुङ्‌ज्‍यी, “थेत तएनो थपङो! ङइ ल्‍ही बुब्‍बे लागीरी थेचे चु ज्‍यबे थङ्‍ खबे म्‍हङ्‍गो छ्‍युगु फोर्‌बल य्‍हीन्‍ब।