मत्‍ती 20:11 - पश्‍चिम तामाङ

¹¹ थेङ्‍यीमाचे म्‍हेल यङ्‌ब बीसेम् अङ्‌गुर्‌की म्रङ्‌की न्‍याबोइ बीरोद्‍री ङ्‍येङ्-ङ्‍येङ् लब तीप्‍ज्‍यी।

मत्‍ती 20:11 ပူးပေါင်းရင်းမြစ်များ

मत्‍ती 20:10

ओसेम् ङोन्‍ग्‍यम् लक् स्‍य्‍हेङ्‌बरी ङ्‍यीबलमाचेम् झेन् य्‍हक्‍को यङ्‌ल बी म्‍हेन्‍ज्‍यी। तर थेङ्‌यीमाचेएनो दीन् गीकी म्‍हेल म्‍हुइकी डबल् काकर् यङ्‌ज्‍यी।

मत्‍ती 20:12

थेङ्‍यीमाचे पङ्‌ज्‍यी, ‘चु ज्‍युःरी खबे म्‍हीमाचेम् घन्‍ट गीकीनो लक् स्‍य्‍हेङ्‌बल मुब। ङ्‍यीमाचेम् क्रोबे दीनीरी दीन्‍गीःनो लक् स्‍य्‍हेङ्‌ज्‍यी। होलेतलेनो थेङ्‌चे थेङ्‌यीमात ङ्‌यीमात गदेनो म्‍हेल न्‍हङ्‌ज्‍यी।’

मर्‌कुस् 14:5

बरु चु चुङ्‍सम् मन सोम् म्‍हुइकी टङ यङ्‍स्‍येल। ओसेम् हुजु टङ प्रङ्‌नमात पीन्‍ब खम्‍स्‍येल” पङ्‍ज्‍यीम् थेङ्‍यीमाचे अमकोलत बराज्‍यी।

लुका 15:2

तर फरीसीमातेङ् धर्‌म लोप्‍पोन्‍माचे गन्‍गन् स्‍य्‍हेङ्‌ज्‍यीम् पङ्‌ब थाल्‍दीज्‍यी, “चु म्‍हीचे पापीमात स्‍वागत् स्‍य्‍हेङ्‌ब। ओसेम् थेङ्‌यीमातेङ्नो चबथुङ्‌ब स्‍य्‍हेङ्‌ब।”

लुका 19:7

चु म्रङ्‌बे जम्‍मा म्‍हीमाचे, “चु म्‍ही पापीकी दीम्‍री डोम्‍बो तज्‍यीम् ङ्‌यीज्‍यी” बी पङ्‌ज्‍यीम् गन्‍गन् लब थाल्‍दीज्‍यी।

लुका 5:30

फरीसीतेङ् थेमाइ धर्‌म लोप्‍पोन्‍माचे गन्‍गन् लज्‍यीम् येसुइ डबमात पङ्‌ज्‍यी, “एङ्‍यीमाचे तीरो दुत्‍पे म्‍हीमा ओसेम् ल्‍हो-ल्‍हो पापीमातेङ् चबथुङ्‌ब तले स्‍य्‍हेङ्‌ब?”

युहन्‍ना 6:41

हुजु लीप्‍चे यहुदी अगुवामाचे थेङ्‌की बारेरी गन्‍गन् लब तीप्‍ज्‍यी, तलेपङ्‍सम् थेङ्‌चे, “ङ स्‍वर्‌ग ग्‍यम्‍से युबे ग्‍येङ् य्‍हीन्‍ब” बी सुङ्‌बल मुबल।

युहन्‍ना 6:61

तर थेङ्‌की डबमा चु तम्‍री गन्‍गन् स्‍य्‍हेङ्‌टीबल खेम्‍जेत्‍ज्‍यीम् थेङ्‌चे थेङ्‌यीमात सुङ्‌ज्‍यी, “ता चु तम्‍चे एङ्‌यीमात गारो तटीब?

प्रेरीत् 13:45

तर यहुदीमाचे हुजु य्‍हक्‍को म्‍हीमात म्रङ्‌ज्‍यीम् पावलतेङ् बारनाबासत स्‍हेर्‌ज्‍यी। ओसेम् थेङ्‍यीमाचे पावलचे पङ्‍बे तम्‍त भ्‍यु य्‍हीन्‍ब पङ्‍ज्‍यीम् थेत पेत्‍नलज्‍यी।

१ थेस्‍लोनीकी 2:16

थेङ्‍यीमाचे ङ्‍यीमात यहुदी अय्‍हीन्‍बे म्‍हीमात मुक्‍ती यङ्‌बे ज्‍यबे सम्‍तर् स्‍येत्‍पे लक् स्‍य्‍हेङ् अपुङ्ब म्‍हइज्‍यी। चोले थेङ्‍यीमाचे झेन् य्‍हक्‍को पाप स्‍य्‍हेङ्‍बोर्‌ज्‍यी। तर ज्‍युःरी पर्‌मेस्‍वर्‌की बोमो थेङ्‍यीमाइ जोरी खबल मुब।

यहुदा 1:16

चु म्‍हीमा खेमेएनो सन्‍तोक् अत, खेम पङ्‌लेनो ल्‍हो-ल्‍होइ दोस् ङोन्‍ब ओसेम् र्‌हङ्‍की अज्‍यबे सेम् अनुसार् ब्रब, र्‌हङ्‌चे र्‌हङ्‍त घमन्‍ड लबलमा ओसेम् र्‌हङकी लक् स्‍य्‍हेङ्‌बे लागीरी ल्‍हो-ल्‍होत छ्‍युगु फोर्‌ब।