15 “ओसेम् कोइ बीस्वासीचे एइ बीरुद्दरी पाप स्य्हेङ्ज्यी पङ्सम् ए थेज ङ्यीज्यीम् थेइ दोस् ङोन्पीनो। थेचे एइ तम् ङ्येन्ज्यी पङ्सम् थे एइ अले तस्ये मुब।
होलेनो चु ज्यीदमा न्हङ्री गीएनो नास् अतखइ पङ्बे सेम् स्वर्गरी स्य्हुबे एङ्यीमाकी अपल मुब।
हुजु लीप्चे पत्रुस येसुज खज्यीम् ङ्योत्ज्यी, “प्रभु, खल्चे पङ्लेनो ङइ बीरुद्दरी पाप स्य्हेङ्स्यीनो टीज्यी पङ्सम् ङचे थेत गदे ख्यप् क्षमा स्य्हेङ्थोब? ङ्यीस् ख्यप् सम्म?”
हुजु लीप्चे येसुचे डबमात सुङ्ज्यी, “एङ्यीमाचे जम्मतनो सेम् य्हङ्सेनो माफ् अपीन्ज्यी पङ्सम्, स्वर्गरी स्य्हुबे ङइ अपचेएनो एङ्यीमात होलेनो स्हेङ्स्ये मुब।”
दुस्टचे एङ्यीमात थडापुङो, तर ज्यब स्य्हेङ्ज्यीम् दुस्टत डागो।
एङ्यीमाचे बीस्वासी र्होमाकी अकोङ्बे बीबेक् न्होङ्न लज्यीम् चोले ख्रीस्ट्की बीरुद्दरी पाप स्य्हेङ्ब।
होत्तज्यीम् ङचे हुजु चीठी न्हा दुख पीन्बे म्हीइ लागीरी ब्रीबल न्हा दुख यङ्बे म्हीइ लागीरी ब्रीबल य्हीन्ब। तर एङ्यीमा ङ्यीमातेङ् पर्मेस्वर्की ङोन्ग्यम् गदे बीस्वासीलो मुब बी र्हङ्चेनो स्येःखइ बी ब्रीबल य्हीन्ब।
ङइ बीस्वासी र्होमा, खल्चे पङ्लेनो अज्यबे लक् स्य्हेङ्टीसम् एङ्यी आत्मा ग्यम्से सोबलमाचे नम्र तज्यीम् थेत ज्यबे ग्यम्री ब्रन लबरी र्हो स्य्हेङ्थोब। तर एङ्यीमा र्हङएनो परीक्षारी अदोखइ पङ्ज्यीम् होसीयार् तथोब।
गीःचे गीःत नाको, खलइ बीरुद्दरी पङ्लेनो तए दोस् मुसम् गीःचे गीःत क्षमा पीनो। प्रभुचे खले एङ्यीमात क्षमा स्य्हेङ्जेत्ज्यी, होलेनो एङ्यीमाचेएनो गीःचे गीःत क्षमा स्य्हेङो।
चु तम्री एङ्यीमा खल्चेएनो ल्हो-ल्हो बीस्वासीत अज्यब थस्य्हेङो। चोतेबे तम्मारी प्रभुचेनो सजाय न्हङ्जेत्प। ङ्यीमाचे एङ्यीमात चु तम्की बारेरी ङोन्नो ङ्हच्छ्यङ् चेतावनी पीन्ज्यीन्बल मुब।
तर थेत सत्तुर् थम्हेनो, ओसेम् बीस्वासी र्होमात र्हङ्ले चेतावनी पीनो।
म्हीमात थीन लबलत ङ्य्हीक्ख्यप्सम्मा चेतावनी पीनो, थेचे अङ्येन्ज्यी पङ्सम् थेतेङ् तइ लकएनो थस्य्हेङो।
बीस्वासी म्रीङ्मा, एङ्यीमा र्हङ्की र्हेम्बोमाइ अधीन्री टीथोब। होले लबतेङ् पर्मेस्वर्की फ्रोइत बीस्वास् अस्य्हेङ्बे र्हेम्बोमाचेएनो एङ्यीमाकी बानी ब्यहोर् म्रङ्ज्यीम् एङ्यीमाचे तेए अस्येत्लेएनो बीस्वास् स्य्हेङ्स्ये मुब।