मत्‍ती 17:10 - पश्‍चिम तामाङ

¹⁰ ओसेम् डबमाचे येसुत ङ्‌योत्‍ज्‍यी, “धर्‌म लोप्‍पोन्‍माचे मुक्‍ती न्‍हङ्‌बे ख्रीस्‍ट् बीम ङोन्‍ग्‍यम् तले एलीया खनोथोब बी पङ्‍ब?”

मत्‍ती 17:10 ပူးပေါင်းရင်းမြစ်များ

मत्‍ती 11:14

ओसेम् एङ्‍यीमाचे ङत बीस्‍वास् स्‍य्‍हेङ्‌बे सेम् लबनो पङ्‌सम्, थेङ्‍यीमाचे खस्‍ये मुब पङ्‌बे एलीया युहन्‍नानो य्‍हीन्‍ब।

मत्‍ती 16:14

डबमाचे पङ्‍ज्‍यी, “डेत्‍चे बप्‍तीस्‍मा पीन्‍बे युहन्‍ना, डेत्‍चे एलीया पङ्‍ब ओसेम् डेत्‍चेम् की यर्‌मीया की खल पङ्‌लेनो ल्‍हो-ल्‍हो अगम्‍बक्‍तमा न्‍हङ्‌री गी य्‍हीन्‍ब पङ्‍ब।”

मत्‍ती 17:11

येसुचे थेङ्‌यीमात सुङ्‌ज्‍यी, “य्‍हीन्‍ब, एलीया देम्‍मेन्‍नो खस्‍ये मुब, ओसेम् थेचेनो जम्‍म तम्‍मा टोप् स्‍य्‍हेङ्‌स्‍ये मुब।

मर्‌कुस् 9:11

ओसेम् थेङ्‍यीमाचे येसुत, “धर्‌म लोप्‍पोन्‍माचे ङोन्‍ग्‍यम् एलीया अगम्‍बक्‍त खथोब बी तले पङ्‍ब?” बी ङ्‌योत्‍ज्‍यी।

युहन्‍ना 1:21

ओसेम् थेङ्‍यीमाचे ङ्‌योत्‍ज्‍यी, “होलेपङ्‌सम् ए खल? ता ए एलीया य्‍हीन्‍ब?” युहन्‍नाचे, “ङ अय्‍हीन्” पङ्‍ज्‍यी। थेङ्‍यीमाचे, “ए ङ्‌यीमाचे ब्रेन्‍टीबे अगम्‍बक्‍त य्‍हीन्‍ब?” बी ङ्‌योत्‍ज्‍यी। युहन्‍नाचे, “अय्‍हीन्” पङ्‍ज्‍यीम् जोहाप् पीन्‍ज्‍यी।

युहन्‍ना 1:25

ओसेम् थेङ्‍यीमाचे युहन्‍नात ङ्‌योत्‍ज्‍यी, “ए मुक्‍ती न्‍हङ्‌बे ख्रीस्‍ट्‍एनो अय्‍हीन्, एलीयाएनो अय्‍हीन्, ओसेम् अगम्‍बक्‍तएनो अय्‍हीन् पङ्‌सम् तले बप्‍तीस्‍मा पीन्‍बल स्‍यीम्?”