मत्‍ती 23:7 - पश्‍चिम तामाङ

⁷ थेङ्‍यीमाचे बजार्‌री ङ्‌यीबे बेलोरी म्‍हीमाचे स्‍य्‍हेस स्‍य्‍हेङ्‌खइ ओसेम् ‘लोप्‍पोन्’ पङ्‌खइ म्‍हेन्‍ब।

मत्‍ती 23:7 ပူးပေါင်းရင်းမြစ်များ

मत्‍ती 11:16

“चु पुस्‍ताइ म्‍हीमात ङ तातेङ् व्‍हब? थेङ्‌यीमा बजार्‌री क्‍लङ्‍ज्‍यीम् टीबे कोलमा र्‌हङ्‌ब य्‍हीन्‍ब, ओसेम् ल्‍हो-ल्‍हो र्‌होमात ङ्‌होत्‍ज्‍यीम् पङ्‌ब-

मत्‍ती 23:8

“तर एङ्‍यीमातम् खल्‍चेएनो ‘लोप्‍पोन्’ अपङ्‌खइ, तलेपङ्‍सम् एङ्‌यीमाल लोप्‍पोन् गीकीनो मुब, ओसेम् एङ्‍यीमा जम्‍मनो अज्‍यो-अलेमा य्‍हीन्‍ब।

मत्‍ती 26:25

हुजुलीप्‍चे थेङ्‌त चुङ्‍पीन्‍स्‍येकी यहुदाचे ङ्‌योत्‍ज्‍यी, “लोप्‍पोन्, देमेन्‍नो हुजु म्‍ही ङनो य्‍हीन्‍ब?” ओसेम् येसुचे थेत, “हुजुम् ए र्‌हङ्‍चेनो पङ्‍ज्‍यी” बी सुङ्‌ज्‍यी।

मत्‍ती 26:49

ओसेम् यहुदा सर्-सर् येसुइज ङ्‌यीज्‍यीम्, “लस्‍सो, लोप्‍पोन्” पङ्‍ज्‍यीम् थेङ्‌की ग्रम्‍बरी च्‍योक्‍ज्‍यी।

मर्‌कुस् 10:51

येसुचे थेत, “ङचे एइ लागीरी त स्‍य्‍हेङ्‌खइ म्‍हेन्‍ब?” बी ङ्‌योत्‍जेत्‍ज्‍यी। ओसेम् हुजु कन म्‍हीचे पङ्‍ज्‍यी, “लोप्‍पोन्, ङइ मीः म्रङ्‍नलजेतो।”

मर्‌कुस् 11:21

येसुचे सुङ्‍जेत्‍पे तम् पत्रुसचे व्‍हल् स्‍य्‍हेङ्‌ज्‍यीम् थेङ्‌त पङ्‍ज्‍यी, “लोप्‍पोन्, स्‍हीगो, थेङ्‌चे केम्‍लङ् न्‍हङ्‌बे नेभारइ दोङ्‌बो खर्‌ज्‍यीम् स्‍यीनेम्।”

मर्‌कुस् 12:38

येसुचे लोप्‍जेत्‍पे बेलोरी चोले सुङ्‌ज्‍यी, “धर्‌म लोप्‍पोन्‍मा ग्‍यम्‍से चोङ् लज्‍यीम् टीउ। थेमा र्‌हीङ्‍ब र्‌हीङ्‍ब येन् येन्‍ज्‍यीम् कोर्‌ब म्‍हइब। ओसेम् बजाररी ब्रबे बेलोरी म्‍हीमाचे स्‍हेस स्‍य्‍हेङ्‌खइ म्‍हेन्‍ब।

मर्‌कुस् 14:45

ओसेम् यहुदा येसु मुबे ग्‍लारी सर्-सर् खज्‍यीम्, “लोप्‍पोन्” पङ्‍ज्‍यीम् थेङ्‌की ग्रम्‍बरी च्‍योक्‍ज्‍यी।

मर्‌कुस् 9:5

ओसेम् पत्रुसचे येसुत, “लोप्‍पोन्, ङ्‌यीमा चुरी तब ज्‍यब तनेम्। ङ्‌यीमाचे चुरी गोरा सोम् स्‍य्‍हेङ्‍गे, गीः थेङ्‌की लागीरी, गीः मोसाइ लागीरी ओसेम् गीः एलीयाकी लागीरी” बी पङ्‍ज्‍यी।

लुका 11:43

“धीक्‍कार एङ्‌यी फरीसीमा! तलेपङ्‍सम् यहुदीमा र्‌हुप् तबे दीम्‍री मुबे ठीरी टीबतेङ् बजारमारी म्‍हीमाचे स्‍य्‍हेस लज्‍यीम् लस्‍सो स्‍य्‍हेङ्‌खइ म्‍हेम्‍ब।

युहन्‍ना 1:38

येसुचे दोःज्‍यीम् स्‍हीजेत्‍मम् थेङ्‍यीमा थेङ्‌की लीप्-लीप् खटीबल म्रङ्‌जेत्‍ज्‍यी, ओसेम् थेङ्‌यीमात, “एङ्‍यीमा ता म्‍हइबल?” बी ङ्‌योत्‍जेत्‍ज्‍यी। थेङ्‍यीमाचे थेङ्‌त, “लोप्‍पोन्, थेङ् खन स्‍य्‍हुजेत्‍प?” बी पङ्‍ज्‍यी।

युहन्‍ना 1:49

हुजुलीप्‍चे नथानेल्‍चे थेङ्‌त पङ्‍ज्‍यी, “लोप्‍पोन्, थेङ्‍मी पर्‌मेस्‍वर्‌की ज य्‍हीन्‍ब टीम्, थेङ् एस्रएलीमाकी ग्‍यल्‍बो य्‍हीन्‍ब टीम्!”

युहन्‍ना 11:8

डबमाचे थेङ्‌त, “लोप्‍पोन्, तोव बेलो ङोन्‍ग्‍यम्‍कीनो हुजुरी यहुदीमाचे थेङ्‌त युङ्‌बचे प्रुङ्‍ब म्‍हइबल मुबल। देबेएनो थेङ् हुजु ग्‍लारी स्‍येजेत्‍प स्‍यीम्?” बी पङ्‍ज्‍यी।

युहन्‍ना 20:16

ओसेम् येसुचे, “ओ मरीयम्!” बी सुङ्‌ज्‍यी, येसुइ केत् थ्‍येःब बीसेम् मरीयमचे फ्‍लीक्‍दोःज्‍यीम् “रब्‍बोनी” बी पङ्‍ज्‍यी, चु पङ्‍बलमी हीब्रु ग्‍योत्‍री “लोप्‍पोन्” य्‍हीन्‍ब।

युहन्‍ना 3:2

तीरेत् म्‍हुना नीकोदेमस् येसुइज खज्‍यीम् पङ्‍ज्‍यी, “लोप्‍पोन्, थेङ् ङ्‍यीमात लोप्‍परी पर्‌मेस्‍वर्‌चे पीत्‍युजेत्‍पल य्‍हीन्‍ब बी ङ्‌यीमाचे स्‍येःब। तलेपङ्‍सम् पर्‌मेस्‍वर्‌चे र्‌हो अस्‍य्‍हेङ्‍जेत्‍पल य्‍हीन्‍सम् थेङ्‌चे स्‍य्‍हेङ्‍जेत्‍पे चु अचम्‍मइ लक् खल्‍चेएनो स्‍य्‍हेङ्‍ अखम्।”

युहन्‍ना 3:26

होत्‍तज्‍यीम् थेङ्‍यीमा युहन्‍नाइज खज्‍यीम् पङ्‍ज्‍यी, “लोप्‍पोन्, यर्‌दन् ग्‍येन्‍दीइ क्‍योम्‍सङ् मुबे बेलोरी थेङ्‍तेङ् म्‍ही गीः मुबल। हुजु म्‍हीइ बारेरी थेङ्‌चे ङ्‍यीमात स्‍येत्‍जेत्‍पल मुबल। देरेम् हुजु म्‍हीचे बप्‍तीस्‍मा पीन्‍टीबल मुब, ओसेम् जम्‍मनो बप्‍तीस्‍मा कीन्‍बरी हुजुइज ङ्‍यीटीबल मुब।”

युहन्‍ना 4:31

हुजु बेलोरी डबमाचे येसुत, “लोप्‍पोन्, ता पङ्‌लेनो चबे स्‍हेः सोलो” पङ्‍ज्‍यीम् फ्‍या लज्‍यी।

युहन्‍ना 6:25

म्‍हीमाचे येसुत ग्‍येइ क्‍योम्‍सङ् खतु तब बीसेम्, “लोप्‍पोन्, थेङ् चुरी खेम ब्‍योन्‍खबल?” बी ङ्‌योत्‍ज्‍यी।

युहन्‍ना 9:2

ओसेम् थेङ्‌की डबमाचे थेङ्‌त ङ्‌योत्‍ज्‍यी, “लोप्‍पोन्, खलइ पापचे लज्‍यीम् चु म्‍ही न्‍हब य्‍हङ्‌सेनो कन तबल? थेइ अप अमइ पापचे लज्‍यीम् वुइ थेइ र्‌हङ्‌की पापचे लज्‍यीम्?”