मत्‍ती 14:15 - पश्‍चिम तामाङ

¹⁵ ङ्‌येस्‍ये तब बीसेम् डबमा खज्‍यीम् थेङ्‌त पङ्‍ज्‍यी, “ङ्‍येस्‍ये तज्‍यीन्‍ज्‍यी, चु ग्‍ला थङ् तबे ग्‍ला य्‍हीन्‍ब। चु म्‍हीमात पीत्‍जेतो ओसेम् थेङ्‍यीमा नम्‍समारी ङ्‌यीज्‍यीम् र्‌हङ्‌की लागीरी चब ग्‍लुखइ।”

मत्‍ती 14:15 ပူးပေါင်းရင်းမြစ်များ

मत्‍ती 14:13

ओसेम् येसुचे चु तम् थ्‍येःब बीसेम् थेङ् दोङ्‌गरी क्रेत्‍जेत्‍ज्‍यीम् थङ् तबे ग्‍लारी स्‍येबरी डोङ्‍जेत्‍ज्‍यी। तर येसु खन स्‍येःजेत्‍टीब पङ्‍बे तम् स्‍येज्‍यीम् य्‍हक्‍को म्‍हीमा नम्‍समा पीत्‍ज्‍यीम् ब्रज्‍यीम्‍नो थेङ्‌की लीप्‍चे ङ्‌यीज्‍यी।

मत्‍ती 14:14

येसु दोङ्‌गचे फप्‍जेत्‍मम् य्‍हक्‍को म्‍हीमात म्रङ्‌जेत्‍ज्‍यी। ओसेम् थेङ्‌चे थेङ्‌यीमात दय लजेत्‍ज्‍यीम् हुजुरी मुबे नबमात फेन्‍न लजेत्‍ज्‍यी।

मत्‍ती 14:16

तर येसुचे थेङ्‌की डबमात सुङ्‌ज्‍यी, “थेङ्‌यीमा य्‍हर्‌अथो, एङ्‌यीमाचेनो थेङ्‌यीमात चब पीनो।”

मत्‍ती 15:23

तर येसुचे थेत तएनो असुङ्। ओसेम् थेङ्‌की डबमा खज्‍यीम् थेङ्‌त फ्‍या लज्‍यीम् पङ्‍ज्‍यी, “चु अमकोलत चु ग्‍ला ग्‍यम्‍से पीत्‍जेतो। तलेपङ्‍सम् थे क्रीङ्‌ज्‍यीम् ङ्‌य्‍हङ्‌माकी लीप्‍चे खटीबल मुब।”

मर्‌कुस् 8:3

ओसेम् थेङ्‌यीमात फोइतेन्‍नो दीम्‍री पीत्‍ज्‍यी पङ्‌सम् थेङ्‍यीमा ख्रेन्‍ज्‍यीम् ग्‍यम्‍रीनो गुर्‌स्‍ये मुब। तलेपङ्‍सम् थेङ्‍यीमान्‍हङ्‍री डेत्-डेत्मी य्‍हक्‍को थारीङ् ग्‍यम्‍से खबल मुब।”

लुका 9:12

दीनी गल् यम्‍ब बीसेम् चुङ्‌ङ्‌यी प्रेरीतमा थेङ्‌जा खज्‍यीम् पङ्‌ज्‍यी, “म्‍हीमात य्‍हर्‌पुङ्‌जेतो, थेङ्‌यीमा ङ्‌यीज्‍यीम् रेइ-रेइकी नम्‍समारी चब थुङ्‌बतेङ् र्‌यबे ग्‍ला म्‍हइखइ।” तलेपङ्‍सम् चु उजाड-ग्‍लारी चबथुङ्‌ब तेएनो अरे।