मत्‍ती 21:25 - पश्‍चिम तामाङ

²⁵ युहन्‍नाचे बप्‍तीस्‍मा पीन्‍बे अधीकार् खन ग्‍यम्‍से यङ्‌ज्‍यी? पर्‌मेस्‍वर् ग्‍यम्‍से वुइ म्‍ही ग्‍यम्‍से?” चु थ्‍येःज्‍यीम् थेङ्‍यीमान्‍हङ्‍री गीचे गीत चोले तम् पङ्‍ज्‍यी, “पर्‌मेस्‍वर् ग्‍यम्‍से पङ्‍गे पङ्‌स्‍यीम् थेचे ङ्‌य्‍हङ्‌मात ‘एङ्‍यीमाचे युहन्‍नात तले बीस्‍वास् अलबल?’ बी पङ्‌स्‍ये मुब।

मत्‍ती 21:25 ပူးပေါင်းရင်းမြစ်များ

मत्‍ती 16:7

ओसेम् डबमा र्‌हङ्‌न्‍हङ्‌री, “ङ्‍य्‍हङ्‍माचे ग्‍येङ् अबबल तज्‍यीम् थेङ्‌चे चोले सुङ्‌बल य्‍हीन्‍थोब” पङ्‍ज्‍यीम् तम् लज्‍यी।

मत्‍ती 21:24

येसुचे थेङ्‌यीमात जोहाप् न्‍हङ्‌ज्‍यी, “ङएनो एङ्‌यीमात तम् गीः ङ्‌योत्‍प, हुजुइ जोहाप् पीन्‍ज्‍यी पङ्‌सम् ङचे खजु अधीकार् ग्‍यम्‍से चु लक्‍मा स्‍य्‍हेङ्‌ब बी एङ्‌यीमात स्‍येत्‍स्‍ये मुब।

मत्‍ती 21:26

तर म्‍हीमा ग्‍यम्‍से पङ्‍गे पङ्‌स्‍यीम्, म्‍हीमा ङ्‍य्‍हङ्‍माइ बीरुद्‍दरी रेःल बी लोङ्‍ब, तलेपङ्‍सम् जम्‍मनो म्‍हीमाचे युहन्‍नात अगम्‍बक्‍त य्‍हीन्‍ब बी बीस्‍वास् लब मुबल।”

लुका 14:4

तर थेङ्‌यीमा कुटीले टीज्‍यी। थेङ्‌चे हुजु न्‍हेप्‍प म्‍हीत छुज्‍यीम् फेन्‍न लज्‍यीम् पीत्‍जेत्‍ज्‍यी।

लुका 20:5

ओसेम् थेङ्‌यीमा र्‌हङ्‌न्‍हङ्‌रीनो तम् पङ्‌ब थाल्‍दीज्‍यी, “पर्‌मेस्‍वर् ग्‍यम्‍से पङ्‌गे पङ्‌स्‍यीम्, ‘एङ्‍यीमाचे तले युहन्‍नात बीस्‍वास् अस्‍य्‍हेङ्‌बल?’ बी थेचे ङ्‌योत्‍स्‍ये तज्‍यी।

युहन्‍ना 1:15

युहन्‍नाचे थेङ्‌की बारेरी स्‍येत्‍ज्‍यी, ओसेम् क्रीङ्‌ज्‍यीम् पङ्‍ज्‍यी, “थेङ्‍नो हुजु म्‍ही य्‍हीन्‍ब, ङचे थेङ्‌की बारेरी चोले पङ्‍बल मुबल, ‘ङइ लीप्‍चे ब्‍योन्‍खस्‍येकी थेङ् ङ बीमम् ङ्‍हच्‍छ्‍यङ् मुब, तलेपङ्‍सम् थेङ् ङ न्‍हब बीम ङोन्‍ग्‍यम् य्‍हङ्‌सेनो मुबल।’”

युहन्‍ना 1:6

पर्‌मेस्‍वर्‌चे युहन्‍ना पङ्‍बे म्‍ही गीःत पीत्‍युजेत्‍ज्‍यी।

युहन्‍ना 3:18

थेङ्‌त बीस्‍वास् स्‍य्‍हेङ्‌बलमा दोसी तस्‍ये अरे, तर थेङ्‌त बीस्‍वास् अस्‍येङ्‍बलमाम् दोसी तज्‍यीन्‍बल मुब। तलेपङ्‍सम् थेङ्‍यीमाचे पर्‌मेस्‍वर्‌की गीःकीनो मुबे जत बीस्‍वास् स्‍य्‍हेङ्‍बल अरे।

१ युहन्‍ना 3:20

ङ्‌य्‍हङ्‍मात र्‌हङ्‍की सेम्‍चेनो दोसी ङोन्‍ब पङ्‌सम् ङ्‍य्‍हङ्‍चे स्‍येःब ङ्‍य्‍हङ्‍की पर्‌मेस्‍वर् ङ्‍य्‍हङ्‍की सेम् बीमएनो ङ्‍हच्‍छ्‍यङ् मुब, थेङ्‍चेम् जम्‍मनो तम्‍म खेम्‍जेत्‍प।