मत्‍ती 15:28 - पश्‍चिम तामाङ

²⁸ ओसेम् येसुचे हुजु अमकोलत सुङ्‌ज्‍यी, “एइ बीस्‍वास् ङ्‍हच्‍छ्‍यङ् टीम्, एचे म्‍हेन्‍बल तखइ।” ओसेम् हुजु बेलोरीनो थेइ जमे फेन्‍ज्‍यी।

मत्‍ती 15:28 ပူးပေါင်းရင်းမြစ်များ

मत्‍ती 14:31

ओसेम् येसुचे ग्‍योन्-ग्‍योन्‍नो थेइ या चुङ्‌ज्‍यीम् “एइ बीस्‍वास् खइ, एचे तले सङ्‌क लबल?” बी सुङ्‌ज्‍यी।

मत्‍ती 15:27

ओसेम् अमकोलचे पङ्‍ज्‍यी, “य्‍हीन्‍बनो प्रभु, तर नीकीमाचेएनो र्‌हङ्‌की न्‍याबोचे चबे बेलोरी तइबे स्‍यीरमा चब।”

मत्‍ती 8:10

चु तम् सेन्‍जेत्‍ज्‍यीम् येसु अचम्‍म तजेत्‍ज्‍यी, ओसेम् थेङ्‌की लीप्‍चे ब्रबलमात सुङ्‌ज्‍यी, “ङ एङ्‌यीमात देमेन्‍नो पङ्‍ब, चोतेबे ङ्‍हच्‍छ्‍यङ् बीस्‍वास् ङचे इस्राएलीमाकी गुङ्‍रीएनो यङ्‌बल अरे।

मत्‍ती 8:13

हुजु लीप्‍चे येसुचे कप्‍तान्‍त, “ङ्‍यीउ, एचे खतेबे बीस्‍वास् स्‍य्‍हेङ्‌बल मुब, होतेबनो तखइ” बी सुङ्‌ज्‍यी। ओसेम् कप्‍तान्‍की योक्‍पो हुजु बेलोरीनो फेन्‍ज्‍यी।

मत्‍ती 9:22

ओसेम् येसुचे ग्‍यप्‍चे दोःज्‍यीम् स्‍हीमम् हुजु अमकोलत म्रङ्‌जेत्‍ज्‍यीम् सुङ्‌ज्‍यी, “जमे, सेम् कोङ्‍न लउ, एइ बीस्‍वासचे एत फेन्‍नलबल मुब।” हुजु बेलोरी हुजु अमकोल फेन्‍ज्‍यी।

मर्‌कुस् 5:34

ओसेम् येसुचे थेत, “जमे, एइ बीस्‍वास्‍चे एत फेन्‍न लबल मुब। ज्‍येन्‍ले ङ्‌यीउ, ए फेन्‍बल मुब” बी सुङ्‌ज्‍यी।

लुका 17:5

प्रेरीतमाचे प्रभुत, “प्रभु ङ्‌यीमाइ बीस्‍वासत ङ्‌हच्‍छ्‌यङ् तनलजेतो” बी पङ्‌ज्‍यी।

लुका 7:50

ओसेम् येसुचे अमकोलत सुङ्‌ज्‍यी, “एइ बीस्‍वासचे एत थर्‌न लबल मुब, सान्‍तीले य्‍हरो।”

लुका 7:9

चु तम् थ्‍येःज्‍यीम् येसु थोम्‍जेत्‍ज्‍यी। ओसेम् र्‌हङ्‌की लीप्‍चे ब्रबे म्‍हीमाकी हुल्‍त स्‍हीःज्‍यीम् सुङ्‌ज्‍यी, “ङ एङ्‌यीमात पङ्‌ब, चोतेबे ङ्‌हच्‍छ्‌यङ् बीस्‍वास्‍मी ङचे इस्राएलरीएनो यङ्‌बल अरे।”

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।