मत्‍ती 16:19 - पश्‍चिम तामाङ

¹⁹ ङ एत स्‍वर्‌गइ य्‍हुल्‍की साचोमा पीन्‍स्‍ये मुब। एचे जम्‍बुलीङ्‌री ता खीज्‍यी हुजु स्‍वर्‌गरीएनो खीस्‍ये मुब, ओसेम् एचे जम्‍बुलीङ्‌री ता फ्रेन्‍ज्‍यी हुजु स्‍वर्‌गरीएनो फ्रेन्‍स्‍ये मुब।”

मत्‍ती 16:19 ပူးပေါင်းရင်းမြစ်များ

मत्‍ती 18:18

“देमेन्‍नो ङ एङ्‌यीमात पङ्‌ब, एङ्‍यीमाचे चु जम्‍बुलीङ्‌री ता खीब हुजु स्‍वर्‌गरीएनो खीस्‍ये मुब। ओसेम् एङ्‍यीमाचे ता चु जम्‍बुलीङ्‌री फ्रेन्‍ब, हुजु स्‍वर्‌गरीएनो फ्रेन्‍स्‍ये मुब।

युहन्‍ना 20:23

खलइ पाप एङ्‍यीमाचे क्षमा पीन्‍ज्‍यी, हुजुइ पाप क्षमा तस्‍ये मुब, तर खलइ पाप एङ्‍यीमाचे क्षमा अपीन्‍ज्‍यी, थेङ्‍यीमाइ पाप क्षमा तस्‍ये अरे।”

प्रेरीत् 15:7

थेङ्‍यीमान्‍हङ्‍री य्‍हक्‍को तम् ज्‍योप्‍प बीसेम् पत्रुसचे रप्‍ज्‍यीम् पङ्‍ज्‍यी, “अज्‍यो-अलेमा, थेङ्‍माचे स्‍येःबलनो मुब, तोव बेलो ङोन्‍ग्‍यम् यहुदी अय्‍हीन्‍बे म्‍हीमाचेएनो ज्‍यबे सम्‍तर् थ्‍येःज्‍यीम् मुक्‍ती यङ्‍खइ बी पर्‌मेस्‍वर्‌चे ङत र्‌हङ्‍मा न्‍हङ्‍चे दम्‍जेत्‍पल मुब।

२ कोरीन्‍थी 2:10

एङ्‍यीमाचे क्षमा पीन्बे म्‍हीत ङचेएनो क्षमा पीन्‍ब। ङचे खल्‍त पङ्‌लेनो तइ तम्‍री पङ्‌लेनो क्षमा पीन्‍थोसम् ङचे क्षमा पीन्‍बतेङ् ख्रीस्‍ट्‍की ङोन्‍ग्‍यम् एङ्‌यीमात ज्‍यब तबे लागीरी क्षमा पीन्‍ब।

१ थेस्‍लोनीकी 4:8

होत्‍तज्‍यीम् चु तम् अङ्‍येन्‍बलचे म्‍हीमात अय्‍हीन्, तर एङ्‌यीमात पबीत्र आत्‍मा न्‍हङ्‍जेत्‍पे पर्‌मेस्‍वर्‌तनो अङ्‌येन्‍बल य्‍हीन्‍ब।

प्रकास 1:18

ओसेम् सोम्‍बोमी ङनो य्‍हीन्‍ब। ङ स्‍यीबल मुबल, तर च्‍यागो, देरेम् ङ खेमपङ्‍लेनोइ लागीरी सोबल मुब। ओसेम् स्‍यीबतेङ् स्‍यीबे म्‍हीमाकी आत्‍मामा टीबे ग्‍लाकी साचोमा ङतेङ् मुब।

प्रकास 11:6

थेङ्‍यीमाचे अगम्बानी पङ्‍बे बेलोमारी नम् अयुखइ पङ्‍ज्‍यीम् मु दुङ्‍बे सक्‍ती थेङ्‍यीमातेङ् मुब। ओसेम् जम्‍मा ग्‍लाकी यीमात का तनलबरी ओसेम् जम्‍बुलीङ्‌री थेङ्‍यीमाचे म्‍हेन्‍ब अनुसार् य्‍हक्‍को थोइ य्‍हम्‍मा बबे सक्‍ती थेङ्‍यीमातेङ् मुब।

प्रकास 3:7

“ओसेम् फीलाडेल्‍फीयाकी मन्‍डलीत स्‍य्‍हप्‍तो स्‍य्‍हेङ्‌बे चवत चु तम् ब्रीउ: “चु तम्‍मा पबीत्रतेङ् देमेन् ओसेम् दाऊद ग्‍यल्‍बोइ साचो मुबलचे सुङ्‍जेत्‍प, ओसेम् थेङ्‌चे ठोङ्‍जेत्‍पल खल्‍चेएनो दुङ्‍ब अखम्, ओसेम् थेङ्‌चे दुङ्‍जेत्‍पल खल्‍चेएनो ठोङ्‍ब अखम्।

प्रकास 9:1

हुजुलीप्‍चे पाचौ स्‍वर्‌गदुत्‍चे थेइ तुरही र्‌हप्‍ज्‍यी ओसेम् ङचे मुग्‍यम्‍से सार् गी सरी तइयुबल म्रङ्‌ज्‍यी। हुजु सार्‌त दप्‍ज्‍यीम् दप्‍प अखम्‍बे नुप्‍पे व्‍हङ्‍की साचो पीन्‍ज्‍यी।