मत्‍ती 20:27 - पश्‍चिम तामाङ

²⁷ ओसेम् एङ्‍यीमान्‍हङ्‍री खल्‍चेम् जम्‍मन्‍हङ्‍री ङोन्‍ग्‍यम् तबे सेम् लज्‍यी थे ल्‍हो-ल्‍हो जम्‍मइ बान तथोब।

मत्‍ती 20:27 ပူးပေါင်းရင်းမြစ်များ

मत्‍ती 18:4

होत्‍तज्‍यीम् खल म्‍ही चु कोल र्‌हङ्‌ले नम्र तब हुजु स्‍वर्‌गइ य्‍हुल्‍री गोदोब्‍न्‍हङ्‍री ङ्‍हच्‍छ्‍यङ् तस्‍ये मुब।

मत्‍ती 20:26

तर एङ्‌यीमा होतेब तब अत। एङ्‍यीमान्‍हङ्‌री खल्‍चे ङ्‍हच्‍छ्‍यङ् तबे सेम् लज्‍यी थे ल्‍हो-ल्‍हो जम्‍मइ योक्‍पो तथोब।

मत्‍ती 20:28

होलेनो म्‍हीइ जएनो स्‍य्‍हप्‍तो यङ्‌बरी अय्‍हीन् तर ल्‍हो-ल्‍होत स्‍य्‍हप्‍तो स्‍य्‍हेङ्‌बरी, ओसेम् य्‍हक्‍को म्‍हीमात थर्‌ब पीन्‍बरी र्‌हङ्‌की जीवन् पीन्‍बरी युज्‍यी।”

लुका 22:26

तर एङ्‌यीमामी होतेब तब अत। एङ्‍यीमान्‍हङ्‌री खल ङ्‌हच्‍छ्‌यङ् मुब, हुजु ज्‍यीद तथोब। ओसेम् खल अगुवा मुब, हुजु योक्‍पो र्‌हङ्‌ब तथोब।

रोमी 1:14

तलेपङ्‍सम् ङचे यहुदी अय्‍हीन्‍बे ग्रीक् ग्‍योत्‍तेङ् पेठीम् स्‍येबतेङ् अस्‍येबे, खेत्‍पतेङ् अखेत्‍पे म्‍हीमा जम्‍मतनो ज्‍यबे सम्‍तर् स्‍येत्‍नो थोबल मुब।

२ कोरीन्‍थी 11:5

र्‌हङ्‌चे र्‌हङ्‍त ङ ङ्‍हच्‍छ्‍यङ् प्रेरीत् य्‍हीन्‍ब बी पङ्‍बे हुजु प्रेरीत्‍मा बीम ङ तारीएनो ज्‍यीद अरे।

२ कोरीन्‍थी 12:15

एङ्‌यीमाकी लागीरी ङ जम्‍मनो स्‍हेमा तङ्‍-तङ्‍ज्‍यीम् पीन्‍स्‍ये मुब, ओसेम् र्‌हङ्‍की जीवनएनो पीन्‍स्‍ये मुब। ङचे एङ्‌यीमात य्‍हक्‍को म्‍होइब तर एङ्‍यीमाचेम् ङत चेक्‍कीनो म्‍होइबल र्‌हङ्‍ब म्रङ्‌ब।

२ कोरीन्‍थी 4:5

ङ्‌यीमाचे र्‌हङ्‌चे र्‌हङ्‍की बारेरी प्रचार् अस्‍य्‍हेङ्, तर येसु ख्रीस्‍ट्‍नो प्रभु य्‍हीन्‍ब पङ्‍बे तम् प्रचार् स्‍य्‍हेङ्‍ब। ओसेम् येसुइ लागीरी ङ्‍यीमामी एङ्‌यीमाकी योक्‍पो य्‍हीन्‍ब।