मत्‍ती 24:46 - पश्‍चिम तामाङ

⁴⁶ न्‍याबो दोज्‍यीम् दीम्‍री खबे बेलोरी होलेनो स्‍य्‍हेङ्‍टीबल यङ्‌बे योक्‍पो मोलम् यङ्‌बे योक्‍पो य्‍हीन्‍ब।

मत्‍ती 24:46 ပူးပေါင်းရင်းမြစ်များ

प्रकास 16:15

प्रभुचे सुङ्‍जेत्‍प, “च्‍यागो, ङ य्‍हो खब र्‌हङ्‌ले खल्‍चेएनो अछोर्‌नले खस्‍ये मुब। चोङ्‍ले टीबलतेङ् र्‌हङ्‍की येन् जोगइतीज्‍यीम् थेन्‍बे म्‍ही मोलम् यङ्‍बे म्‍ही य्‍हीन्‍ब। चोले हुजु म्‍ही क्‍लीङ्‍दो ब्रअथो, ओसेम् म्‍हीमाकी ङोन्‍ग्‍यम् पेत्‍अथो।”

लुका 12:43

मालीक् दोःज्‍यीम् खबे बेलोरी होलेनो स्‍य्‍हेङ्‌टीबल यङ्‌बे योक्‍पोचे य्‍हक्‍को मोलम् यङ्‌स्‍ये मुब।

लुका 12:37

मालीक् दोःज्‍यीम् खबे बेलोरी मालीक्‍त ब्रेन्‍ज्‍यीम् टीटीबे योक्‍पोमाचे य्‍हक्‍को मोलम् यङ्‌स्‍ये मुब। ङ एङ्‌यीमात देमेन्‍नो पङ्‌ब, थेचे हुजु योक्‍पोमात टीपुङ्‍ज्‍यीम् र्‌हङ्‌चेनो चबे स्‍हेःमा पीन्‍ज्‍यीम् क्‍योङ्‌स्‍ये मुब।

प्रकास 2:19

“एइ लक्‍मा ङचे स्‍येःब। एचे स्‍य्‍हेङ्‌बे म्‍होइब, बीस्‍वास्, सेवा ओसेम् धैर्‌य लज्‍यीम् नापे तम् ङचे स्‍येःब। ङोन्‍ग्‍यम् बीम एचे देरे य्‍हक्‍को लक्‍मा स्‍य्‍हेङ्‍ब पङ्‍बे तम् ङचे स्‍येःब।

मत्‍ती 25:34

हुजुलीप्‍चे ग्‍यल्‍बोचे र्‌हङ्‌की केत्‍पट्‍टीचे मुबलमात पङ्‌स्‍ये मुब, ‘ङइ अप ग्‍यम्‍से मोलम् यङ्‍बलमा खोउ! जम्‍बुलीङ् ठुङब य्‍हङ्‌सेनो एङ्‌यीमाकी लागीरी टोप् लज्‍यीम् थेन्‍बे य्‍हुल्‍री यङ्‌बे हक् कीनो।

मत्‍ती 24:45

“बीस्‍वासीलोतेङ् बुद्‍दी मुबे योक्‍पो खल य्‍हीन्‍ब? चुम् थेत थेइ न्‍याबोचे दीम्‍की ल्‍हो-ल्‍हो योक्‍पोमात ठीक् बेलोरी चब पीनो पङ्‍ज्‍यीम् जीम्‍मा पीन्‍ब।

मत्‍ती 24:47

ङ एङ्‌यीमात देमेन्‍नो पङ्‍ब, न्‍याबोचे हुजु योक्‍पोत थेइ जम्‍मनो स्‍हेःमाकी जीम्‍मा पीन्‍स्‍ये मुब।