मत्‍ती 24:13 - पश्‍चिम तामाङ

¹³ तर ज्‍युःसम्‍मनो बीस्‍वास्‍री कोङ्‍बलमाम् थर्‌स्‍ये मुब।

मत्‍ती 24:13 ပူးပေါင်းရင်းမြစ်များ

मत्‍ती 10:22

एङ्‍यीमा ङल य्‍हीन्‍बल तज्‍यीम् जम्‍मचेनो अखोस्‍ये मुब। तर लीक्‍यम् सम्‍म बीस्‍वास्‍री कोङ्‍ज्‍यीम् टीबलमा थर्‌स्‍ये मुब।

मत्‍ती 24:12

“अज्‍यबे लक्‍मा य्‍हक्‍को तबल तज्‍यीम् य्‍हक्‍को म्‍हीमाचे गीःचे गीःत म्‍होइब पीत्‍लास्‍ये मुब।

मत्‍ती 24:6

“एङ्‍यीमाचे छेत्‍पलतेङ् छेत्पे नर्‌सुमा थ्‍येःस्‍ये मुब। तर एङ्‍यीमा हुजु बेलोरी थलोङो। हुजुमाम् तनोथोब, तर हुजु बेलोरीनो जम्‍बुलीङ् नास्‍मी अत।

मर्‌कुस् 13:13

ङत बीस्‍वास् लबल पङ्‍ज्‍यीम् एङ्‌यीमात म्‍हीमा जम्‍मचे अखोस्‍ये मुब। तर खल लीक्‍यम् सम्‍म बीस्‍वास्‍री य्‍हङ्‌य्‍होङ् अतनले टीज्‍यी थे थर्‌स्‍ये मुब।

लुका 21:19

खतेबे दुख खलेएनो ना:ज्‍यीम् टीज्‍यी पङ्‌सम् एङ्‍यीमाचे खेमेएनो अबेबे जीवन् यङ्‌स्‍ये मुब।”

लुका 8:15

ओसेम् स नारी दोःबे ब्‍लु पङ्‍बलमी चु य्‍हीन्‍ब, थेङ्‍यीमाचे थ्‍येःबे फ्रोइ् ज्‍यनले ज्‍यबे सेम्‍री थेन्‍ब, ओसेम् फ्रोइ्‍त ङ्‌येन्‍ज्‍यीम् ब्रब। ओसेम् खतेबे दुख खलेनो ग्‍यप्‍चे अदोःनले र्‌हङ्‌की बीस्‍वास्‍री रोःरो रोःज्‍यीम् ङोन्‍ग्‍यम् य्‍हर्‌स्‍यीनो टीब।

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

१ कोरीन्‍थी 1:8

ङ्‍य्‍हङ्‍की प्रभु येसु ख्रीस्‍ट् दो:ज्‍यीम् ब्‍योन्‍युबे दीन्‍री एङ्‍यीमा दोस् अरेबल तखइ पङ्‍ज्‍यीम् पर्‌मेस्‍वर्‌चे ज्‍युकी दीन्‍सम्‍मनो एङ्‌यीमाकी बीस्‍वास्‍त कोङ्‍नलजेत्‍स्‍ये मुब।

हीब्रु 10:39

तर ङ्‍य्‍हङ्‍मामी थेङ्‍त पीत्‍पतेङ् नास् तबे म्‍हीमा र्‌हङ्‍ब अय्‍हीन्, ङ्‍य्‍हङ्‍मामी थेङ्‍त बीस्‍वास् स्‍य्‍हेङ्‌बे म्‍हीमातेङ् थर्‌बे म्‍हीमा य्‍हीन्‍ब।

हीब्रु 3:14

ङ्‍य्‍हङ्‍माचे सुरुरी स्‍य्‍हेङ्‌बे बीस्‍वास्‍री ङ्‍य्‍हङ्‍मा सोगदे सम्‍मनो कोङ्‍ज्‍यीम् टीज्‍यी पङ्‌सम्, ङ्‍य्‍हङ्‍मा ख्रीस्‍ट्‍तेङ् बक्‍च्‍य हक् यङ्‌बल तस्‍ये मुब।

हीब्रु 3:6

तर ख्रीस्‍ट्‍मी पर्‌मेस्‍वर्‌की जम्‍मनो म्‍हीमाइ गुङ्‍री अधीकार् यङ्‍बे ज र्‌हङ्‌बे बीस्‍वासीलो मुब। ओसेम् ङ्‍य्‍हङ्‍माचे ख्रीस्‍ट्‌री थेन्‍बे ङ्‍य्‍हङ्‍माकी आस्‍री र्‌हङ्‍की आर्‌तेङ् भर् थेन्‍स्‍यीनो टीज्‍यी पङ्‌सम् ङ्‍य्‍हङ्‍मा पर्‌मेस्‍वर्‌की म्‍हीमा य्‍हीन्‍ब।

प्रकास 2:10

एत खय्‍हम्‍बे दुखमातेङ् थलोङो। एइ बीस्‍वास्‍त जाच्‍तीबरी सैतान्‍चे एङ्‍यीमान्‍हङ्‍री डेत्‍डेत्‍त जेल्‍री युस्‍ये मुब, ओसेम् एङ्‍यीमाचे च्‍यीरेत् सम्‍म दुख नाथोःस्‍ये मुब। ए स्‍यीथोःलेनो ङत बीस्‍वास् स्‍य्‍हेङ्‍ब थपीतो, ओसेम् ङचे एत खेमेएनो अबेबे जीवन्‍की इनाम् पीन्‍स्‍ये मुब।