मत्‍ती 25:1 - पश्‍चिम तामाङ

¹ येसुचे देबेएनो सुङ्‌ज्‍यी, “पर्‌मेस्‍वर्‌की य्‍हुल् कङ्‍य अमकोलमा च्‍यी र्‌हङ्-र्‌हङ्‍की बत्‍तीमा बोर्‌ज्‍यीम् दुलहत खतु लबरी ङ्‍यीब र्‌हङ्‍ब य्‍हीन्‍ब।

मत्‍ती 25:1 ပူးပေါင်းရင်းမြစ်များ

मत्‍ती 13:24

येसुचे देबेनो ल्‍हो-ल्‍हो अर्‌थ गीः सुङ्‌जेत्‍ज्‍यी, “स्‍वर्‌गइ य्‍हुल् चु र्‌हङ्‍ब य्‍हीन्‍ब, म्‍ही गीःचे र्‌हङ्‌की म्रङ्‌री ज्‍यबे ब्‍लु ब्‍लुत्‍ज्‍यी।

मत्‍ती 13:31

येसुचे देबेनो ल्‍हो-ल्‍हो अर्‌थ गीः सुङ्‌ज्‍यी, “स्‍वर्‌गइ य्‍हुल् पासइकी ब्‍लु र्‌हङ्‍ब य्‍हीन्‍ब। हुजु म्‍ही गीःचे बोर्‌ज्‍यीम् म्रङ्‌री सुःज्‍यी।

मत्‍ती 13:38

म्रङ्‍मी चु जम्‍बुलीङ् य्‍हीन्‍ब, ज्‍यबे ब्‍लुमामी स्‍वर्‌गइ य्‍हुल्‍की म्‍हीमा य्‍हीन्‍ब, ओसेम् साममी सैतान्‍की म्‍हीमा य्‍हीन्‍ब।

मत्‍ती 13:47

“स्‍वर्‌गइ य्‍हुल् ग्‍येरी ल्‍हीःबे ग्‍यङ्‍ र्‌हङ्‍बएनो य्‍हीन्‍ब। हुजुरी थोचे थोइ तर्‌ङमा स्‍यप्‍प।

मत्‍ती 20:1

येसुचे सुङ्‍स्‍यीनो टीज्‍यी, “पर्‌मेस्‍वर्‌की य्‍हुल् चु र्‌हङ्‌ब य्‍हीन्‍ब, म्रङ्‌की न्‍याबो गीः स्‍य्‍होम्‍हुन्‍चेनो म्रङ्‌री लक् स्‍य्‍हेङ्‌बे नङ्‌बोमा म्‍हइबरी डोङ्‌ज्‍यी।

मत्‍ती 22:2

“स्‍वर्‌गइ य्‍हुल्‍मी ग्‍यल्‍बो गीःतेङ् व्‍हब खम्‍ब, थेचे र्‌हङ्‌की जइ भ्‍याकी डोन् टोप लज्‍यी।

मत्‍ती 25:7

ओसेम् हुजु अमकोलमा जम्‍मनो रेःज्‍यीम् र्‌हङ् र्‌हङ्‌की बत्‍तीमा टोप् लज्‍यी।

मत्‍ती 3:2

थेचे पङ्‍ज्‍यी, “पस्‍चताप स्‍य्‍हेङो, तलेपङ्‍सम् स्‍वर्‌गइ य्‍हुल् ज्‍यदङ् खबल मुब।”

मत्‍ती 5:16

चोलेनो एङ्‌यीमाकी य्‍हल् म्‍हीमाइ जोरी सर्‌पुङो। एङ्‍यीमाचे स्‍य्‍हेङ्‌बे ज्‍यबे लक् म्‍हीमाचे म्रङ्‌स्‍ये मुब, ओसेम् थेङ्‍यीमाचे स्‍वर्‌गरी मुबे एङ्‌यीमाकी अपत तोप्‍स्‍ये मुब।

मत्‍ती 9:15

येसुचे थेङ्‌यीमात जोहाप् न्‍हङ्‍जेत्‍ज्‍यी, “भ्‍या डोन्‍री दुलह जन्‍तीमातेङ् मुबे बेलोरी थेङ्‍यीमाचे ङ्‌यीम्‍बु टीब? तर चोतेबे बेलो खस्‍ये मुब, दुलह थेङ्‍यीमा ग्‍यम्‍से बोर्‌स्‍ये मुब, हुजु लीप्‍चे थेङ्‍यीमा ङ्‌यीम्‍बु टीस्‍ये मुब।

युहन्‍ना 18:3

हुजु बेलोरी ङ्‍हच्‍छ्‍यङ् लम्‍बुमातेङ् फरीसीमाचे पीत्‍खबे स्‍यीपाइमातेङ् पर्‌मेस्‍वर्‌की दीम् रुङ्‍बे म्‍हीमात बज्‍यीम् यहुदा हुजुरी खज्‍यी। थेङ्‍यीमा मेतङ्‍मातेङ् बत्‍तीमा ओसेम् तर्‌वलमा थोज्‍यीम् खबल मुबल।

युहन्‍ना 3:29

दुलही दुलहल य्‍हीन्‍ब, ओसेम् दुलहकी रेइरी रप्‍पे र्‌हो दुलहइ केत् थ्‍येःज्‍यीम् य्‍हक्‍को तङ्‍ब। चोले ङइ तङ्‍ब देरेम् टोप् तबल मुब।

प्रेरीत् 20:8

ङ्‌यीमा र्‌हुब् तबे दीम्‍की जोइ तलरी य्‍हक्‍को मेतङ्मा लुम्‍टीबल मुबल।

१ कोरीन्‍थी 11:2

ङ एङ्‍यीमात तोप्‍प तलेपङ्‍सम् एङ्‍यीमाचे ङत खेम पङ्‌लेनो व्‍हल् लज्‍यीम् ङचे लोप्‍पे तम् ङ्‌येन्‍ज्‍यीम् ब्रब।

२ कोरीन्‍थी 11:2

पर्‌मेस्‍वर्‌चे एङ्‍यीमात स्‍हेर्‌जेत्‍प र्‌हङले ङएनो एङ्‌यीमाकी लागीरी स्‍हेर्‌बल मुब। गीःकीनो र्‌हेम्‍बोइ पबीत्र दुलहीकी रुप्‍री ङचे एङ्‍यीमात ख्रीट्‍तेङ् भ्‍य्‍ह स्‍य्‍हेङ्‌पीन्‍बरी बाचा स्‍य्‍हेङ्‌बल मुब।

२ तीमोथी 4:8

देरेम् पर्‌मेस्‍वर्‌चे ङइ लागीरी धार्‌मीक्‍ताकी क्रेःकी थेन्‍जेत्‍पल मुब। हुजु क्रेःकी ज्‍यनले न्‍याय स्‍य्‍हेङ्‍जेत्‍पे पर्‌मेस्‍वर्‌चे ङत कुःपीन्‍जेत्‍स्‍ये मुब, ओसेम् ङतकीनो अय्‍हीन् तर थेङ् ब्‍योन्‍युस्‍येकी ग्‍यम् च्‍याज्‍यीम् टीबलमा जम्‍मतनो क्रेःकी कुपीन्‍जेत्‍स्‍ये मुब।

तीतस 2:13

ओसेम् ङ्‍य्‍हङ्‍माचे आस् लबे मोलम् यङ्‌बे दीन् ब्रेन्‍टीब। हुजु दीन् ङ्‍य्‍हङ्‍की ङ्‍हच्‍छ्‍यङ् पर्‌मेस्‍वर्‌तेङ् ङ्‍य्‍हङ्‍त मुक्‍ती न्‍हङ्‌बे येसु ख्रीस्‍ट्‍की महीमा म्रङ्‌स्‍ये मुब।

प्रकास 14:4

थेङ्‍यीमा अमकोलमातेङ् अन्‍हुब मुबल, ओसेम् कङ्‍य अपकोलमा मुबल। थेङ्‍यीमा थुमाकी लीप्‍चेकीनो ब्रबल मुबल। थेङ्‌यीमात पर्‌मेस्‍वर्‌चे जम्‍बुलीङ्‌की म्‍हीमा ग्‍यम्‍से सइ फाजेत्‍ज्‍यीम् फेःपीन्‍जेत्‍पल मुबल, ओसेम् थेङ्‌यीमा पर्‌मेस्‍वर्‌तेङ् थुमाकी लागीरी गोदोब्‍न्‍हङ् ङोन्‍ग्‍यम् पीन्‍बे भेटी मुबल।

प्रकास 19:7

ङ्‍य्‍हङ्‍मा य्‍हक्‍को तङ्‍के ओसेम् थेङ्‍त महीमा पीन्‍गे! तलेपङ्‍सम् थुमाइ भ्‍याकी दीन् खबल मुब, ओसेम् थेङ्‌की दुलही र्‌हङ्‌नो टोप् तबल मुब।

प्रकास 21:2

ओसेम् ङचे पबीत्र सहर्, छार् यरुस्‍लेम, पर्‌मेस्‍वर् ग्‍यम्‍से स्‍वर्‌गचे दुङ्‌री फप्‍युटीबल म्रङ्‍ज्‍यी। हुजु यरुस्‍लेम्‍मी दुलहकी लागीरी दुलही छ्‌येःब र्‌हङ्‌ले छयेःबल मुबल।

प्रकास 21:9

ओसेम् हुजु ज्‍युःकी बीपत्‍ती ङ्‍यीस्‍चे प्‍लीङ्‍बे खोरे ङ्‌यीस् थोःबे स्‍वर्‌गदुत्‍मा ङ्‌यीस् न्‍हङ्‌की गीः खज्‍यीम् ङत चोले पङ्‍ज्‍यी, “खोउ, ङ एत थुमाइ दुलही, थेङ्‍की म्रीङ्‍त ङोन्‍स्‍ये मुब।”

प्रकास 4:5

हुजु ठी ग्‍यम्‍से तीप्‍लीक् फ्‍लीक्‍टीब मुबल ओसेम् लाबलुङ् खब र्‌हङ्‌बे केत्, ओसेम् मु गुरुङ्‍बल र्‌हङ्‌बे केत्‍मा खटीब मुबल, ओसेम् हुजु ठीइ ङोन्‍री मेतङ् ङ्‌यीस् लुम्‍टीब मुबल। चुमामी पर्‌मेस्‍वर्‌की आत्‍मामा ङ्‌यीस् य्‍हीन्‍ब।

प्रकास 8:10

हुजु लीप्‍चे तेस्रो स्‍वर्‌गदुत्‍चे थेइ तुरही र्‌हप्‍ज्‍यी, ओसेम् मुग्‍यम्‍से लुम्‍टीबे मेतङ् र्‌हङ्‍बे ङ्‍हच्‍छ्‍यङ् सार् गी तइज्‍यी, हुजु बो सोम्‍री बो गी स्‍योङ्‍मातेङ् यीइ म्रुमारी तइज्‍यी।