मत्‍ती 20:14 - पश्‍चिम तामाङ

¹⁴ एचे यङ्‌बे म्‍हेल बोर्‌ज्‍यीम् य्‍हरो। ज्‍युःरी लक्‍री खबलमातएनो एत गदेनो म्‍हेल पीन्‍बे सेम् ङल मुब।

मत्‍ती 20:14 ပူးပေါင်းရင်းမြစ်များ

मत्‍ती 20:13

तर हुजु न्‍याबोचे थेङ्‌यीमा न्‍हङ्‌री गीःत जोहाप् पीन्‍ज्‍यी, ‘ङइ र्‌हो, ङचे एत तइ अन्‍यायएनो स्‍य्‍हेङ्‌बल अरे। एचे ङइ लक् म्‍हुइकी टङ डबल् गीः म्‍हेलरी दीन् गीनो लक् स्‍य्‍हेङ्‌ब पङ्‌बल अय्‍हीनो स्‍यीम्?

मत्‍ती 20:15

ङतेङ् मुबे ङइ टङ ङचे खले पीन्‍गे म्‍हेन्‍ज्‍यी होले पीन्‍बे हक् ङत अरेउ स्‍यीम्? ङचे ल्‍हो-ल्‍होत दय स्‍य्‍हेङ्‌बल म्रङ्‌ज्‍यीम् ए तले स्‍हेर्‌बल?’”

मत्‍ती 6:16

“एङ्‌यीमा ङ्‌यीम्‍बु टीबे बेलोरी कपटीमाचे र्‌हङ्‌ले छेर्‌बे लीः थोज्‍यीम् थटीउ। तलेपङ्‍सम् कपटीमाचे म्‍हीमात र्‌हङ् ङ्‌यीम्‍बु टीबल ङोन्‍बे लागीरी लीः म्‍हुन्‍दुङ् लज्‍यीम् टीब। देमेन्‍नो ङ एङ्‌यीमात पङ्‍ब, थेङ्‍यीमाचे यङ्‌थोबे बक्सीस् यङ्‍ज्‍यीन्‍बल मुब।

मत्‍ती 6:2

“होत्‍तज्‍यीम्, एङ्‍यीमाचे तोःबलमात पीन्‍बे बेलोरी कपटीमाचे पीन्‍ब र्‌हङ्‌ले ङोन्‍ज्‍यीम् थपीनो। तलेपङ्‍सम् थेङ्‍यीमाचे म्‍हीमाचे थेङ्‌यीमात तोप्‍खइ बी यहुदीमा र्‌हुप् तबे दीम्‍मातेङ् ग्‍यम्‍मारी पीन्‍ब स्‍य्‍हेङ्‌ब। देमेन्‍नो ङ एङ्‌यीमात पङ्‍ब, थेङ्‍यीमाचे यङ्‍थोस्‍येकी बक्सीस् यङ्‍ज्‍यीन्‍बल मुब।

मत्‍ती 6:6

तर एचे प्रार्‌थना स्‍य्‍हेङ्‌बे बेलोरी र्‌हङ्‌की कोठ न्‍हङ् वङ्‌ज्‍यीम् म्रप् दुङो ओसेम् अम्रङ्‍नले स्‍य्‍हुबे पर्‌मेस्‍वर् अपत प्रार्‌थना स्‍य्‍हेङो। ओसेम् एचे र्‌होचे अम्रङ्‍नले स्‍य्‍हेङ्‌बे लक् स्‍हीबे अपचे एत बक्सीस् न्‍हङ्‌स्‍ये मुब।”

लुका 15:31

अपचे थेत पङ्‌ज्‍यी, ‘ज, एमी खेम पङ्‌लेनो ङतेङ्‍नो मुब। ङतेङ् मुबे जम्‍मा सम्‍पत्‍तीमा एलनो य्‍हीन्‍ब।

लुका 16:25

तर अब्रहामचे थेत पङ्‌ज्‍यी, ‘ङइ ज, व्‍हल् लो स्‍यीम्, एचे जम्‍बुलीङ्‌री मुबे बेलोरी ज्‍यबतेङ् रोङ्‌बे स्‍हेमा यङज्‍यी, लाजरस्‍चेमी अज्‍यबकीनो यङ्‌ज्‍यी। तर देरेम् थे चुरी सुखरी देनले टीटीब मुब। ओसेम् एमी य्‍हक्‍को दुख नाटीब।

युहन्‍ना 17:2

तलेपङ्‍सम् थेङ्‌चे न्‍हङ्‍जेत्‍पे जम्‍म म्‍हीमात थेचे खेमेएनो अबेबे जीवन पीन्‍खइ पङ्‍ज्‍यीम् थेङ्‌चे जम्‍मनो म्‍हीमाकी जोरी थेत हक् न्‍हङ्‌बल मुब।

रोमी 3:19

मोसाचे ब्रीबे नीयम्‍की तम् हुजु नीयम्‍की दुङ्‌री टीबे म्‍हीमाइ लागीरी ब्रीबल य्‍हीन्‍ब बी ङ्‍य्‍हङ्‍माचे स्‍येःब। होत्‍तज्‍यीम् खल्‍चेएनो तएनो पङ्‍ब खम्‍स्‍ये अरे, ओसेम् जम्‍बुलीङ्‌की जम्‍मनो म्‍हीमा दोसी ङोन्‍बरी पर्‌मेस्‍वर्‌की ङोन्‍ग्‍यम् रप्‍पुङ्‌स्‍ये मुब।

रोमी 3:4

होले अत, म्‍हीमा भ्‍यु तलेएनो पर्‌मेस्‍वर्‌मी देमेन् य्‍हीन्‍ब। धर्‌म छ्‍येःचे थेङ्‌की बारेरी चोले पङ्‍ब, “थेङ्‍चे सुङ्‍जेत्‍पे फ्रोइरी थेङ् ठीक् बी ङोन्‍जेत्‍प, ओसेम् म्‍हीमाचे थेङ्‌की न्‍याय स्‍य्‍हेङ्‌बतेङ् थेङ् डाजेत्‍स्‍ये मुब।”