मत्‍ती 19:29 - पश्‍चिम तामाङ

²⁹ ओसेम् ङइ लागीरी दीम्, अज्‍यो-अले, अन-अङ, अप-अम, ज-जमे, म्रङ्-बुम्रङ् पीत्‍थेन्‍बलमा जम्‍माचेनो हुजु बीमएनो सय गुन य्‍हक्‍को ओसेम् खेमेएनो अबेबे जीवनएनो यङ्‍स्‍ये मुब।

मत्‍ती 19:29 ပူးပေါင်းရင်းမြစ်များ

मत्‍ती 10:22

एङ्‍यीमा ङल य्‍हीन्‍बल तज्‍यीम् जम्‍मचेनो अखोस्‍ये मुब। तर लीक्‍यम् सम्‍म बीस्‍वास्‍री कोङ्‍ज्‍यीम् टीबलमा थर्‌स्‍ये मुब।

मत्‍ती 13:23

तर डेत्‍मी ङ्‍योम्‍बे सरी दोःबे ब्‍लु र्‌हङ्‍ब तब। थेङ्‍यीमाचे पर्‌मेस्‍वर्‌की फ्रोइ ङ्‌येन्‍ज्‍यीम् गोब, ओसेम् सय गुन, साठी गुन, तीस गुन अन्‍न रोःब।”

मत्‍ती 13:8

ल्‍हो-ल्‍हो ब्‍लुम् ङ्‍योम् तबे सरी दोःज्‍यी। ओसेम् छर्‌ज्‍यीम् कोइचे सय गुन, कोइचे साठी गुन, कोइचे तीस् गुन य्‍हक्‍को अन्‍न रोःज्‍यी।

मत्‍ती 16:25

तलेपङ्‍सम् खल्‍चे र्‌हङ्‌की जीवन् थर्‌न लब म्‍हइज्‍यी थेइ खेमेएनो अबेबे जीवन म्‍हस्‍ये मुब। तर ङइ लागीरी जीवन म्‍हन लबलचे र्‌हङ्‌की खेमेएनो अबेबे जीवन यङ्‍स्‍ये मुब।

मत्‍ती 19:16

ओसेम् म्‍ही गीः येसुइज खज्‍यीम्, “लोप्‍पोन्, ङचे खेमेएनो अबेबे जीवन यङ्‌बरी ज्‍यबे लक् ता स्‍य्‍हेङ्‌थोब?” बी ङ्‌योत्‍ज्‍यी।

मत्‍ती 25:34

हुजुलीप्‍चे ग्‍यल्‍बोचे र्‌हङ्‌की केत्‍पट्‍टीचे मुबलमात पङ्‌स्‍ये मुब, ‘ङइ अप ग्‍यम्‍से मोलम् यङ्‍बलमा खोउ! जम्‍बुलीङ् ठुङब य्‍हङ्‌सेनो एङ्‌यीमाकी लागीरी टोप् लज्‍यीम् थेन्‍बे य्‍हुल्‍री यङ्‌बे हक् कीनो।

मत्‍ती 25:46

ओसेम् थेङ्‍यीमाचे खेमेएनो अबेबे सजाय यङ्‍स्‍ये मुब, तर धर्‌मीमाचेम् खेमेनो अबेबे जीवन यङ्‍स्‍ये मुब।”

मत्‍ती 5:11

“ङत बीस्‍वास् लबल तज्‍यीम् म्‍हीमाचे एङ्‌यीमात पेत्‍न लब, दुख पीन्‍ब, ओसेम् एङ्‌यीमाइ बीरुदरी भ्‍यु पङ्‍ज्‍यीम् जम्‍म अज्‍यबे तम्‍मा पङ्‌बतेङ् एङ्‍यीमा मोलम् यङ्‍बलमा तब।

मत्‍ती 6:33

तर ङोन्‍ग्‍यम् थेङ्‌की य्‍हुल्‍तेङ् धार्‌मीक्‍ता म्‍हयो, ओसेम् चु जम्‍मा स्‍य्‍हेमा एङ्‌यीमात न्‍हङ्‌जेत्स्‍ये मुब।

लुका 14:26

“ङइ लीप्‍चे ब्रइ म्‍हेन्‍बलमाचे र्‌हङ्‌की अप-अम, म्रीङ्, ज-जमे, अज्‍यो-अले, अन-अङ ओसेम् ङत बीमएनो र्‌हङत म्‍होइज्‍यी पङ्‌सम् थे ङइ डब तब अखम्।

लुका 5:11

चु थ्‍येःज्‍यीम् थेमाचे दोङ्‌गत ग्‍येइ यरी छेङ्‌ज्‍यीम् बज्‍यी। ओसेम् थेमाचे जम्‍म स्‍हेःमा ख्‍लेथेन्‍ज्‍यीम् येसुइ लीप्‍चे ब्रज्‍यी।

लुका 6:22

“म्‍हीइ जत बीस्‍वास् स्‍य्‍हेङ्‌बल पङ्‌ज्‍यीम् म्‍हीमाचे एङ्‌यीमात अखोस्‍ये, ख्‍लास्‍ये, ओसेम् खीसइतीस्‍ये मुब। ओसेम् थेङ्‍यीमाचे एङ्‌यीमात अज्‍यब स्‍य्‍हेङ्‌बे म्‍हीमा पङ्‌लेनो पर्‌मेस्‍वर्‌चेमी एङ्‌यीमात मोलम् न्‍हङ्‌स्‍ये मुब।

युहन्‍ना 15:19

एङ्‍यीमा चु जम्‍बुलीङ्‌की म्‍हीमा य्‍हीन्‍बल पङ्‌सम् जम्‍बुलीङ्‌की म्‍हीमाचे एङ्‌यीमात र्‌हङ्‍लनो म्‍हेन्‍ज्‍यीम् म्‍होइस्‍येल। तर एङ्‌यीमात ङचे चु जम्‍बुलीङ्‍ ग्‍यम्‍से दम्‍बल य्‍हीन्‍ब, एङ्‌यीमा चु जम्‍बुलीङ्‍ल अय्‍हीन्। होत्‍तज्‍यीम् एङ्‌यीमात चु जम्‍बुलीङ्‌की म्‍हीमाचे अखो।

युहन्‍ना 4:36

बाली दुत्‍पलचे म्‍हेला यङ्‍ब, ओसेम् खेमेएनो अबेबे जीवन् यङ्‌बरी थेचे बाली दुत्‍प। हुजुलीप्‍चे ब्‍लु ब्‍लुत्‍पलतेङ् बाली दुत्‍पल ङ्‌य्‍हीनो बक्‍च्‍य तङ्‍ब।

प्रेरीत् 9:16

“ओसेम् थेचे ङइ लागीरी गत्‍ते दुख नाथोसे बी ङ थेत ङोन्‍स्‍ये मुब।”

१ कोरीन्‍थी 2:9

तर धर्‌म छ्‌येःरी चोले ब्रीबल मुब, “खल्‍चेएनो खेमेएनो अम्रङ्‌बलतेङ् खेमेएनो अथ्‍येःबल, ओसेम् सेम्‍री खेमेएनो अम्‍हेन्‍बे चु तम् पर्‌मेस्‍वर्‌चे थेङ्‍त म्‍होइबलमाकी लागीरी टोप् लजेत्‍पल मुब।”

२ कोरीन्‍थी 5:16

देरे य्‍हङ्‍से ङ्‌यीमाचे खल्‍तएनो जम्‍बुलीङ्‌की म्‍हीमाचे म्‍हेन्‍ब र्‌हङ्‌ले म्‍हेन्‍ज्‍यीम् अच्‍या। य्‍हीन्‍बरीम् तीख्‍यप्‍की बेलोरी ङ्‍यीमाचेएनो ख्रीस्‍ट्‍त जम्‍बुलीङ्‌की म्‍हीमाचे म्‍हेन्‍ब र्‌हङ्‌ले म्‍हेन्‍ज्‍यीम् च्‍याब मुबल, तर देरे य्‍हङ्‍से थेङ्‍त होले म्‍हेन्‍ज्‍यीम् च्‍यास्‍ये अरे।

फीलीप्‍पी 3:8

होदेकीनो अय्‍हीन्, येसु ख्रीस्‍ट्त र्‌हङ्‍की प्रभु पङ्‍ज्‍यीम् स्‍येःम्‍यङ्‍बे ङ्‍य्‍हच्‍छ्‌यङ् ज्ञान्‍तेङ् व्‍हबतेङ्‍मी ल्‍होःल्‍हो जम्‍मनो तम्‍मा लक् अतबल यङ्‍ब। थेङ्‌की लागीरी ङचे जम्‍मनो स्‍हेःमात ख्‍लाज्‍यी, ओसेम् थेङ्‍त यङ्‍बे लागीरी चु जम्‍मनो तम्‍मात ख्रीदी र्‌हङ्‍ब म्‍हेन्‍बल मुब।

१ पत्रुस 4:14

एङ्‍यीमाचे ख्रीस्‍ट्‍त बीस्‍वास् स्‍य्‍हेङ्‍ब पङ्‍ज्‍यीम् म्‍हीमाचे एङ्‌यीमाकी नीन्‍द स्‍य्‍हेङ्‌ब पङ्‌सम् एङ्‍यीमाचे र्‌हङ्‍त पर्‌मेस्‍वर् ग्‍यम्‍से मोलम् यङ्‌बल बी म्‍हेनो। तलेपङ्‍सम् एङ्‍यीमातेङ् पर्‌मेस्‍वर्‌की महीमाकी आत्‍मा स्‍य्‍हुजेत्‍प।

३ युहन्‍ना 1:7

तलेपङ्‍सम् थेङ्‍यीमा ख्रीस्‍ट्‍की छेन्‍री ज्‍यब सम्‍तर् स्‍येत्‍परी डोङ्‍बल य्‍हीन्‍ब, ओसेम् प्रभुत बीस्‍वास् अस्‍य्‍हेङ्‍बलमा ग्‍यम्‍से तएनो अकीन्‍नले खबल य्‍हीन्‍ब।