मत्‍ती 23:14 - पश्‍चिम तामाङ

¹⁴ [“धीक्‍कार एङ्‌यी धर्‌म लोप्‍पोन्‍मातेङ् फरीसीमा एङ्‍यीमा कपटीमा य्‍हीन्‍ब! तलेपङ्‍सम् एङ्‍यीमाचे र्‌हेम्‍बो स्‍यीबे अमकोलमाकी दीम् नम् ब्‍येन्‍ब, ओसेम् एङ्‍यीमाचे र्‌हङ्‍त ज्‍यब ङोन्‍बे लागीरी र्‌हीङ्‌बे प्रार्‌थना स्‍य्‍हेङ्‌ब। होत्‍तज्‍यीम् एङ्‍यीमाचे य्‍हक्‍को डन्‍ड यङ्‍स्‍ये मुब।]

मत्‍ती 23:14 ပူးပေါင်းရင်းမြစ်များ

मत्‍ती 11:24

तर ङ एङ्‌यीमात पङ्‌ब, न्‍यायकी दीन्‍री एङ्‌यीमाल बीमम् सदोम सहर्‌की म्‍हीमाकी सजाय नाब खम्‍बल तस्‍ये मुब।”

मत्‍ती 23:13

“धीक्‍कार एङ्‌यी धर्‌म लोप्‍पोन्‍मातेङ् फरीसीमा! एङ्‍यीमा कपटीमा य्‍हीन्‍ब। तलेपङ्‍सम् एङ्‍यीमाचे म्‍हीमाइ ङ्‍होन्‍सङ् स्‍वर्‌गइ य्‍हुल्‍की म्रप् दुङ्‍बल मुब। एङ्‍यीमा र्‌हङएनो न्‍हङ्‌री अवङ् ओसेम् न्‍हङ्‌री वङ्‌ब म्‍हइबलमातएनो वङ्‍अपुङ्।

मत्‍ती 23:33

“एङ्‍यीमा पुख्रीमा ओसेम् बीख् मुबे पुख्रीइ कोलमा य्‍हीन्‍ब! एङ्‍यीमा नर्‌कइ सजाय ग्‍यम्‍से खले स्‍योर्‌खम्‍ल?

मर्‌कुस् 12:40

थेङ्‍यीमाचे र्‌हेम्‍बो स्‍यीबे अमकोलमाइ दीम्‍नम् ब्‍येन्‍ब, ओसेम् ङोन्‍बे लागीरी र्‌हीङ्‌बे प्रार्‌थना स्‍य्‍हेङ्‌ब। होतेबमाचे झेन् य्‍हक्‍को ङ्‍हच्‍छ्‍यङ् सजाय यङ्‍स्‍ये मुब।”

लुका 12:48

“तर र्‌हङ्‌की मालीक्‍की सेम् अगोज्‍यीम् सजाय यङ्‌थोबे लक् स्‍य्‍हेङ्‌बे योक्‍पोचे चेक् सजाय यङ्‌स्‍ये मुब। खल्‍त य्‍हक्‍को पीन्‍बल मुब हुजु ग्‍यम्‍से य्‍हक्‍कोनो कीन्‍स्‍ये मुब। ओसेम् खल्‍त य्‍हक्‍को जीम्‍म पीन्‍बल मुब हुजु ग्‍यम्‍सेएनो अझ य्‍हक्‍को र्‌हीत्‍स्‍ये मुब।”

लुका 20:47

थेङ्‍यीमाचे र्‌हेम्‍बो स्‍यीबे अमकोलमाइ दीम्‍नम् ब्‍येन्‍ब। ओसेम् र्‌हङ्‌त ज्‍यब ङोन्‍बे लागीरी प्रार्‌थना र्‌हीङ्‌नले स्‍य्‍हेङ्‌ब। थेङ्‍यीमाचेमी य्‍हक्‍को अज्‍यबे सजाय यङ्‌स्‍ये मुब।”

२ तीमोथी 3:6

थेङ्‌यीमा न्‍हङ्‌री डेत् डेत्‍मी म्‍हीमाकी दीम्‍मारी ङ्‌यीज्‍यीम् य्‍हक्‍को पापचे प्‍ले:बे ओसेम् अज्‍यबे लक्‍मा स्‍य्‍हेङ्‌बे सेम्‍चे खीज्‍यीम् न्‍होङ्‌बे अमकोलमात र्‌हङ्‌की अधीन्‍री थेन्‍ब।

तीतस 1:10

तलेपङ्‍सम् य्‍हक्‍को म्‍हीमा र्‌होइ अधीन्‍री अटीबलमा, अतोःबे तम् लबलमा ओसेम् लुबलमा तब। होतेबमा न्‍हङ्‍रीएनो झेन् मुक्‍ती यङ्‍बे लागीरी खतना स्‍य्‍हेङ्‍थोब पङ्‍बलमा मुब।

याकुब 3:1

ङइ बीस्‍वासी र्‌होमा, एङ्‍यीमा न्‍हङ्‌री लोप्‍पोन्‍मा य्‍हक्‍को थतउ। तलेपङ्‍सम् एङ्‍यीमाचे स्‍ये:बलनो मुब, ङ्‌यीमा लोप्‍पीन्‍बलमाकी न्‍याय झेन् य्‍हक्‍को कोङ्‍नले तस्‍ये मुब।

२ पत्रुस 2:14

थेङ्‍यीमाकी सेम् ब्‍यभीचार्‌चे प्‍लीङ्‍बल तब, ओसेम् थेङ्‍यीमा गदे पाप स्‍य्‍हेङ्‌लेनो अयो:बल तब। थेङ्‍यीमाचे बीस्‍वास्‍री अकोङ्‍बे म्‍हीमात पाप स्‍य्‍हेङ्‌बरी व्‍हम्‍ब, ओसेम् थेङ्‌यीमाकी सेम् लोभ्‍चे प्‍लीङ्‍बल तब। थेङ्‍यीमात पर्‌मेस्‍वर्‌की केम्‍लङ् फोःब!

२ पत्रुस 2:3

थेङ्‍यीमा लोभ्‍चे प्‍लीङ्‍बल तज्‍यीम् र्‌हङ्‌चे म्‍हेन्‍बे भ्‍युकी तम् लोप्‍ज्‍यीम् एङ्‍यीमा ग्‍यम्‍से फाइद कीन्‍स्‍ये मुब। तर पर्‌मेस्‍वर्‌चे थेङ्‍यीमात दङ्‍बोनो दोसी ङोन्‍ज्‍यीन्‍बल मुब, ओसेम् थेङ्‍यीमा नास् तस्‍येनो मुब।