मत्‍ती 23:26 - पश्‍चिम तामाङ

²⁶ एङ्‌यी कन फरीसीमा! ङोन्‍ग्‍यम् तङ्‍लोकी न्‍हङ्‍पट्‍टीचे ज्‍यनले म्‍यपो, ओसेम् पगचेएनो ज्‍यस्‍ये मुब।

मत्‍ती 23:26 ပူးပေါင်းရင်းမြစ်များ

मत्‍ती 12:33

“ज्‍यबे दोङ्‌बोरी ज्‍यबे रोःरो रोःब, ओसेम् अज्‍यबे दोङ्‌बोरी अज्‍यबे रोःरो रोःब। तलेपङ्‍सम् दोङ्‍बो खतेब बी रोःरो ग्‍यम्सेनो स्‍येःब।

मत्‍ती 14:8

ओसेम् थेइ अमचे लोप्‍पे तम् ङ्‌येन्‍ज्‍यीम् अमकोलचे, “ङत बप्‍तीस्‍मा पीन्‍बे युहन्‍नाइ क्र देरेनो थाल्‍री युज्‍यीम् न्‍हङो” बी पङ्‍ज्‍यी।

मर्‌कुस् 7:4

चोदेकीनो अय्‍हीन्, थेङ्‍यीमाचे बजार ग्‍यम्‍से खबतेङ् ख्रुइ अलगदे तेएनो अच। ओसेम् थेङ्‍यीमाचे म्‍हन्‍दीथोबे चोतेबे पेठीम्‍मा ल्‍होल्‍होएनो य्‍हक्‍को मुब। थेङ्‍यीमाचे थाल्मा, खोरेमा, तङ्‍लोमाएनो पेठीम् अनुसारनो म्‍यप्‍प।

लुका 11:39

होत्‍तज्‍यीम् प्रभुचे थेत सुङ्‌ज्‍यी, “एङ्‌यी फरीसीमा तङ्‍लोमा पगचेकीनो म्‍यप्‍प तर एङ्‌यीमाइ न्‍हङ्‍पट्‍टीचेम् लोभ्‍तेङ् अज्‍यबे स्‍हेमाचे प्‍लीङ्‌बल मुब।

लुका 6:45

ज्‍यबे सेम् मुबे म्‍हीचे र्‌हङ्‌की सेम्‍न्‍हङ्चे ज्‍यबे तम्‍नो पङ्‌ब। ओसेम् अज्‍यबे सेम् मुबे म्‍हीचे र्‌हङ्‌की सेम्‍न्‍हङ्चे अज्‍यबे तम्‍नो पङ्‌ब। तलेपङ्‍सम् थेइ सेम्‍न्‍हङ् ता मुज्‍यी हुजु तम्‍नो थेइ सुङ्‌चे पङ्‌ब।”

२ कोरीन्‍थी 7:1

होत्‍तज्‍यीम् म्‍होइबे र्‌होमा, पर्‌मेस्‍वर्‌चे ङ्‍य्‍हङ्‍मातेङ् चोतेबे बाचामा स्‍य्‍हेङ्‌जेत्‍पल तज्‍यीम् ल्‍हीःतेङ् आत्‍मात असुद्‍द तनलबे जम्‍मा तम्‍मा ग्‍यम्‍से ङ्‍य्‍हङ्‍मा थारीङ्‍नो टीथोब, ओसेम् पर्‌मेस्‍वर्‌तेङ् लोङ्‍ज्‍यीम् पुरा पबीत्र म्‍ही तथोब।

हीब्रु 10:22

ङ्‍य्‍हङ्‍माकी अज्‍यबे बीबेक्‍मात ख्रीस्‍ट्‍की का फ्रोक्‍ज्‍यीम् चोखो स्‍य्‍हेङ्‍बल मुब, ओसेम् ङ्‍य्‍हङ्‍माकी ल्‍हीःत सुद्‍द यीचे ख्रुबल मुब। होत्‍तज्‍यीम् ङ्‍य्‍हङ्‍मा ज्‍यबे सेम् थोज्‍यीम ओसेम् थेङ्‍री पुरा बीस्‍वास् लज्‍यीम् ङ्‍य्‍हङ्‍मा पर्‌मेस्‍वर्‌ज ङ्‍यीइ।

याकुब 4:8

एङ्‍यीमा पर्‌मेस्‍वर्‌की रेइरी खोउ, थेङ् एङ्‌यीमाकी रेइरी ब्‍योन्‍खस्‍ये मुब। एङ्‌यी पापीमा अज्‍यबे लक्‍मा स्‍य्‍हेङ्‌ब पीतो! ओसेम् एङ्‌यी सेम् ङ्‌ही थोःबे म्‍हीमा चोखो तम्‍कीनो म्‍हेनो!