मत्‍ती 22:21 - पश्‍चिम तामाङ

²¹ थेङ्‍यीमाचे, “कैसरल” बी जोहाप् पीन्‍ज्‍यी। हुजु लीप्‍चे येसुचे थेङ्‌यीमात सुङ्‌जेत्‍ज्‍यी, “होले पङ्‌सम् कैसरल कैसरतनो पीनो, ओसेम् पर्‌मेस्‍वर्‌ल पर्‌मेस्‍वर्‌तनो पीनो।”

मत्‍ती 22:21 ပူးပေါင်းရင်းမြစ်များ

मत्‍ती 22:20

येसुचे थेङ्‌यीमात, “चुरी खलइ लीःतेङ् मीन् ठाबल मुब?” बी ङ्‌योत्‍जेत्‍ज्‍यी।

मत्‍ती 22:37

येसुचे जोहाप् न्‍हङ्‌ज्‍यी, “‘एचे परमप्रभु र्‌हङ्‌की पर्‌मेस्‍वर्‌त एइ जम्‍मनो सेम् य्‍हङ्‍से, जम्‍मनो बुः य्‍हङ्‍से ओसेम् जम्‍मनो लो य्‍हङ्‍से म्‍होइगो।’

मत्‍ती 4:10

येसुचे थेत सुङ्‌ज्‍यी, “सैतान, चु ग्‍लासे य्‍हरो! धर्‌मइ छ्‍येःरी ब्रीबल मुब, ‘एचे परमप्रभु एइ पर्‌मेस्‍वर्‌त तेनो, ओसेम् थेङ्‍तकीनो स्‍य्‍हप्‍तो स्‍य्‍हेङो।’”

मर्‌कुस् 12:17

हुजु लीप्‍चे येसुचे थेङ्‌यीमात, “होलेपङ्‌सम् कैसरलमा कैसरतनो ओसेम् पर्‌मेस्‍वर्‌लमा पर्‌मेस्‍वर्‌तनो पीनो” बी सुङज्‍यी। ओसेम् चु तम् थ्‍येःज्‍यीम् थेङ्‌यीमा तेङेन् तज्‍यी।

लुका 20:25

ओसेम् येसुचे, “होलेपङ्‌सम् कैसरल जती कैसरत पीनो। ओसेम् पर्‌मेस्‍वर्‌ल जती पर्‌मेस्‍वर्‌त पीनो” बी सुङ्‌ज्‍यी।

लुका 23:2

ओसेम् थेङ्‍यीमाचे थेङ्‌त चोले पङ्‌ज्‍यीम् दोस् लब थाल्‍दीज्‍यी, “चु म्‍हीचे थे मुक्‍ती पीन्‍बे ख्रीस्‍ट् ग्‍यल्‍बो य्‍हीन्‍ब, ओसेम् रोमी सरकारत तीरो फाअतो पङ्‌ज्‍यीम् ङ्‌य्‍हङ्‌की म्‍हीमात भ्‍यु तम् लोप्‍टीबल ङ्‌यीमाचे दोज्‍यी।”

प्रेरीत् 4:19

तर पत्रुसतेङ् युहन्‍नाचे थेङ्‌यीमात जोहाप् पीन्‍ज्‍यी, “पर्‌मेस्‍वर्‌की फ्रोइ अङ्‍येन्‍नले एङ्‌यीमाकी तम् ङ्‍येन्‍ब पर्‌मेस्‍वर्‌की ङोन्‍री ठीक् य्‍हीन्‍ब वुइ अय्‍हीन्? एङ्‌यीमाचेनो म्‍हेनो।

प्रेरीत् 5:29

तर पत्रुसतेङ् प्रेरीतमाचे पङ्‍ज्‍यी, “ङ्‌यीमाचे म्‍हीमाचे कुल्‍बे तम् अय्‍हीन्, तर पर्‌मेस्‍वर्‌चे कुल्‍जेत्‍पे तम् ङ्‍येन्‍नोथोब।

रोमी 13:7

एङ्‍यीमाचे फाथोबलमात फागो। तीरो फाथोबलत तीरो फागो, भन्‍सार फाथोबलत भन्‍सार फागो, ओसेम् स्‍य्‍हु लथोबलमात स्‍य्‍हु लउ ओसेम् स्‍य्‍हेस स्‍य्‍हेङ्‌थोबलत स्‍य्‍हेस स्‍य्‍हेङो।