मत्‍ती 15:1 - पश्‍चिम तामाङ

¹ हुजु लीप्‍चे डेत्-डेत् फरीसीमातेङ् धर्‌म लोप्‍पोन्‍मा यरुसलेम ग्‍यम्‍से खज्‍यीम् येसुत ङ्‌योत्‍ज्‍यी,

मत्‍ती 15:1 ပူးပေါင်းရင်းမြစ်များ

मत्‍ती 23:2

“धर्‌म लोप्‍पोन्‍मातेङ् फरीसीमाचे मोसाचे ब्रीबे पर्‌मेस्‍वर्‌की नीयम्‍मा लोप्‍पे अधीकार् यङ्‌बल मुब।

मत्‍ती 5:20

होत्‍तज्‍यीम् ङ एङ्‌यीमात पङ्‍ब, पर्‌मेस्‍वर्‌चे कुल्‍जेत्‍पे अर्‌तीमा धर्‌म लोप्‍पोन्‍मातेङ् फरीसीमाचे बीम य्‍हक्‍को ज्‍यनले अङ्‍येन्‍सम् एङ्‍यीमा खेमेनो स्‍वर्‌गइ य्‍हुल्‍री वङ्‍स्‍ये अरे।

मर्‌कुस् 3:22

ओसेम् यरुसलेम ग्‍यम्‍चे खबे धर्‌म लोप्‍पोन्‍माचे पङ्‍ज्‍यी, “चुत म्‍हङ्‍माकी ग्‍यल्‍बो बाल्‍जीबुल म्‍हङ् स्‍यप्‍पल मुब, हुजु म्‍हङ्‍की सक्‍ती ग्‍यम्‍चे म्‍हङ्‌मा ल्‍हब्‍लाबल य्‍हीन्‍ब।”

लुका 5:17

तीरेत् येसु म्‍हीमात लोप्‍जेत्‍टीब मुबल। हुजुरी धर्‌म-लोप्‍पोन्‍मातेङ् फरीसीमाएनो रेइरी टीटीब मुबल। थेमा गालीलतेङ् यहुदीया प्रदेस्‍की जम्‍म नम्‍सतेङ् यरुसलेम सहरसेएनो खबल मुबल। येसुतेङ् नबलमात फेन्‍न लबे परमप्रभुकी सक्‍ती मुबल।

लुका 5:21

येसुचे सुङ्‌बे चु तम् थ्‍येःज्‍यीम् धर्‌म लोप्‍पोन्‍मातेङ् फरीसीमाचे थेमाकी सेम्‍री चोले म्‍हेन्‍ज्‍यी, “पर्‌मेस्‍वर्‌त खीसइतीबे चु म्‍ही खल य्‍हीन्‍ब? पाप्‍मी पर्‌मेस्‍वर्‌चेकीनो क्षमा स्‍य्‍हेङ्‌जेत्‍प खम्‍ब।”

लुका 5:30

फरीसीतेङ् थेमाइ धर्‌म लोप्‍पोन्‍माचे गन्‍गन् लज्‍यीम् येसुइ डबमात पङ्‌ज्‍यी, “एङ्‍यीमाचे तीरो दुत्‍पे म्‍हीमा ओसेम् ल्‍हो-ल्‍हो पापीमातेङ् चबथुङ्‌ब तले स्‍य्‍हेङ्‌ब?”

युहन्‍ना 1:19

यरुसलेम्‍की यहुदी अगुवामाचे डेत्-डेत् लम्‍बुमातेङ् लेबीमात युहन्‍नाइज, “ए खल य्‍हीन्‍ब?” बी ङ्‍योत्‍परी पीत्‍ज्‍यी।

प्रेरीत् 23:9

होत्‍तज्‍यीम् ङ्‍हच्‍छ्‍यङ् सभारी य्‍हक्‍को नर्‌सु तज्‍यी। फरीसीमाकी डेत्-डेत् धर्‌म-लोप्‍पोन्‍माचे रप्‍ज्‍यीम् सदुकीमाकी बीरोद्‍री चोले पङ्‍ज्‍यी, “ङ्‌यीमाचे चु म्‍हील तइ दोस्‍एनो अय्‍हङ्। आत्‍मातेङ् स्‍वर्‌गदुतचे चु म्‍हीतेङ् तम् पङ्‍बल य्‍हीन्‍ब खम्‍ब।”

प्रेरीत् 25:7

ओसेम् पावलत म्रङ्‌ब बीसेम् यरुसलेम् ग्‍यम्‍से खबे यहुदी अगुवामाचे पावलकी कोरोरो रप्‍ज्‍यीम् थोचे थोइ दोस् ल्‍हइदीज्‍यी। तर थेङ्‍यीमाचे खजु दोस्‍लएनो दस्‍यी पीन्‍ब अखम्।