मत्‍ती 22:3 - पश्‍चिम तामाङ

³ राजाचे डोन्‍री ङ्‍होत्‍पलमात खोउ पङ्‌बरी र्‌हङ्‌की योक्‍पोमात पीत्‍ज्‍यी, तर थेङ्‍यीमा खबे सेम् अल।

मत्‍ती 22:3 ပူးပေါင်းရင်းမြစ်များ

मत्‍ती 21:34

अङ्‌गुर् मीन्‍बे बेलो तब बीसेम् न्‍यबोचे थेइ बो कीन्‍बरी योक्‍पोमात अङ्‌गुर् पीमा स्‍य्‍हेङ्‌बे म्‍हीमाज पीत्‍ज्‍यी।

मत्‍ती 23:37

“ओ यरुसलेम्‍की म्‍हीमा! एचे अगम्‍बक्‍तमात सेत्‍प, ओसेम् पर्‌मेस्‍वर्‌चे पीत्‍खजेत्‍पे चवमात युङ्‌बचे प्रुङ्‍ब। नक ममचे र्‌हङ्‌की ब्‍यब्‍चे कोलमात उप्‍प र्‌हङ्‌ले ङचे य्‍हक्‍को ख्‍यप् एङ्‌यीमात उप्‍पे सेम् लज्‍यी, तर एचे अङ्‍येन्।

मत्‍ती 3:2

थेचे पङ्‍ज्‍यी, “पस्‍चताप स्‍य्‍हेङो, तलेपङ्‍सम् स्‍वर्‌गइ य्‍हुल् ज्‍यदङ् खबल मुब।”

मत्‍ती 9:15

येसुचे थेङ्‌यीमात जोहाप् न्‍हङ्‍जेत्‍ज्‍यी, “भ्‍या डोन्‍री दुलह जन्‍तीमातेङ् मुबे बेलोरी थेङ्‍यीमाचे ङ्‌यीम्‍बु टीब? तर चोतेबे बेलो खस्‍ये मुब, दुलह थेङ्‍यीमा ग्‍यम्‍से बोर्‌स्‍ये मुब, हुजु लीप्‍चे थेङ्‍यीमा ङ्‌यीम्‍बु टीस्‍ये मुब।

लुका 13:34

“यरुसलेमकी म्‍हीमा! एङ्‍यीमाचे अगम्‍बक्‍तमात सेत्‍प ओसेम् पर्‌मेस्‍वर्‌चे पीत्‍युजेत्‍पे चवमात युङ्‌ब प्रुङ्‌ज्‍यीम् सेत्‍प। ङचे एङ्‌यीमाकी कोलमात नक ममाचे थेइ कोलमात ब्‍यब्‍चे उप्‍प र्‌हङ्‌ले उप्‍प छ्‌यज्‍यी, तर एङ्‌यीमा अङ्‌येन्।

लुका 15:28

होत्‍तज्‍यीम् ज ग्रेन्‍त य्‍हक्‍को बोमो रप्‍ज्‍यीम् थे दीम्‍न्‍हङ्एनो अवङ्। ओसेम् अप दोरी युज्‍यीम् थेत फ्‍या लज्‍यीम् व्‍हम्‍ज्‍यी।

लुका 19:27

देरेम्, ङचे राज्‍य अस्‍य्‍हेङ्‌खइ म्‍हेन्‍बे ङइ सत्‍तुर्‌मात चुरी बज्‍यीम् ङइ ङ्‌होन्‍सङ्‌रीनो सेतो।’”

युहन्‍ना 5:40

तर एङ्‍यीमा खेमेएनो अबेबे जीवन् यङ्‌बरी ङइज खबे सेम् अल।

प्रेरीत् 13:45

तर यहुदीमाचे हुजु य्‍हक्‍को म्‍हीमात म्रङ्‌ज्‍यीम् पावलतेङ् बारनाबासत स्‍हेर्‌ज्‍यी। ओसेम् थेङ्‍यीमाचे पावलचे पङ्‍बे तम्‍त भ्‍यु य्‍हीन्‍ब पङ्‍ज्‍यीम् थेत पेत्‍नलज्‍यी।

रोमी 10:21

तर इस्रएल्‍की बारेरी पर्‌मेस्‍वर्‌चे सुङ्‌जेत्‍ज्‍यी, “ङइ तम् अङ्‌येन्‍ज्‍यीम् बीरोद् स्‍य्‍हेङ्‍बलत ङ्‍होत्‍परी, ङचे दीन् र्‌हङ्‍स्‍यीनो ङइ या फेर् लज्‍यी।”

हीब्रु 12:25

चोङ्‍ले टीउ, एङ्‍यीमातेङ् फ्रोइ लजेत्‍टीबे पर्‌मेस्‍वर्‌त एङ्‍यीमाचे इन्‍कार् थलउ। तलेपङ्‍सम् जम्‍बुलीङ्‌की म्‍ही मोसा ग्‍यम्‍से पीन्‍बे पर्‌मेस्‍वर्‌की चेतावनीत इन्‍कार् स्‍य्‍हेङ्‌बलमा स्‍योर् अम्‍यङ् पङ्‌सम् झेन् स्‍वर्‌ग ग्‍यम्‍से फ्रोइ लजेत्‍पलत इन्‍कार् स्‍य्‍हेङ्‌सम् ङ्‌य्‍हङ्‍मामी झेन् खले स्‍योर्‌म्‍यङ्‍ल?

हीब्रु 9:15

होत्‍तज्‍यीम् पर्‌मेस्‍वर्‌चे बाचा स्‍य्‍हेङ्‍जेत्‍पे खेम पङ्‌लेनो तबे मोलम्मा थेङ्‍चे ङ्‍होत्‍जेत्‍पलमाचे यङ्‍खइ पङ्‍ज्‍यीम् ख्रीस्‍ट्‍चे चु छार् करार् नोम्‍खजेत्‍पल य्‍हीन्‍ब। ङोन्‍ग्‍यम्‍की करार्‌की बेलोरी म्‍हीमाचे स्‍य्‍हेङ्‌बे पाप्‍मा ग्‍यम्‍से फेःपीन्‍जेत्‍पे लागीरी ख्रीस्‍ट् स्‍यीपीन्‍जेत्‍पल मुब।

प्रकास 22:17

पबीत्र आत्‍मातेङ् दुलहीचे सुङ्‌जेत्‍ब, “ब्‍योन्‍खजेतो।” खल्‍चे थेःज्‍यी थेचेएनो, “ब्‍योन्‍खजेतो” बी पङ्‌खइ। खल्‍त यी फीःब हुजु खखइ, खल्‍चे सेम् लब थेचे जीवन्‍की यी ओलेन्‍नो थुङ्‍खइ।