मत्‍ती 2:6 - पश्‍चिम तामाङ

⁶ ‘ओ यहुदीया ग्‍लाकी बेथलेहेम्, ए यहुदीयरी सासन् लबे सहरमा न्‍हङ्‌री ताचेएनो ज्‍यीद अत, तलेपङ्‍सम् ए ग्‍यम्‍से ङ्‍हच्‍छ्‍यङ् सासक् डोङ्‍खस्‍ये मुब, ओसेम् थे ङइ म्‍ही इस्राएलीमाकी गोर्‌तेन् तस्‍ये मुब।’”

मत्‍ती 2:6 ပူးပေါင်းရင်းမြစ်များ

मत्‍ती 2:1

यहुदीया प्रदेस्‍की बेथलेहेम् पङ्‍बे नम्‍सरी येसु न्‍हबल मुबल। हुजु बेलोरी हुजु प्रदेस्‍की ग्‍यल्‍बो हेरोद मुबल। स्‍यर्‌चे खबे ज्‍योतीसीमा थेङ्‌त म्‍हइज्‍यीम् यरुसलेमरी दोखज्‍यी।

मत्‍ती 28:18

ओसेम् येसु थेङ्‌यीमाकी रेइरी खज्‍यीम् सुङ्‌ज्‍यी, “ङत स्‍वर्‌गतेङ् जम्‍बुलीङ्‌की जम्‍मनो हक् न्‍हङ्‌बल मुब।

युहन्‍ना 21:16

ओसेम् येसुचे पत्रुसत ङ्‍य्‍हीप्‍ख्‍यप्‍कुनो, “ओ युहन्‍नाइ ज, एचे ङत देमेन्‍नो म्‍होइब?” बी ङ्‌योत्‍जेत्‍ज्‍यी। ओसेम् पत्रुसचे, “प्रभु, थेङ्‌चे खेम्‍जेत्‍प, ङ थेङ्‌त म्‍होइब” बी पङ्‍ज्‍यी। ओसेम् येसुचे थेत, “होलेपङ्‌सम् ङइ ग्‍युमाकी स्‍य्‍हप्‍तो स्‍य्‍हेङो” बी सुङ्‌ज्‍यी।

युहन्‍ना 7:42

मुक्‍ती न्‍हङ्‌बे ख्रीस्‍ट्‍मी दाऊदकी सन्‍तान ग्‍यम्‍से, ओसेम् दाऊदकी नम्‍स बेथलेहेम् ग्‍यम्सेनो व्‍योन्‍खस्‍ये मुब बी धर्‌मइ छ्‍येःरी ब्रीबल अरेओ स्‍यीम्?” बी पङ्‍ज्‍यी।

एफीसी 1:22

पर्‌मेस्‍वर्‌चे जम्‍मनो स्‍हेःमा ख्रीस्‍ट्‍की अधीन्‍री थेन्‍पीन्‍जेत्‍ज्‍यी, ओसेम् मन्‍डलीइ लागीरी थेङ्‍तनो जम्‍मनो स्‍हेःमाकी क्र स्‍य्‍हेङ्‍पीन्‍जेत्‍ज्‍यी।

कलस्‍सी 1:18

थेङ्‌की ल्‍हीः मन्‍डली य्‍हीन्‍ब ओसेम् हुजुइ क्रमी थेङ् य्‍हीन्‍ब। थेङ्‍नो सुरु य्‍हीन्‍ब ओसेम् स्‍यीब ग्‍यम्‍से सोबलमान्‍हङ्‍री गोदोब्‍न्‍हङ् ङोन्‍ग्‍यम् सोबलएनो ख्रीस्‍ट्‍नो य्‍हीन्‍ब। होत्‍तज्‍यीम् थेङ् गोदोब्‍न्‍हङ्‍री ग्रेन् य्‍हीन्‍ब।

हीब्रु 7:14

तलेपङ्‍सम् जम्‍मचेनो स्‍येःबल मुब, ङ्‍य्‍हङ्‍की प्रभु यहुदाकी खलक्‍री न्‍हजेत्‍पल मुबल। यहुदाकी खलक् ग्‍यम्‍से लम्‍बु दम्‍बे बारेरी मोसाचे तएनो पङ्‍बल अरेबल।

प्रकास 11:15

हुजु लीप्‍चे सातौ स्‍वर्‌गदुत्‍चे र्‌हङ्‍की तुरही र्‌हप्‍ज्‍यी, ओसेम् स्‍वर्‌ग ग्‍यम्‍से ङ्‍हच्‍छ्‌यङ्-ङ्‍हच्‍छयङ् केत्‍माचे चोले पङ्‍ज्‍यी, “देरे य्‍हङ्‍से जम्‍बुलीङ्‌री सासन् स्‍य्‍हेङ्‌बे अधीकार् ङ्‍य्‍हङ्‍की प्रभुतेङ् थेङ्‍की मुक्‍ती न्‍हङ्‌बे ख्रीस्‍ट्‍ल य्‍हीन्‍ब, ओसेम् थेङ्‍चे खेमपङ्‌लेनो सासन् स्‍य्‍हेङ्जेत्‍स्‍ये मुब।”

प्रकास 2:27

ओसेम् थेचे थेङ्‍यीमाकी जोरी फइकी बेर्‌कचे सासन् स्‍य्‍हेङ्‍स्ये मुब, ओसेम् थेङ्‍यीमात सेप्रइ तङ्‍लोमात र्‌हङ्‌ले थीनलस्‍ये मुब। ङचे ङइ अप ग्‍यम्‍से यङ्‍बे चु अधीकार् ङ थेत पीन्‍स्‍ये मुब।

प्रकास 7:17

तलेपङ्‍सम् ठीइ गुङ्‍री स्‍य्‍हुजेत्‍पे थुमानो थेङ्‍यीमाकी गोर्‌तेन् तजेत्‍स्‍ये मुब। थेङ्‌चेनो थेङ्‍यीमात जीवन् यङ्‍बे यीइ म्रुरी नोम्‍जेत्‍स्‍ये मुब, ओसेम् पर्‌मेस्‍वर्‌चेनो थेङ्‍यीमाकी मीःकी मीख्‍ली जम्‍मनो फ्‍याजेत्‍स्‍ये मुब।”